حجزت صيانة ال :) 50000

[ahmadmidop]

صدق او لا تصدق ..... حجزت صيانة ال 50000 ان شاء الله ...... بسهولة غير مسبوقة طلبت احجز امبارح رد عليا واحد محترم جدا مش فاكر الاسم بالظبط ( احسن من البنت بتاعت المرة اللي فاتت ) المهم قالي حضرتك معادك يوم الاربع قولتله لأ انا عاوز الخميس 27-1 وبالفعل حجزت والحمد لله ... وربنا يسهل

[yoko]

يبقى رد عليك أحمد وحكايه زجمة الحجز مبقتش موجوده والحمد لله

[damasry]

الف مبروك يا احمد على ال٥٠ الف وعقبال ال١٠٠ يا باشا :)

واحمد فعلا اكيد هو اللى رد عليك وهو مشترك معانا هنا فى المنتدى

[Medo.Malek]

مبروك الحجز يا احمد و ان شاء الله صيانة موفقة :))

[bembodeniro]

هو فعلا شكله احمد لانه برضه كان ذوق جدا معايا وكان اسمه احمد فعلا

[ahmadmidop]

الله يبارك فيكو ياجماعة .... ده انا كتبت الحاجات اللي هعملها في ورقة
اولاااا هغير مياه الريداتير
ثانيا هغير زيت بس عاوز احط كل 5000 ومش عارف اغير موبيل ولااعمل واخد الزيت معايا ولا ايه !
ثالثا هخليهم بصو على صوت الفتيس اللي من المرة اللي فاتت
رابعا يبصولي على العجل والصوت اللي بيطلع ده من يوم تغيير الجلدة المشئومة
وان شاء الله في بريد جستون ترصيص وظبط زوايا وتربيط عفشة
بس هاروحله ازااااااااي ..... عاوز طريق سهل لأن الوالد هيجي معايا وهنرجع في نفس اليوم .... انا مصدقت اقنعته :)

[yoko]

روح التوكيل وأنا هقابلك لبعديها وانا راجع من الإمتحان

[karimalaa]

الله يبارك فيكو ياجماعة .... ده انا كتبت الحاجات اللي هعملها في ورقة
اولاااا هغير مياه الريداتير
ثانيا هغير زيت بس عاوز احط كل 5000 ومش عارف اغير موبيل ولااعمل واخد الزيت معايا ولا ايه !
ثالثا هخليهم بصو على صوت الفتيس اللي من المرة اللي فاتت
رابعا يبصولي على العجل والصوت اللي بيطلع ده من يوم تغيير الجلدة المشئومة
وان شاء الله في بريد جستون ترصيص وظبط زوايا وتربيط عفشة
بس هاروحله ازااااااااي ..... عاوز طريق سهل لأن الوالد هيجي معايا وهنرجع في نفس اليوم .... انا مصدقت اقنعته :)

اشرحلي كده يا ميدو صوت الجيربوكس ده عشان أنا شاكك في حاجة!

[ahmadmidop]

بص ياكريم هوا صوت زي خبطه خفيفه لما اجي اجيب اول اوتاني بس الكلام ده لما العربيه تكون بارده لكن ربع ساعه كده الصوت بيروح مش عارف ان حد في التوكيل نقل من غير لما يدوس دبرياج مثلا ربنا يسهل واشوف هيقولو ايه؛_ يا احمد يوكو اجيب الزيت معايا بتاع 5 الاف ولاايه وموبيل ولا شيل

[yoko]

جيب شيل وليه مش هتحط بتاع ال10 الاف؟

[ahmadmidop]

مش عارف كولو بيقولي اغير كل 5 احسن .. احسن ماالزيت يعد كتير

[yoko]

معلش ده هجس فيات في الكتالوج عندي بيغيروا زيت كل 30 الف!!!!

[karimalaa]

لأ انا الصوت اللي عندي اعتقد انه بلية بس عايز اتأكد....هو زي صوت بلية بتكركر كده لو نقلت بدري بيجي في أول النقلة اللي بعدها و بيزيد قوي لو كبست بنزين...لحد ما العزم يجي يبدأ الصوت يروح.....و ساعات وأنا واقف و ممور الصوت يبقى موجود...أدوس دبرياج يروح...أشيل يرجع تاني....فيا ريت لو حد متأكد يقول دي بلية الاسطوانة ولا ايه؟!

[ahmadmidop]

مش عارف انا الصوت اللي بقلك عليه في الفتيس نفسه وانا بنقل اول او تاني .... !!

[damasry]

غير يا احمد زيت كل 10 الاف وكمان انت ضمانك لسه شغال ولا خلص؟؟؟؟