استفسار عن البونتو كلاسيك

[mahmou3d]

السلام عليكم
انا كنت بدوّر في كونتاكت كارز على سيارة جديدة في حدود السبعين الف
و نصحني احد اصدقائي بالبونتو كلاسيك
لما دخلت عشان اشوف سعرها و امكانيتها و كماليتها ، اتصدمت بالصورة دي

و السعر اللي مكتوب عليها هو
بونتو 2011________68,500
مبدأيا ، هل هذه فعلا صورة البونتو كلاسيك
و هل هي فعلا بهذا السعر
مع العلم اني كنت رأيت على ذات الموقع ( كونتاكت كارز) من فترة صورة اخرى للبونتو كلاسيك ، فهل في 2011 السيارة اتغيرت و اصبحت تماما كشكل الجرند بونتو و هل اذا كان كذلك لو روحت دلوئتي اوماترا هيديني العربية دي و لا الشكل القديم ؟؟؟
افيدوني جزاكم الله خير
و شكرا

[yoko]

لأ ديه البونتو إيفو ب92 وطالع الكلاسيك زي زمان متغيرتش

[mahmou3d]

شكرا yoko باشا على الاهتمام و سرعة الرد :)
يعني هي دي البونتو 2011

طب معلش ياباشا هتئل عليك ، عاوز اعرف كل مواصفاتها و لو ليها كتالوج او برشور او مانوال ، اكون شاكر جدا جدا
و معلش و الله على تعبك معايا

[Moe86]

أحسن حاجة تروح التوكيل أو الموزع و تعاينها على الطبيعة
هى عموما 1242 سى سى , فيها تكيف و سنتر و قزاز كهربا أمامى و 2 ايرباج و 4 سماعات و مجهزة لتركيب كاسيت , و كمان فيها زرار "سيتى" باور علشان الباور يبقى أخف لو عايز
من أول 2011 بقت تقفيل صربى و كرسى السائق بقى يطلع أو ينزل
أدائها كموتور متوسط و موفرة فى البنزين