برجاء المساعدة بخصوص استلام بونتو كلاسيك

[Mohd_Adel_Amin]

السلام عليكم ورحمة الله وبركاته

دي اول مرة اكتب عندكم يا جماعة بس انا محتاج مساعدتكم بخصوص استلام بونتو كلاسيك
يعني ايه الحاجة اللي اركز عليها في الاستلام , هل فيه حاجة زي (شك ليست ) اتأكد منها وانا بستلم , هي العربية بتاعة واحد صاحبي وهنستلمها بكرة بإذن الله من اوماترا اسكندرية ..

وشكرا جزيلا ....

[Medo.Malek]

سلام عليكم :)
بص حضرتك لازم تبص و تشيك على كل حاجة و كل سم فى العربية :)
حضرتك رتبها كده.. تبص على العربية من برة خالص لحد جوة خالص يعنى تبص الاول على جسم العربية كله حته حته و تتأكد انه سليم مفيش فيه خربوش حتى و تبص عليها من تحت برضه و هيا واقفة و تبص على الفوانيس تشوفها سليمة ولا لا و تبص كويس على السقف بتاعها و ميكونش فيها اى خبطات او نقر وتبص على الازاز برضة من برة و من جوة و تراجع العجل و الجنوط ..
و بعد ما تطمن على العربية من برة ابدأ بص عليها بقة جوة بص على كل حاجة فيها (اشارات و كاسيت و تكييف و الازاز الكهرباء و الانوار كلها و راجع على كل كماليات العربية من الاخر :) ) و بص على الفرش و الكراسى و الابواب من جوة و العتب و اتأكد ان مفيش برومة او اى حاجة فى اى حته
و انتقل الى الشنطة راجع الاستبن و العده لو فى .. و بص تحت الفرش بتاع الشنطة اذا تعرف و بص تحت الاستبن و اتأكد ان مفيش برومة برضه و جرب مفاتيح العربية كلها بالريموت و من غير و اتأكد انها شغالة
بالتوفيق ان شاء الله و الف مبروك العربية و ربنا يباركله فيها ان شاء الله و يكفيه شرها و شر العين ..

[AHMED REFAT]

سلام عليكم :)
بص حضرتك لازم تبص و تشيك على كل حاجة و كل سم فى العربية :)
حضرتك رتبها كده.. تبص على العربية من برة خالص لحد جوة خالص يعنى تبص الاول على جسم العربية كله حته حته و تتأكد انه سليم مفيش فيه خربوش حتى و تبص عليها من تحت برضه و هيا واقفة و تبص على الفوانيس تشوفها سليمة ولا لا و تبص كويس على السقف بتاعها و ميكونش فيها اى خبطات او نقر وتبص على الازاز برضة من برة و من جوة و تراجع العجل و الجنوط ..
و بعد ما تطمن على العربية من برة ابدأ بص عليها بقة جوة بص على كل حاجة فيها (اشارات و كاسيت و تكييف و الازاز الكهرباء و الانوار كلها و راجع على كل كماليات العربية من الاخر :) ) و بص على الفرش و الكراسى و الابواب من جوة و العتب و اتأكد ان مفيش برومة او اى حاجة فى اى حته
و انتقل الى الشنطة راجع الاستبن و العده لو فى .. و بص تحت الفرش بتاع الشنطة اذا تعرف و بص تحت الاستبن و اتأكد ان مفيش برومة برضه و جرب مفاتيح العربية كلها بالريموت و من غير و اتأكد انها شغالة
بالتوفيق ان شاء الله و الف مبروك العربية و ربنا يباركله فيها ان شاء الله و يكفيه شرها و شر العين ..

