وقفة ضد اوماترا و مشكلة الفرامل

[tareket]

طباعا الكل كان متابع موضوع الطنابير بتاعتى و بتاعت
Yoko
انا كنت بعت ميل لفيات وكنت بصراحة فاكر انهم هيعملو حاجة

بس رضهم كان الملخص بتاعو:

احنا بعتنا للتوكيل فى مصر وكان رد التوكيل ان دا عادى جدا تتغير على 60000 الف

المهم

انا نصحت الناس هنا محدش يغير التيل او الطنابير فى التوكيل للعرابيات
التربو

الموافق يا ريت يبعتلى الأتى على الميل بتاعى فى دليل أعضاء قسم فيات

الاسم:
رقم الشاسيه:
تاريخ الترخيص:


و هبعت لفيات مصر و ايطاليا شكوا تانية مشتركة نعترض فيها
ويا نتوصل لحل وسط
او نقاطع التوكيل من ناحية الفرامل


رجاء اى حد يبعتلى يبقى جاد و فعلا ناوى يقاطع التوكيل فى موضوع الفرامل


ملحوظة فرامل العرابية فوق الممتازة و ممكن اقول انها احسن فرامل لعرابية انا شفتها
انما واضح ان المشكلة فى الطنابير او التيل

[yoko]

انا كنت رديت على حضرتك من الموبيل ودخلت مخصوص عشان أرد وهبعت لحضرتك البيانات بكره الصبح غن شاء الله

[Ghamrawy]

تم ارسال الميل يا باشا

[tareket]

تم ارسال الميل يا باشا

شكرا يا محمد

انا منتظر بقيت الناس و بعض كدا هجهز الميل و هبعت واحد لفيات مصر
وواحد تانى لفيات ايطاليا
وربنا يكرم

[Ghamrawy]

شكرا يا محمد

انا منتظر بقيت الناس و بعض كدا هجهز الميل و هبعت واحد لفيات مصر
وواحد تانى لفيات ايطاليا
وربنا يكرم

العفو
احنا عايزين uprated brakes زى الابارث

[tareket]

العفو
احنا عايزين uprated brakes زى الابارث

يا ريت بس المشكلة ان الابارث ابعاض مختلفة

اظن مش متاكد
ابعاض الطنابير

281*44
العرض 26 ماكس

ابعاض التيل

151*80

احنا العادى

الطنابير

284*44
العرض 22 ماكس

التيل

131*50

انا مش فاكر بالظبط لو عاوز الارقام عندى على الكمبيوتر التانى

[A7mad_Nabil]

ملحوظة فرامل العرابية فوق الممتازة و ممكن اقول انها احسن فرامل لعرابية انا شفتها
انما واضح ان المشكلة فى الطنابير او التيل

كويس إن حضرتك أضفت الجملة د لأن في ناس كتير ممكن تحس إن الفرامل مشكلة كبيرة أو عيب في العربية ، انما الحقيقة انها من كتر ما هي ممتازة بتستهلك بسرعة و دة إلي حضرتك بتشوف حل ليه من ناحية التوكيل أو فيات إيطاليا ..

يا الفرامل أو الطنابير خصوصاً تبقى تبع الضمان يا يبقى في بديل مبيستهلكش بالسرعة دى..

الحمد لله العربيات ممتازة وإن يكون بعد الفترة دى من الإستخدام وميظهرش أي عيب فيها غير الموضوع دة - وإن كنت شايفه من تجاربكم إنه ميعتبرش عيب - بس انتوا بتدوروا على أفضل الحلول فدة شيء ممتاز..

[tareket]

كويس إن حضرتك أضفت الجملة د لأن في ناس كتير ممكن تحس إن الفرامل مشكلة كبيرة أو عيب في العربية ، انما الحقيقة انها من كتر ما هي ممتازة بتستهلك بسرعة و دة إلي حضرتك بتشوف حل ليه من ناحية التوكيل أو فيات إيطاليا ..

يا الفرامل أو الطنابير خصوصاً تبقى تبع الضمان يا يبقى في بديل مبيستهلكش بالسرعة دى..

الحمد لله العربيات ممتازة وإن يكون بعد الفترة دى من الإستخدام وميظهرش أي عيب فيها غير الموضوع دة - وإن كنت شايفه من تجاربكم إنه ميعتبرش عيب - بس انتوا بتدوروا على أفضل الحلول فدة شيء ممتاز..

مظبوط كلامك انا بغير التيل على 30000 و طلبوا انوا يتغير تانى على 60000 ده مقبول و ممكن اعتبروا كويس بالنسبة لعربيات تانية

انما التيل يكلفنى تغيروا حوالى 700 جنيه بعض الضريبة و المصنعية و بياكل فى الطنابير دا غير مقبول و لو اى حد قال غير كدا يبقى بيستخف بعقلنا

اه الفرق بين التيل الاصلى و التيل المضروب اللى ممكن نغيروا برا ب افل من 200 جنيه بالتركيب


و كمان مدام فى سنسور للتأكل منورش ليه عند احمد قبل مالطنابير تبوظ

لكن باردو انا شايف ان دا عيب مقبول للعرابية

الهدف من الموضوع

اولا تحذير الاعضاء

ثانيا الضغط على التوكيل وبالشكل دا الكل يستفيد
المطلوب من التوكيل

الاعتراف بالمشكلة, مش الانكار و يتقالى دا عيب استخدام
المفروض طول انا بغير التيل فى الوقت المناسب و التيل الاصلى من التوكيل عمر الطنابير ماتتأثر


تغير نوع التيل المستخدم ان كان التيل هوا السبب
لو تم اثبات ان التيل نوعية سيئة ,التوكيل لازم يبرر ليه التمن غالى
او
تغير الطنابير فى الضمان ان كان فيها عيب



يا ريت لو حد عندوا اى اضافات يبعت علشان نتوصل لحل يرضى جميع الاطراف



على رأى اعلان Toyota or Mercedes
الاصلى يعمر والمضروب يدمر

[yoko]

أنا مفيش حاجة نورت لإن التيل الخلفي معليهوش سينسور!!!
والتيل الخلفي المفروض يتغير بعد ال50 الف وعندي خلص 27!!!

