مشكلة في إختار فلتر الزيت

[ahmadmidop]

طبعا كنت عرفتو ان انا كنت غيرت زيت بره وللاسف اللي عملها اخويا وتقريبا مالقاش فلتر الباليو والراجل قالو عااادي العربية جديدة ممكن تكمل من غير ماتغيرفلتر الزيت المهم ماغيرش فلتر الزيت يعني الفلتر عملو يجي 14000 كيلوووو هل كده في ضرر

تم تغير العنوان بواسطتي
مشرف 14ب

[prince93]

كريم CryptonX كان قال لى قبل كدة ممكن تركب فلتر الزيت بتاع اللانسر 1300 و دة اللى حصل فعلا عندى..
معرفش بتاع ال1300 حيركب عندك عادى ولا لأ .. بس انا عندى دلوقتى مركب بتاع لانسر 1300

[ahmadmidop]

وشغال تماااام مافيش تسريب او حاجة !

[CryptonX]

لأ مفيش اي حاجة يا باشا عادي .. انا عامل 85 الف بالعربية و مفيش مرة واحدة جبت فلتر بتاعها غير اول صيانة .. والثمن متقارب كمان و اعتقد في مرة مغيرتش الفلتر خالص .. هو مش مستحب يعني بس معتقدش حياثر على حاجة . او على الاقل عندي ماثرش على حاجة.

[ahmadmidop]

الف شكرررررر

[ahmadmidop]

طب هوا نوع معين ولا اقوله فلتر لانسر 1300 وخلاص

[prince93]

طيب يا كريم هو الفلتر حيركب عنده عادى ؟ مش فى فرق فى الحجم ولا الفلتر ملهوش دعوة بحجم الموتور ؟
و يا احمد انا مفيش زيت عندى و لا حاجة.. كله تمام الحمد لله

[i_Am_Legend]

ياعم احمد وقعت قلبى حرام عليك...........

مش هايجرى حاجة طبعا دى فيات ياعم الحاج مش عربية صينى يعنى ممكن تمشى من غير فلتر اصلا..........

[ahmadmidop]

هههههههههههههه حلوة .... اصل بجد في ناس اصحابي كبرولي الموضوووع لدرجة اني حسيت ان العربية مش هتمشي تاني ... وبصراحة اتفجأت لاني ماكنتش اعرف

[saadelden]

كنت بغير الفلتر ايام السعوديه للكورولا كل 30 الف كيلو
هو مابيأثرش علي حاجه طالما ماقعدش كتير

[yoko]

عادي والفلاتر يونيفرسال يعني أي حاجة بتفرق في الحجم بس لكن معظم العربيات الملاكي زي بعض إلا الفلتر الحشو زي الt-jet

[karimalaa]

أنا على طول مش بلاقي بتاع الباليو و بركب بتاع اللانسر يا ميدو عادي جدا و نوعه (vic) بغيره كل 10 و مافيش أي مشاكل ولا تسريب ولا الكلام ده...

[ahmadmidop]

شكراا ياكيموو ولسه بتحط زيت كل 10000 ولا بتحط كل 5000 اصل بفكر احط كل 5 بتاع اخر مرة كل 10 بس هشيلو عشان الفلتر بس مش عارف احط كل 10 ولا 5

[AHMED REFAT]

يا راجل خضتنى والله .... انا قلت امموا اللحمة ...:Oc_sun1[1]:

[prince93]

يا راجل خضتنى والله .... انا قلت امموا اللحمة ...:oc_sun1[1]:

ايه الاخبار ؟ اوماترا لسة متكلموش؟