كلام سليم ميه فى الميه بس احب اضيف انك تتأكد من الكيلو متر المقطوع المفروض ما يكونش كتير يعنى 80 كيلو مثلا او اكثر حاجة بسيطة ... ورق السيارة المبايعة والافراج الجمركى والضمان ... والف مبروك على صاحبى ان شاء الله

[Mohd_Adel_Amin]

سلام عليكم :)
بص حضرتك لازم تبص و تشيك على كل حاجة و كل سم فى العربية :)
حضرتك رتبها كده.. تبص على العربية من برة خالص لحد جوة خالص يعنى تبص الاول على جسم العربية كله حته حته و تتأكد انه سليم مفيش فيه خربوش حتى و تبص عليها من تحت برضه و هيا واقفة و تبص على الفوانيس تشوفها سليمة ولا لا و تبص كويس على السقف بتاعها و ميكونش فيها اى خبطات او نقر وتبص على الازاز برضة من برة و من جوة و تراجع العجل و الجنوط ..
و بعد ما تطمن على العربية من برة ابدأ بص عليها بقة جوة بص على كل حاجة فيها (اشارات و كاسيت و تكييف و الازاز الكهرباء و الانوار كلها و راجع على كل كماليات العربية من الاخر :) ) و بص على الفرش و الكراسى و الابواب من جوة و العتب و اتأكد ان مفيش برومة او اى حاجة فى اى حته
و انتقل الى الشنطة راجع الاستبن و العده لو فى .. و بص تحت الفرش بتاع الشنطة اذا تعرف و بص تحت الاستبن و اتأكد ان مفيش برومة برضه و جرب مفاتيح العربية كلها بالريموت و من غير و اتأكد انها شغالة
بالتوفيق ان شاء الله و الف مبروك العربية و ربنا يباركله فيها ان شاء الله و يكفيه شرها و شر العين ..

كلام سليم ميه فى الميه بس احب اضيف انك تتأكد من الكيلو متر المقطوع المفروض ما يكونش كتير يعنى 80 كيلو مثلا او اكثر حاجة بسيطة ... ورق السيارة المبايعة والافراج الجمركى والضمان ... والف مبروك على صاحبى ان شاء الله

شكرا جزيلا يا جماعة ربنا يكرمكم ويجزاكم خير .
بالنسبة للكيلو متر احنا رحنا اتفرجنا عليها النهارده بس لسه مستلمناش بسبب الورق وكانت ماشية 28 كيلو تقريبا اعتقد ان ده مش كثير ,وكان المنظر العام للعربية كويس بس مقدرتش اعمل كل حاجة لأنها كانت لسه في الجراج ومش عارف اخد رحتي في التدقيق فيها ..

ومعلش هتعبكم معايا عندي سؤال ثاني , هل العربية دي بتحتاج تليين , ولو كانت بتحتاج يا ريت تشرحولي ازاي ؟؟

شكرا جزيلا

[moh.aboelkheir]

شكرا جزيلا يا جماعة ربنا يكرمكم ويجزاكم خير .
بالنسبة للكيلو متر احنا رحنا اتفرجنا عليها النهارده بس لسه مستلمناش بسبب الورق وكانت ماشية 28 كيلو تقريبا اعتقد ان ده مش كثير ,وكان المنظر العام للعربية كويس بس مقدرتش اعمل كل حاجة لأنها كانت لسه في الجراج ومش عارف اخد رحتي في التدقيق فيها ..

ومعلش هتعبكم معايا عندي سؤال ثاني , هل العربية دي بتحتاج تليين , ولو كانت بتحتاج يا ريت تشرحولي ازاي ؟؟

شكرا جزيلا

اي سياره جديده بتكون متلينه ... بس يا باشا في اول 1000 كيلو حاول متعديش 100 ... و لو جت فرصه سفر يبقى حلو جدا ... هيفوق العربيه جامد :)

[AHMED REFAT]

ومعلش هتعبكم معايا عندي سؤال ثاني , هل العربية دي بتحتاج تليين , ولو كانت بتحتاج يا ريت تشرحولي ازاي ؟؟

