مشكلة في يونتو

[kaboali]

السلام عليكم
العربية فجأه و انا ماشي بلاقي قطعت و مش بتسحب ولمبة التشيك منورة
وبعدين بهدي طبعا و الاقي اللمبة اختفت و سحب العربية بقي عادي بصيت في الكتالوج علي اللمبة دي
لقيتهم كاتبين ان معناها ان في مشكلة في نظام الإحتراق او نظام امداد البنزبن ودا يخلي العربية تاكل بنزين و بيزود
الإنبعاثات بس العربية عندي تبقي ماشية عادي فجأه تنور اللمبه و تقطع و فجأه تختفي و العربية تمشي كويس
ومرة بطلتها و اللمبة منوره طبعا جيت ادور اللمبة ترجع تنور تاني يعني تفصل زي العادي بس ترجع تنور واول ما ادور يسمع صوت رجرجه في الموتور و تبطل جربت افضل دايس بنزين و انا بدور دارت بس دا حصل مره واحده
ياريت تفيدوني اعمل ايه غير اني اروح التوكيل مخنوق منه وهو فيه حد شافها قالي عايزه تغير موبينه وطقم سلك بوجيهات مستني ردكم ضروري

[macdiv]

انا معرفشي موديلك كام ..... افتح الكبوت واتأكد ان سوكيت الحساس بتاع الايديل راكبه كويس ..و ان السلك مش مقطوع او ملمس مع البودي ..كان عندي نفس العيب بالظبط و اتحل لما ركبت السوكيت كويس

[kaboali]

شكرا علي ردك العربية 2001 بالنسبة لسوكيت الحساس دا بيبقي فين يالظبط

[macdiv]

شكرا علي ردك العربية 2001 بالنسبة لسوكيت الحساس دا بيبقي فين يالظبط

انا معرفشي مكانه فين بالظبط في عربيتك بس الموضوع بسيط جدا هتلاقي ٣ سوكيتات راكبين في المانيفولد من فوق او الكربريتير او العمه البلاستيك ،،،، عشان اسهيلهالك ...شيك عليهم كلهم هتلاقيهم جنب بعض ،، ولو لقيتلك صوره هحطهالك ،،

[kaboali]

شكرا يا باشا علي كل حجرب و ابقي ااقولك النتيجة ان شاء الله

[mohmdomar]

جرب تنضف الايدل كنترول بمنظف كاربرتير او انجكشن ومش wd40
وبص علي حساس الشكمان راكب كويس ولا لأ

لو كله تمام والعيب لسة موجود يبقي المشكلة غالبا بسبب طلمبة البنزين او الموبينا

[KoDaK_Gti]

طالما اللمبة نورت يبقة اكشف عليها بالكمبيوتر افضل بدل ما تقعد تغير كذا حاجة ومتطلعش منها