[Ahmed.Ali]

أنا مفيش حاجة نورت لإن التيل الخلفي معليهوش سينسور!!!
والتيل الخلفي المفروض يتغير بعد ال50 الف وعندي خلص 27!!!

احمد باشا مفيش قاعده في الدنيا للتيل و دي الحاجه الي التوكيل هيقولها و للاسف معتقدش الشكوي هتعمل حاجه انا مش عاوز اكسر مقاديفكم بس الاريح دوروا علي تيل و طنابير في الماركات العالميه مخصوص للتربو و صدقني اكيد هيبقي ارخص من التوكيل
في الجين2 انا ركبت تيل البرافا Mylee Made in Germany و اقدر اقول انه ممتاز فلو شوفتو بديل عندكوا الموضوع هيتظبط

[Atrees]

انا عندي كام استفسار كدة -

لو التيل بيخلص علي 30000 فدة كويس - طيب الاعتراض علي سعرة ؟؟؟؟
التيل الخلفي بيعمر شويتيين - يعني ممكن يتغير علي 80 الف - وفي عربيات اكتر كمان - طيب يوكو غيرو علي 27 الف ؟؟؟؟

متهيالي ان المشكلة في الطنابير معاكم ولا انا فاهم غلط ؟؟؟

بس لو الطنابير بتتاكل مع الفرامل بسرعة ودة شائع في العربية فدة معناة ان العربية نازلة كدة مش عيب تصنيع - وبالتالي - كل عربية بيبقي فيها حاجة بتبقي نازلة من المصنع كدة - مش عيب لا دة تصميم زي مثلا السيراتو الجنط ال 17 بيدبدب - دة مش عيب تصنيع دة عيب تصميم

انا رايي استمتعوا بالعربية - مش مشكلة يبقي في حاجة واحدة مدايقاكم - طالما العربية ككل مريحاكم - وتقبلو مروري

[yoko]

احمد باشا مفيش قاعده في الدنيا للتيل و دي الحاجه الي التوكيل هيقولها و للاسف معتقدش الشكوي هتعمل حاجه انا مش عاوز اكسر مقاديفكم بس الاريح دوروا علي تيل و طنابير في الماركات العالميه مخصوص للتربو و صدقني اكيد هيبقي ارخص من التوكيل
في الجين2 انا ركبت تيل البرافا mylee made in germany و اقدر اقول انه ممتاز فلو شوفتو بديل عندكوا الموضوع هيتظبط

تمام بس أنا إكتشفت موضوع كده وهروحلهم قريب

[Ghamrawy]

يا جماعة المشكلة الاساسية فى التيل
التيل لو خاماته فيها رحمة على الطنابير ماكانتش الطنابير اتنحتت و باظط
انا ماعنديش اغير تيل كل 20 الف
بس سعره مايعديش ال 200 جنيه و تكون خاماته هى اللى تتاكل مش تاكل فى الطنابير و فى نفس الوقت هى كمان تتاكل

ممكن لو حد من الاخوة اللى فى القاهرة يعدى على محمد الكيلانى بتاع قطع غيار الفيات و يشوف بدايل معاه

انا ايام اللانسر كنت باجيب التيل الاصلى ب 375 ج و كان بيفضل حوالى 35 الف كيلو و بعد كده جبت نوع تانى ب 90 جنيه و قعد 20 الف كيلو و كان احسن من الاصلى لان الاصلى كان بيزحلق و مايمسكش

[yoko]

أنا عندي جمب إتاكل وجمب فيه أكتر من النص يعني التيل كان هيعد معايا من 50 ل 60 كم بس غالبا عندي مشكله في الماستر

[tareket]

انا عندي كام استفسار كدة -

لو التيل بيخلص علي 30000 فدة كويس - طيب الاعتراض علي سعرة ؟؟؟؟
التيل الخلفي بيعمر شويتيين - يعني ممكن يتغير علي 80 الف - وفي عربيات اكتر كمان - طيب يوكو غيرو علي 27 الف ؟؟؟؟

متهيالي ان المشكلة في الطنابير معاكم ولا انا فاهم غلط ؟؟؟

بس لو الطنابير بتتاكل مع الفرامل بسرعة ودة شائع في العربية فدة معناة ان العربية نازلة كدة مش عيب تصنيع - وبالتالي - كل عربية بيبقي فيها حاجة بتبقي نازلة من المصنع كدة - مش عيب لا دة تصميم زي مثلا السيراتو الجنط ال 17 بيدبدب - دة مش عيب تصنيع دة عيب تصميم

انا رايي استمتعوا بالعربية - مش مشكلة يبقي في حاجة واحدة مدايقاكم - طالما العربية ككل مريحاكم - وتقبلو مروري

الاعتراض انوا غالى ومش بيحافظ على الطنابير
على رأى المثل الغالى تمنوا فيه

احنا كدا كدا مستمتعين بالعرابية
ولسة لغايت دلوقتى انا مبسوط بيها وبفضل سواقتها عن عرابيات من فئات اعلى

انما احنا باردو عاوزين نتعامل مع توكيل يهتم براحت الزبون مش بيبيع وخلاص لمجرد انو يحقق ارباح