شكمان البرافو إتخرم

[Sala7.Bravo]

السلام عليكلم ...
صباح الفل يا رجالة شكمان العربية إتخرم وانا نازل الجراج كان فيه مطب صغير بس عالي أوي ومكنتش شايفو المهم دلوقتي العربية صوتها عالي جداً روحت عند واحد جمبنا لقيت حجتين بايظين علبة كدة تحت كرسي السواق والسوستة إلي في الأول مش عارف أعمل أيه . انتوا أيه رأيكم أعمل أيه

[Formulator]

أنا برضه بقول العربية+محمد صلاح+النترا...؟؟؟؟!!!
محمد صلاح-أكاديمية بحرية-مصطفى النحاس..؟؟ ولا أيه؟؟!!!
أنا مصطفى- برافو techno grey - عباس العقاد

[yoko]

لازم تشتريهم وتركبهم على الأقل السوسته

[Ghamrawy]

العلبة اللى فى النص لو خربانة خالص شيلها
انا شايلها
السوستة لازم تتغير بواحدة جديدة من عند واحد بتاع شكمانات كبير و محترف (مالوش لزمة تروح التوكيل)

[Formulator]

أنا عارف واحد فـ السابع جامد جدا... فـ المنطقة بتاع الورش وقطع الغيار.. اسمه عادل (اللى ركبت عنده طرف الشكمان).
وأعرف كمان مركز كويس وكبير فـ العاشر (صقر قريش)
لو عرفت تعدى عليا تحت الشغل قدام panasonic... انا ممكن آجى معاك النهاردة

انت عارف انا العربية عندى اتبهدلت كذا مرة من تحت علشان واطية... معظمها عملتهم فـ التوكيل
بس فيه حاجات ما بتبقاش مستاهلة.. زى السوستة دى ممكن نجيبها والشكمان يتضبط

[Sala7.Bravo]

مصطفى باشا واحشني والله صباح الفل ,,,
معلش يا باشا لسة شايف الكومنت بتاعك دلوقتي أنا عايز أعدي عليك وبعدين نشوف موضوع الشكمان دة بس اشوفك الأول
...........................................
يوكو باشا دايماً بترد وبتفيد الناس بس ماتعرفش يتعملوا في التوكيل ولا برا
..........................................
غمراوي باشا أنا مش فاهم قصدك اشيل العلبة خالص يعني ودة لو قصدك عادي مفيش غلط عل عربية وأنا سمعت إن الشكمان فيه سنسور وغلط اركب أي علبة

ويا رجاله لو حد عارف أسعار الحاجات ديه سعرها كام يقولي

[Ghamrawy]

..........................................
غمراوي باشا أنا مش فاهم قصدك اشيل العلبة خالص يعني ودة لو قصدك عادي مفيش غلط عل عربية وأنا سمعت إن الشكمان فيه سنسور وغلط اركب أي علبة

لو شيلت علبة النص مافيهاش اى حاجة
العلبة دى عبارة عن مصفى للصوت مش اكتر ..لو شلتها صوت العربية حايعلى شوية و استجابة العربية حاتزيد مع الكبس شوية

السينسورز اللى موجودة : واحد قبل علبة البيئة و التانى بعديها على طول انما باقى الشكمان بعد السوسته ماعليهوش اى حاجة