استفسار عن بونتو كلاسيك

[hazememam14]

لو سمحتو ياجماعة كنت عايز اعرف كماليات و تجهيزات بونتو كلاسيك 2011 ممكن الخصها في الاسئلة دي:


1 - زجاج كهربا امامي بس ؟
2 - سنتر و ريموت في المفتاح ؟
3 - 2 ايرباج ؟
4 - راديو cd & usb ؟
5 - عداد rpm ؟
6 - اخبار السحب مع التكييف ؟
7 - استهلاك البنزين بالتقريب ؟
8 - اسعار المصنعية و قطع الغيار و تكلفة الصيانة الدورية عالية قووي ولا معقولة يعني مثلا صيانة 1000 و 5000 و 10000 تكلفتهم كام تقريبا ؟
9 - هو موديل 2011 نزل ؟ اصل اللي مكتوب علي كونتاكت انه موديل 2010 ، و سعر الوكيل كام بالظبط ؟



عذرا للإطالة و مستني الردود

[Moe86]

لو سمحتو ياجماعة كنت عايز اعرف كماليات و تجهيزات بونتو كلاسيك 2011 ممكن الخصها في الاسئلة دي:


1 - زجاج كهربا امامي بس ؟
2 - سنتر و ريموت في المفتاح ؟
3 - 2 ايرباج ؟
4 - راديو cd & usb ؟
5 - عداد rpm ؟
6 - اخبار السحب مع التكييف ؟
7 - استهلاك البنزين بالتقريب ؟
8 - اسعار المصنعية و قطع الغيار و تكلفة الصيانة الدورية عالية قووي ولا معقولة يعني مثلا صيانة 1000 و 5000 و 10000 تكلفتهم كام تقريبا ؟
9 - هو موديل 2011 نزل ؟ اصل اللي مكتوب علي كونتاكت انه موديل 2010 ، و سعر الوكيل كام بالظبط ؟



عذرا للإطالة و مستني الردود

1- نعم
2- فيها سنتر لوك بس مافيش ريموت
3-نعم
4- مجهزة لتركيب أى كاسيت يعجبك
5-نعم
6-مش فارق كتير, السحب عموما تحت ال100 كيلو/الساعة ممتاز, بعد كدة بيبقى ضعيف بالتدريج
7- على السريع حوالى 6 لتر/100 كيلو, جوة البلد حوالى 9 لتر/100 كيلو
8-صيانة ال1000 و 5000 مجانا (مجرد فحص), ال 10000 ب حوالى 450 جنية و ال20000 بحوالى 900
و ال30000 زى ال 10000 ,
و ال40000 بحوالى 2000 جنية
9- موديل 2011 نزل و هو تقفيل صربى, سعرها 66000 بس مش متأكد بالظبط

تنور و أى خدمة :0002014a:

[hazememam14]

شكرا علي رد حضرتك
الحقيقة انا كنت محتار بين البونتو و بين ال i10 2011 الشكل الجديد بعد ما استبعدت البيكانتو

اللي مخوفني من البونتو طلع حقيقي:
1-البنزين عااااااااااالي جدا بالنسبة لل i10 من 6 لتر ل 9 لتر!!!!!!!!!!!!!!!!!!
الi10 حوالي من 4.8 ل 5.7 فرق رهييييييييييب

2-سعر صيانة اوماترا -اصلي الصراحة بحب اتعامل مع الوكيل- عاااااااالي جداااااااااااا , احنا معانا نيو اكسنت 2008 اوتوماتيك بنعمل صيانتها بانتظام عند غبور اغلي صيانة عنلناها لحد دلوقتي 20000 و اتكلفت تقريبا 400 او 450 جنيه بالزيت و علي حسب جدول صيانة غبور مصنعية ال i10 اقل كتير من الاكسنت

3-علي حد علمي ال resale بتاع هيونداي هيبقي اعلي من البونتو

للأسف هي دي ضريبة العربيات الاوروبي رغو طبعا فرق الكفاءة عن الكوري



أخيرا اسعار ال i10 الجديدة :
الهاف اوبشن:تكييف,باور,راديو سي دي يو اس بي 63500
و الفل زيادة سنتر و ريموت و 4 زجاج و فوج و مساحة خلفية ب 68500




ايه بقي رأي حضرتك أنسب بالنسبالي

[mohmdomar]

