فيات بونتو كلاسيك

[hazememam14]

بخصوص فيات بونتو كلاسيك يا جماعة ، هي العربية تقفيل ايطالي 100% فعلا ؟؟؟ في ناس قالت تقفيل صيني و ناس قالت صربي و ناس قالت برازيلي ، انا اعرف ان فيات لها مصانع في كل الدول دي فعلا بس ياتري اللي بتيجي مصر تقفيل ايه؟

سؤال تاني معلش هو تمن العربية كام دلوقتي بالظبط و ياتري هايتعمل عليها تخفيض في معرض فورميلا الاهرام اللي كمان كام يوم ولا لأ ؟

وعذرا للاطالة

[fouady]

بالنسبه للتقفيل هي لحد آخر 2010 اللي بتنزل مصرى كانت ايطالي دلوقتي بقيتي صربي ومفيش أي فرق مابينها وبين الايطالي لكن صيني وبرازيلي منزلش منها فـمصر ده رقم واحد رقم اتنين العربية تمنها 68900 تقربا دلوقتي واتاكد برده

[hazememam14]

شكرا علي اهتمامك

[karimalaa]

الفرق بين الايطالي و الصربي...الايطالي فيها جنوط سبور و فوجات
الصربي...الكرسي بيتحرك فوق و تحت و الدركسيون بيتحرك فوق و تحت برده و مرايات أكبر بس طاسات عادي و من غير فوجات

[hazememam14]

طب و هو الصربي دي لسة بتنزل بنفس سعر الايطالي رغم فرق التقفيل و فرق الكماليات دي ؟

[karimalaa]

ايوة بنفس السعر 67400
و انا شايف موضوع الكراسي اللي بتطلع في الصربي دي ميزة حلوة جدااااا!
بس موضوع الفوجات ده برده غلسسسسسسسسسسسسسسسسس
الطاسات حلوة مش وحشة....مش حتحس بفارق بينها و بين الجنوط و المرايات الجانبية عملية أكتر....

[bayoumisoft]

سعرها كام ويا تري متوافرة

ويا ريت اللي معاه العربية دي يقولنا اية رأية فيها

[hazememam14]

هي ايه كماليات البونتو يا جماعة ؟ افتكر فيها airbag بس مش عارف فيها abs ولا لأ ، زجاج كهربائي قدام بس ولا ورا كمان ؟

[karimalaa]

2 airbags , ازاز كهرباء أمامي بس , سيتي باور

[hazememam14]

فيها سنتر و راديو cd وusb ولا لأ ؟ و التكييف أخبار شغلو علي الموتور ايه؟ عداد rpm ولا لأ؟ استهلاك البنزين بالتقريب ؟ اسعار الصيانة الدورية في أوماترا بالتقريب برده


طولت علي حضرتك معلش

[karimalaa]

فيها سنتر مفتاح بس مفيهاش كاسيت (أنا شايفها ميزة عشان أركب اللي على مزاجي مع العلم ان الأصلي بتاعها هو البلاوبونت وموجود في مصر بموديلات مختلفة ويركب بالفيشة الأصلية بتاعة العربية ) و هي فيها 4 سماعات وايريال جاهزين و التكييف يعتبر مش بيأثر على السحب و كويس جدا بالنسبة ل1300 بس مش زي الياباني طبعا و في الحر الشديد بياخد وقت شوية...العربية موفرة جدا في البنزين...صياناتها غالية شوية و قطع غيارها غالية في التوكيل...بس بره حتلاقي اللي انت عايزه من أول الصيني لحد الايطالي و الألماني...