مشكــلة فى الشــاهين - هزه جامده في الفتيس والأر بي ام قل وبطّلت العربية

[HRH_Sameh]

امبارح كنت خارج بالعربية الشاهين 2004 المهم دورت دارت عادي وخرجت من الجراج من غير ما أسخن (زي ما متعود) ولسه بركن لورا لقيت هزه جامده في الفتيس والأر بي ام قل وبطّلت العربية . آجي ادور مش عايزة تدور حاولت كام مرة تدور واجي ازود تعمل كده تاني وقت بسيط (نص دقيقة كده) ودارت ورحت مشواري ورجعت وخرجت النهارده وعادي ما فيش مشكلة
ايه ممكن يكون السبب؟؟

ملحوظة: عملت الحركة دي على بسيط مرة او اكتر من كذا شهر

ملحوظة كمان لما بآجي ابطّل العربية احيانا بسمع صوت حاجة زي (زنننننننننن) ما كنتش باسمعه قبل كده!! ده ايه ده؟

[sherif_84]

ما تقلقش من الهزة دى ياباشا لانها بتحصل لما الموتور يكون بارد والجو برد تلاقى هزة جامدة فى الفتيس وتروح العربية مبطلة دى حصلت معايا فى شهر فبراير مرتين لان الجو كان برد جدا جدا
انما قبل كده وبعد كده ماحصلتش خالص
بالنسبة للصوت اللى بتسمعه لما بتبطل العربية أعتقد ده صوت عادى لكن الافضل انك تسأل كهربائى لأن بصراحة الصوت ده ماحصلش معايا قبل كده

[HRH_Sameh]

شكرا على الافادة :)
ومنتظر باقي التعليقات