شكرا جزيلا

اي سياره جديده بتكون متلينه ... بس يا باشا في اول 1000 كيلو حاول متعديش 100 ... و لو جت فرصه سفر يبقى حلو جدا ... هيفوق العربيه جامد :)

فعلا السيارات الجديدة مواتيرها تكون ملينة وانتهت من المراحل المطلوبة منها لكن فعلا لاول 1000 يرجى عدم القرص على الموتور نهائيا وعدم رفع السرعة عن 100 وبحد اقصى 120 وعدم تشغيل التكيف والحمد لله احنا فى الشتا مش ها تحتاجه ... هو المهم عدم الحرق على الغيار والقرص على الموتور خلى الغيارات مستريحة قوى وما تعليش السرعة وبلاش تشد بالعربية وبعد الالف بقى .. هنيئا مريئا

[Mohd_Adel_Amin]

شكرا يا رجالة فيات على النصايح , ربنا يجزاكم خير ..

[fadyspot]

بص يا باشا انا لسه مستلم فيات بونتو كلاسيك من اوماترا اسكندرية اللي في سيدي بشر من شهر و نص تقريبا .
الصراحة ناس محترمة جدا جدا جدا جدا ، خصوصا الأستاذ أنطون و هو كان المندوب اللي مسئول عن تسليمي العربية و الصراحة انا راجعت على الكلام اللي قالو عليه الاخوة الأعضاء الأفاضل و كان إستلام سلس و مريح الحمد لله و كانو غاسلين العربية و متنضفة تمام .
ربنا يبارك لحضرتك فيها و انشاء الله هتكون مبسوط بالعربية و ربنا يكفيك شر طريقها .

[hazememam14]

لو سمحتو ياجماعة كنت عايز اعرف كماليات و تجهيزات بونتو كلاسيك 2011 ممكن الخصها في الاسئلة دي:


1 - زجاج كهربا امامي بس ؟
2 - سنتر و ريموت في المفتاح ؟
3 - 2 ايرباج ؟
4 - راديو cd & usb ؟
5 - عداد rpm ؟
6 - اخبار السحب مع التكييف ؟
7 - استهلاك البنزين بالتقريب ؟
8 - اسعار المصنعية و قطع الغيار و تكلفة الصيانة الدورية عالية قووي ولا معقولة يعني مثلا صيانة 1000 و 5000 و 10000 تكلفتهم كام تقريبا ؟
9 - هو موديل 2011 نزل ؟ اصل اللي مكتوب علي كونتاكت انه موديل 2010 ، و سعر الوكيل كام بالظبط ؟



عذرا للإطالة

[fadyspot]

1 - زجاج كهربا امامي بس ؟
- أمامي بس و الخلفي يدوي.
2 - سنتر و ريموت في المفتاح ؟
- سنتر بس من غير ريموت.
3 - 2 ايرباج ؟
- 2 و يمكن التحكم في اغلاقهم.
4 - راديو cd & usb ؟
-بتنزل من غير كاسيت.
5 - عداد rpm ؟
-فيها عداد rpm
6 - اخبار السحب مع التكييف ؟
-سحبها معقول مش بطة.
7 - استهلاك البنزين بالتقريب ؟
تقريبا 6.9 لكل 100 كم.
8 - اسعار المصنعية و قطع الغيار و تكلفة الصيانة الدورية عالية قووي ولا معقولة يعني مثلا صيانة 1000 و 5000 و 10000 تكلفتهم كام تقريبا ؟
-مقدرش افيد حضرتك فيهم الصراحة عشان انا لسه مجربتش.
9 - هو موديل 2011 نزل ؟ اصل اللي مكتوب علي كونتاكت انه موديل 2010 ، و سعر الوكيل كام بالظبط ؟
- 2011 يا باشا و السعر في التوكيل 67,400

تحت امر حضرتك في اي استفسارات اخرى .

[hazememam14]

ألف شكر يا باشا