استفسار بخصوص تابلوه النصر 127

[thegoodhacker]

فيه لمبة في تابلوه عربيتي النصر 127 مش عارف بتخص ايه بالضبط وهي اللمبة الثانية من اليسار .
الغريب انها بقت تضيء مع اللمبة الاولي في التابلوه اللي بتشتغل في حال تشغيل مفتاح الانتظار.
فياريت الافادة بفائدة هذه اللمبة لان عتدي مشاكل في كهرباء العربية ومش عارف سببها.

[maka]

لونها اصفر تقريبا و عليها علامة فوج لايت او اضاءة .............. صح ؟؟؟

و لو غلط اوصف رمزها او صورها

[thegoodhacker]

لونها اصفر تقريبا و عليها علامة فوج لايت او اضاءة .............. صح ؟؟؟

و لو غلط اوصف رمزها او صورها

اه يا باشا الرسمة اللي عليها شبه لمبة فوج لايت او عدسة وعلي فكرة ليها مفتاح جنب مفتاح تشغيل الانتظار وعليه نفس الرسمة بس هي مش شغالة عندي من ساعة ما اخدت العربية .... اللي شاغلني ان اللمبة دي اصبحت تنور مع تشغيل مفتاح الانتظار..... انا خايف انه يكون عندي قفلة في كهرباء العربية لان حاليا عندي مشكلة ان البطارية بتفضي شحن بسرعة جدا وعاوز اعرف السبب....

[maka]

اه يا باشا الرسمة اللي عليها شبه لمبة فوج لايت او عدسة وعلي فكرة ليها مفتاح جنب مفتاح تشغيل الانتظار وعليه نفس الرسمة بس هي مش شغالة عندي من ساعة ما اخدت العربية .... اللي شاغلني ان اللمبة دي اصبحت تنور مع تشغيل مفتاح الانتظار..... انا خايف انه يكون عندي قفلة في كهرباء العربية لان حاليا عندي مشكلة ان البطارية بتفضي شحن بسرعة جدا وعاوز اعرف السبب....

المفروض اللمبة دى متشتغلش الا لما الزرار اللى جنب الانتظار يكون مفتوح و دى تجيهزات الفوج لايت

البطارية بتفضى الشحن يبقى اكيد فى قفلة فى حتة حاول تفصل كل الاجهزة كاسيت اوكوليزر .................... و تراجع على التوصيلات بمجرد النظر

او الافضل تروح للكهربائى

[ayman2]

ده خاص بالاضاءه الحمراء الخلفيه فى حاله الشبوره وعند الضغط عليه يتم اضاءه لمبه خلفيه زياده غير لمبه الفرامل وهى اخر لمبه جنب النمره وبعض الكهربائيه بيعملوا توصيله تجعله يضىء مع الفرامل

[BassamOsama]

اه انا فعلا عندي بينور مع الفرامل

[motazgamal]

:)

علي فكرة انا عربيتي 127 كدة برضة بس اكتشفت ان اللمبة دي بتنور بدل اللمبة بتاعت البنزين لما يكون قليل واللي عرفني ان انا اول مرة اتقرصت لمل افتكرت انها ملمسة و العربية تاني يوم قطعت بنزين قدام البيت .

[thegoodhacker]

هي فعلا كانت بتنور مع ضغطي علي الفرامل .... والموضوع ده ظهر معايا بعد ما الكهربائي كان بيعملي صيانة لنور الفرامل الخلفي .... المهم انا فكيت الفانوس اللي الكهربائي فكه وبصيت علي الاسلاك ما لقيتش فيها مشكلة وركبت باغة الفانوس مرة تانية لقيت ان المشكلة اتحلت ..... فتقريبا باغة الفانوس كانت متركبة غلط بحيث انها كانت مسببة في قفلة بين لمبة الفرامل ولمبة الشبورة .....

[motazgamal]

علي فكرة يا جماعة انا اسف لما قلت انها بتاعة البنزين انا كنت غلطان دي طلعت بتاعة المروحة لم بتشتغل لو بصيت علي عداد السخونة لما بيعدي النص بتشتغل

[boody_boo]

عندي برضه بتشتغل مع المروحة في السوبر فيورا

[a.osman87]

يا جماعه معلش سؤال معايا س فيورا ٨٦ وعلي ما فهمت ان في لمبة بتنور معا المروحة؟

[Ahmad Shawky]

انا معايا فيات 127 وعاوز اعملها عمره كامله ... موتور وعفشه وكهرباء وسمكره

يريت حد يقولى افضل واحد فى القاهره مين أميين وبيفهم

وشكرا