البونتو بتعمل بنزين اقل من كدا بكتير طالما انت محافظ علي صيانتها في المواعيد
اللي مكتوب في الكتالوج انها بتعمل فوق ال 400 كيلو في الصفيحة علي الطوالي و 300 وشوية جوا البلد
كانت معايا وبتوفر بنزين بغباء ماشفتش عربية بتوفر زيها

بالنسبة لل resale بتاع البونتو كويس جدا مش وحش لأن الناس عارفينها من زمان لأنها بتنزل من سنة 2000 مع تغير ال face lift
اما ال i10 مش معروف لأنك بتقول ان العربية الشكل الجديد

[amrseba]

لا على فكره البونتو عليها طلب كتير فى السوق والى بيبقى حالتها حلوه بتتخطف و الاى 10 ديه والله ميدفع فيها قرش حرام 68 ليه الواحد يشترى فيرنا احسن اهيه هيونداى برده و اسمها 1600 مش 1100

[Moe86]

هاقولك حاجة, لما قولتك استهلاك البونتو جوة البلد 9 لتر/100 كيلو نسيت أقولك :
انى مركب جنوط 16, يعنى أكبر بدرجتين من اللى بييجى معاها,
و بشغل التكيف كتير فى الشتا و الصيف و كمان أنا سواقتى أحيانا بتبقى فيها شد شوية و نقل غيار متأخر و كدة
و بالتالى 9 دة الرقم الحقيقى بعد كل اللى قلته دة
الرقم الرسمى لإستهلاك البونتو فى الظروف المثالية أقل من كدة بكتير, تقريبا زى الi10 كدة
بالنسبة للصيانة فهى فعلا أغلى شوية من الهيونداى, بس أى عربية أوروبى كدة
بالنسبة للresale فى رأيى البونتو زى الi10, لأن البونتو كعربية موجودة فى السوق من زمان و الشباب عموما بيفضلوا شكلها كتير عن الi10
بالنسبة للسعر, لو افترضنا ان حضرتك ركبتلها كاسيت بايونيير مثلا ب600 جنيه بيشغل CD و USB و فوج لايت من الحرفيين ب 500 جنيه كمان تبقى مش ناقصة حاجة عن الi10 الفول أوبشن غير الزجاج الكهربا الخلفى و الريموت
دة رأيى و فكر براحتك قبل الشراء

لا على فكره البونتو عليها طلب كتير فى السوق والى بيبقى حالتها حلوه بتتخطف و الاى 10 ديه والله ميدفع فيها قرش حرام 68 ليه الواحد يشترى فيرنا احسن اهيه هيونداى برده و اسمها 1600 مش 1100

و الi10 خفيفة قوى على الطريق, أخف من "الفيرنا" بكتير !

[hazememam14]

انا بصراحة ماعرفش حاجة عن اسعار الكاسيتات بس لو زي ما حضرتك بتقول كاسيت pioneer فيه usb ب 600 جنيه يبقي تمام قوي ده يبقي أحسن من الكاسيت الأصلي بس ياريت تتأكدلي من السعر ده لو سمحت , حكاية الزجاج الخلفي و الريموت دي مش مهمة بس ياتري هي مجهزة بسماعات ولا لأ ؟؟؟؟؟؟ ولو عملت الصيانة عند أي وكيل معتمد غير أوماترا هيبقي أرخص ولا مش هتفرق كتير ؟؟؟؟

[hazememam14]

مكتوب في كتالوج البونتو ان فيها follow me home الكلام ده صحيح ولا مش بينزل في مصر برضه كالعادة ؟؟؟

[hazememam14]

ياريت حد يرد علي السؤالين دول لو سمحتو وفي استفسار تاني ياريت لو حد يقدر يشرحلي السيتي باور ده ايه بالضبط و ايه الفرق بين الباور الزيت و الباور الكهرباء و بتاع البونتو أي نوع فيهم ؟

[Moe86]

