ارجو المساعدة فى سيارة 127

[modyyyyy2000]

السلام عليكم انا عضو جديد وجديد بردو فى العربيات
انا اشتريت عربية سوبر فيورا 127 موديل 85 هى العربية بحالة جيدة فبريكة
ودلوقت انا قاعد اصرف عليها شوية عشان اجددها
اول ما جبتها قعدت اسوقها شوية كان صوتها واطى جدا ولذيذة كنت باسوق على سرعة 60 ومديها التانى وصوت المكنة كان بيبقى واطى بابتدى اديها التالت بعد الستين
المهم قررت اروشها من برة وفعلا قعدت 15 يوم عند البهيجى بيرشها
جيت اسوقها لقيت العربية مش بتدور والباطرية نايمة مع ان البطرية جديدة من 6 شهور بس قولت اشحنها وشحنتها
وبردو نفس المشكلة روحت للراجل بتاع البطريات قالى البطارية لازم تتغير وفعلا غيرتها
المهم جيت بقى اسوقها تانى لاقيت صوتها بقى عالى ببقى سايق على التلاتين والعربية صوتها يعلى فأضطر اديها التالت تيجى عند الستين والصوت يعلى تانى اديها الرابع نفسى اعرف اية الى حصل للعربية مكنتش كدا خالص
وعايز اعرف العربية 127 بتاخد غيارات السرعات امتى بالنسبة لسرعة العربية تقريبا يعنى بتاخد التالت تقريبا عند سرعة كام والرابع والخامس ولية صوت المكنة بقى يعلى كدا واية الحل ازاى اقدر اوطى صوت المكنة واية رأيكم فى العربية وشكرا جدا واسف على الاطالة

[albalasd]

اولا الف مبروك
ثانيا انا راكب 127 موديل 85
ثالثا هل تثق فى بتاع الدوكو اللى ركن العربيه عنده 15 يوم
رابعا تاكد من الاتى







0 الاسطوانه





9- شوف الشكمان بيطلع دخان ولا لا و لونه ايه
شيك على زيت الماتور .
و بخصوص الاسطوانه هتعرفغها لما تكون طالع على كوبرى فى السحب
و الله الموفق

[modyyyyy2000]

اولا الف مبروك
ثانيا انا راكب 127 موديل 85
ثالثا هل تثق فى بتاع الدوكو اللى ركن العربيه عنده 15 يوم
رابعا تاكد من الاتى







0 الاسطوانه





9- شوف الشكمان بيطلع دخان ولا لا و لونه ايه
شيك على زيت الماتور .
و بخصوص الاسطوانه هتعرفغها لما تكون طالع على كوبرى فى السحب
و الله الموفق

الله يبارك فيك شكرا جدا
انا طبعا اول مرة اتعامل مع الراجل يعنى معرفوش بس هوة ممكن يعمل اي فيى العربية ؟ يعنى ممكن يغير فيها اية او ياخد منها اية ؟
انا بعد ما اخدتها منة غيرت زيت الموتور وغيرت زيت الفتيس وغيرت البطرية ولسة المشكلة قائمة
انا مش لاقى حل غير انى اوديها عند الميكانيكى يفحصها فحص كامل انا بس كل الى مضايقنى انى هاتجنن واعرف اية الى حصلها واية الى اتغير فيها
ملحوظة لسة العربية مش بتدور مع ان البطرية لسة جديدة
وشكرا مرة تانية على الرد والمساعدة

صحيح هوة انت كنت كاتب 9 نقط ؟ المشاركة فيها اتنين بس
انى اتأكد من الاسطوانة ودخان الشكمان

واخر حاجة عربيتك بتديها التالت عند سرعة كام والرابع والخامس تقريبا يعنى وشكرا جدا

[abosharbat]

المعروف ان 127 صوتها عالى
انا معاى 87
الثالث لغاية 60 وبيكون الصوت عالى
اديها الرابع بعد 60
وربنا يكرمك