إستفســار عن قطــع غيــار و أسعــار خراطيــم لتكييف ريجاتا 84

[SHLD]

أنا رحت بالعربية أشحن التكييف بتاع العربية ريجاتا 84 في السويس لقيت الراجل بيقولي الشحن هيكلفك 150 جنيه وده غير قيمة قطع الغيار اللي هنحتاج نغيرها لو فيها مشكلة ولقيته جاب مية بها صابون ورشها لي علي 3 خراطيم وقالي في مشكلة في الخراطيم و3 خراطيم هيحتاجو يتغيروا ولقيته بيقولي وكمان في مفتاح Low Pressure قالي هيعوز يتغير ودة لوحده بحوالي 170 جنية وقالي الحاجات ديت مبدئيا حوالي 600 جنية طبعا سد نفسي عن الشحن وما شحنتش وباستفسر منه الملروحة بتاعت التكييف كانت مخبوطة ومش عارف إذا كانت شغالة ولا لآ قالي دي لوحدها ب350 جنية يا ريت حد يقولي أسعار الخراطيم بتاعت التكييف المتر بكام لان هي من الواضح بتتباع بالمتر يتحمل الضغوط العالية وإيه الجهاز بتاع الlow Pressure ده وكام سعره وياريت لو حد يعرف أماكن تصليحه فين في الحرفيين أو أي مكان قريب من السويس لاني مقيم في السويس

[mig44n]

كان فى واحد فى الحرفيين بتاع تكييف مشهور بس مش فاكر اسمه كان........
روحت مع واحد صاحبى معاه اكسيل وشحنا التكييف ب 120 جنيه وغيرنا الخرطوم الى قالك عليه (خرطوم واحد) مش فاكر كان ب 80 جنيه حاجه زى كده .........المهم الاسعار الى قالك عليها الراجل بتاع السويس ممكن تنزل 30% هنا فى القاهره ومروحه التكييف ممكن تجيبها من بورسعيد او هنا فى عزبه شلبى او الوكاله واكيد هتلاقى فرق محترم فى السعر وبالنسبه لمفتاح ال low pressure او صمام low pressure برضه تجيبه من الاماكن الى قولتها............