صور سيارات جناح فيات بمعرض فورميولا الأهرام

[semsem_uno]

صورة للجناح و الأقبال اللي كان عليه



نبتدي بالألبيا

التقفيل كويس
شكل حلو
نفس موتور الجراند
مانيوال
راديو cd
زجاج كهربائي امامي









الصورة ديه كان الباب الخلفي موارب علشان محدش يفتكر ان العربية فيها فروق



و دول 3 صور للجميلة "برافو" 120

[semsem_uno]

ندخل على فيات دوبلو و هي عربية فان جميلة جدا جدا جدا تكييف و ازاز كهرباء و باور و فوانيس تطلع و تنزل من جوة و سعرها 90 الف علي ما اعتقد
الموتور بتاعها 1300 تربو ديزل و ديه حاجة جميلة جدا (عزم المواتير الكبيرة و في نفس الوقت مش هتدفع كتير في التجديد لأن الموتور صغير)









فيات 500 كلاسيك اعلي فئة
السعر كان علي ما اتذكر 180 الف
طبعا الكماليات واضحة في الصور و زينون طبعا و pedal shifting

[semsem_uno]

نيجي للعظيمة "لينيا" و نزلت 1600 110 حصان بالفتيس الديوال لوجيك "اللي بيجمع الأوتوماتيك و المانيوال بعزم و قوة المانيوال و ليه مواضيع كتير على المنتدي" و جنوط 17 بوصة و نبتدي بورقة المواصفات

[semsem_uno]

و اخيرا البونتو كلاسيك

[Eng_Moh.Dewair]

الف شكر يا سمسم على المجهود الكبير ده بس انت ليه ما صورتش تابلوه اللينيا ؟
واتمنى بقيه الاعضاء ينزلوا تغطيه شامله للمعرض زى ما اتعودنا منهم
و الف شكر تانى يا سمسم

[semsem_uno]

العفو
و انا مصورتش تابلوه اللينيا لأنه لا يختلف عن اللي كانت نازلة و كمان مصورتش الأيفو عليان كتيييييير قبلي عملو تقارير ليها :)

[Eng_Moh.Dewair]

العفو
و انا مصورتش تابلوه اللينيا لأنه لا يختلف عن اللي كانت نازلة و كمان مصورتش الأيفو عليان كتيييييير قبلي عملو تقارير ليها :)

يعنى كده العربيه تعتبر اخت بتاعت يوكو ما عدا الموتور
ليا استفسار تانى :
مكتوب compression ratio فى ورقه المواصفات 10.5 : 1 كده عايزه بنزين اوكتان كام ؟

[yoko]

تمام يا سمسم
وال1600 بنزين 92

[Eng_Moh.Dewair]

تمام يا سمسم
وال1600 بنزين 92

تمام طيب لو الcompression ratio 11:1 يبقى الاوكتان كام ؟

[yoko]

تمام طيب لو الcompression ratio 11:1 يبقى الاوكتان كام ؟

يبقى 95 بس برده شوف الكتالوج لغن ممكن 9:1 وتحتاج 95 وممكن العكس يعني دي مش أرقام صح 100%

[amrseba]

انا رحت المعرض و بصراحه الف الف و ارجع للينيا اكتر عربيه برتحلها نفسيا عن كل عربيات فيات عربيه جميله و شوفت برده الاسترا الحمرا التربو ال 180 حصان و برده الجاكور اتفحت و ركبتها و البورش كايين اس ركبتها برده و ال اى كلاس و السى كلاس ستيشن و السيات معجبنيش الانتريور خالص سواء الليون او الابيزا كأنك فى لانوس بجد ياعنى و الرينو داستر عربيه جيب غريبه بس كل ما يقال عنها زباله و يدفعش فيها قرش و اسف على اللفظ عشان عربيه سيئه فعلا و الى عجبتنى السيراتو الهاتش باك و السبارك الجديده و ال500 جميله جدا و الوحش بجد الى عجبنى و انبهرت بيه العربيات الكلاسيك الكمارو اس اس و الموستانج و الكيا سول برده و الاكسنت الجديده جميله و شكلها من بره جميل و ماتورها جامد 124 حصان بس من جوه عره و المازدا الجديده حلوه بس ضيقه اوى و البيجو وهمممممممممممممممممممم و الشيفورليه كابتيفا و الكيا سبورتاج روعه روعه و فيه عربيه صينى تبع فاو كده اسمها red flag و البى واى ديه عجبتنى الليفان مدخلتش دماغى خالص و خصوصا ان الفتيس معجبنيش و يا معلم اللينيا دخلت فيها و شغلت الكاسيت و قاعد يجى ربع ساعه فيها و عمال اسمع اغانى كأنها عربيتى هههههههههه بس عجبتنى جدا

[abdelmessih67]

شكرا يا أخ سمسم على تغطية فيات في المعرض لآنه للأسف فيات اصبحت منسية بعض الشئ في الفترة الاخيرة و لي اسئلة اللينيا ال 1600 تجميع تركي زي ال 1400 أم برازيلي أم ايطالي ؟؟؟؟؟؟؟ و سعرها كام يا سمسم ؟؟؟؟؟

[sonybony]

شكرا جزيلا للتغطيه الممتازه يا جماعه وكأننا روحنا بالظبط

[تامر.محمد]

سؤال للإخوة حريفة المواتير بخصوص اللينيا ال1600 , دلوقت العربية عزمها بيطلع على 4200 RPM , وده عالي اوي و اظن هايخلي العربية على الRPM القليل سحبها ضعيف , ده اللانوس عندي عزمها بيطلع على 3400
:(

و السيات معجبنيش الانتريور خالص سواء الليون او الابيزا كأنك فى لانوس بجد ياعنى

ازيك يا عمرو ؟
:)
و انت الصادق كأنك في فيرنا
و الله انتيريور اللانوس ( الفضي ) أحسن و اشيك من بتاع الابيزا بتاعة 2011 , مش عارف عاملينه ضايع كده ليه

[macdiv]

مشكور ياسمسم بس كنت متوقع الاقي تفاصيل فنيه اكتر من كده ،، بما انك راجل بتاع مواتيير و تعديل و اللذي منه ،، بس مشكور برده