عندى مشكلة فى فيات سيينا ارجو المساعدة

[abobassant2010]

السلام عليكم عربيتى سيينا 2001 -1400-لمبة الانجكشن كانت بتنور وانا عالطريق لثوانى وبعدين جبت منظف انجكشن بيتحط مع البنزين وفضلت المشكلة وبعدها جبت منظف سبراى ونضفته عند ميكانيكى المشكلة اتحلت بس اكتشفت بعدها ان صوت الموتور على rpm تحت 20 ده والعربية واقفة بس ولما اتحرك عادى رحت للميكانيكى تانى فك الكربراتير او الانجكشن ونضفه بالبنزين وبالهوا وركبه الصوت فضل عالى وكمان اللمبة نورت تانى بس من ساعتها مافصلتش منورة علطول رحت بعدها التوكيل وقاللى مهندس هناك ان ده step motor فى ناس بتقول عليه (حساس السرانسيه) وممكن تكون المشكلة فى فيشة الكهربا بتاعته ولما غيرت الفيشة ال rpm اتعدل بالرغم ان اللمبة فضلت منورة
معلش طولت شوية
ارجو المساعدة

[michohat]

السلام عليكم ورحمه الله وبركاته
مع اني مش ليا فى الانجيكشن الا اني متوقع ان في حاجه عامله زي لما بنعلي الكربراتير او نوطيه عاوزه تنظبط فى العربية
فيه ميكانيكي بتعامل معاه فى الزقازيق معرفش هيبقي قريب منك ولا لأ هوا اسمه عادل الفلاح موجود ناحيه المحطه جنب محلات شانيل للهدوم

[ahmedbasto]

جرب حضرتك تشيل كابلات البطارية لمدة 15 ساعة 10 دقايق كدة انت بتعمل ريست للكمبيوتر ان شاء الله اتوقع انها تطفى

[abobassant2010]

معلش حضرتك قلت المدة كام 15 ساعة ولا دقيقة

[abobassant2010]

متشكر جدا لاهتمام حضرتك يا استاذ مجدى
المشكلة ان دلوفت الصوت مرة يعلى ومرة يكون مظبط
وانا هوديها للمسلمى ف الزقازيق عنده جهاز كمبيوتر للكشف

[michohat]

هوا المسلمي معاه توكيل فيات ولا خالد
جرب تروح لخالد او كلمه وقوله عاوز حد فاهم فى العربية
الا لو انت جربت المسلمي من الاول و عارفه

[zago]

دقيقه 15

[abobassant2010]

انا ما جربتش المسلمى ده واحد قاللى عليه
وخالد ده مكانه فين

[michohat]

خالد ده معاه توكيل فيات الجديد ( اوماترا )
هوا له مكانين فى الزقازيق
اول مكان فى الشارع (اللى فيه مركز سيسكو) اللى جنب مستشفي المبرة
ثاني مكان فى فلل الجامعه
والمكانين يعتبروا جنب بعض

[turbomedia]

خالد ده معاه توكيل فيات الجديد ( اوماترا )
هوا له مكانين فى الزقازيق
اول مكان فى الشارع (اللى فيه مركز سيسكو) اللى جنب مستشفي المبرة
ثاني مكان فى فلل الجامعه
والمكانين يعتبروا جنب بعض

سوال بعد اذنك
هل خالد مركزصيانه معتمد؟
ان عايز اشترى للينيا2011فهل اقدر اعمل صيانه عنده فى الضمان

[michohat]

خالد مش مركز صيانه معتمد ده بيع ولكني سمعت من زميل لي معاه اسبيرنزا انك ممكن تسيب له العربية يوديها التوكيل او يدلك علي صنايعية شغالين فيها
هو المركز او الشركه اسمها مؤسسة خالد التجارية

[turbomedia]

خالد مش مركز صيانه معتمد ده بيع ولكني سمعت من زميل لي معاه اسبيرنزا انك ممكن تسيب له العربية يوديها التوكيل او يدلك علي صنايعية شغالين فيها
هو المركز او الشركه اسمها مؤسسة خالد التجارية

شكرا لاهتمامك
ممكن ارقام تليفوناته

[michohat]

ان شاء الله اجيب الارقام ليك انا كل فترة بعدي من قدمه