معلش ماشفتش الأسئلة دى
بالنسبة للكاسيت, هتلاقى عند السجان مثلا كاسيت بايونير رقمه 2250 بيشغل سيدهات mp3 طبعا و فلاشة و بيشحن الiphone لو عندك واحد, و معروف صوت البايونيير لا يعلى عليه
كل دة ب670 تقريبا من غير التركيب , فى موديلات تانية أرخص أو أغلى بس أنا مركب 2200 اللى هو أخو الجهاز دة و مبسوط بيه
العربية بييجى فيها أربع سماعات جاهزين, صوتهم مش جبار زى أغلب العربيات بس معقول جدا, و ممكن تغيرهم بعد كدة
الصيانة عند التوكيل المعتمد أرخص شوية صغيرين, مثلا 10% فرق, بس عموما احنا عاملين مواضيع و مشاورات هنا فى المنتدى علشان نشوف حل حتى لو جزئى فى الموضوع دة
ال follow me home موجود, و هو ان العربية تفضل مولعة نورها لمدة 30, 60,90,120 ثانية بعد ما تشيل المفتاح منها لو حبيت
الباور اللى فى البونتو كهرباء, يعنىبيعتمد على الكامل على الموتور و الكمبيوتر فقط
الباور الزيت بيعتمد على ضغط الزيت بجانب الموتور و بيحتاج يتزودله زيت كل فترة عادى
الفرق الأساسى بينهم ان الباور الزيت أتقل شوية من الكهرباء و بيتقل أكتر على السرعات, الباور الكهرباء بيتقل على السرعات برضو بس مش بنفس النسبة
الباور الكهرباء يعتبر متطور شوية عن الزيت بس مشكلته ان تصليحه أصعب و لو بايظ قوى فى خبطة جامدة أو عمره الافتراضى خلص بعد 10 سنين مثلا بيحتاج يتغير كله على بعضه
السيتى باور دة زرار فى تابلوه البونتو (و الجراند و الإيفو) بيخلى الباور خفيف جدا لدرجة انك ممكن تحرك الدركسيون بسهولة بصابع واحد, بينفع أحيانا فى الركن أو الزحمة

[Formulator]

الله ينور يا Moe86
وعايز أقول لـhazememam14 بالنسبة لأستهلاك البنزين:
الهيونداى i10 والكورى عموما بيعتمد أساسا على خفة وزن العربية (لدرجة ما دون الأمان) فى توفير الوقود...!!!
أما البونتو فـ بتعتمد على تكنولوجيا فتح الصبابات والـcam phasing/profile وتقليل الأحمال عـ الموتور (التكييف والدينامو والطلمبات) عشان توفر بنزين...
ده فرق رهييييييييييييييب فـ التطور التكنولوجى + معدلات الأمان العالية مفيهاش تنازلات عند فيات...!

[hazememam14]

شكرااااااااا جزيلا ربنا يخليك بجد ردود شافية وافية معلش تعبتك معايا

[hazememam14]

أنا عايز أحيب بونتو و نفسي فعلا ماتعاملش مع التوكيل و سألت أكتر من مرة في المنتدي علي أي وكلاء صيانة معتمدين ينفع يتعمل عندهم الصيانة الدورية من غير ما أخرج برة الضمان و ماحدش بيجاوبني , يا تري شركة النيل الهندسية دي لسة وكيل معتمد ولا لأ ؟؟ و في مين تاني وكلاء معتمدين؟؟؟؟؟؟؟؟؟؟؟؟؟؟؟؟؟؟؟؟ و الكيلاني ده مركز خدمة ولا بيبيع قطع غيار بس ؟؟؟؟؟؟؟؟؟؟؟

[prince93]

أنا عايز أحيب بونتو و نفسي فعلا ماتعاملش مع التوكيل و سألت أكتر من مرة في المنتدي علي أي وكلاء صيانة معتمدين ينفع يتعمل عندهم الصيانة الدورية من غير ما أخرج برة الضمان و ماحدش بيجاوبني , يا تري شركة النيل الهندسية دي لسة وكيل معتمد ولا لأ ؟؟ و في مين تاني وكلاء معتمدين؟؟؟؟؟؟؟؟؟؟؟؟؟؟؟؟؟؟؟؟ و الكيلاني ده مركز خدمة ولا بيبيع قطع غيار بس ؟؟؟؟؟؟؟؟؟؟؟

تابع اسئلتك.. استاذ محمد قاسم damasry رد عليك فى موضوع من المواضيع الكتير اللى سألت فيهم :)

حرد عليك هنا رد مفيهوش تفاصيل
شركة النيل الهندسية اللى سمعته انها مركز خدمة معتمد من اوماترا.. طبعا اى مركز خدمة معتمد من اوماترا مش بيخرج العربية برة الضمان..
فى مركز البرقان، و فى كام واحد كمان حتلاقى اساميهم تقريبا فى موضوع مثبت هنا فى القسم..
الكيلانى مش مركز خدمة.. قطع غيار بس

[mnomno]

الى كل المساكين اللى حاجزين عربية فيات جديدة ........ لا تتعاملوا مع هذا التوكيل التوكىل فية سم قاتل

هههههههههه حلو اوى فيس القرصان ده