هستلم بونتو ايفو بكرة ان شاء الله

[elpasha009]

الحمد لله حجزت النهاردة بونتو ايفو 2011 pkg1 اتوماتيك من عند شيرين كار بسعر 101000 ألف وان شاء الله هستلم بكرة.

كنت محتاج أعرف أبص على ايه وأخلي بالي من ايه وأنا بستلم؟؟

وان شاء الله استنوني في تقرير مفصل بعد أول 1000 كيلو قريبا جدا:)

[yoko]

مبروك يا باشا وأحب أسجل إعجابي بتوقيعك
أنا sony vaio vpcea16fa ubuntu 10.10

[ahmedaglan]

الحمد لله حجزت النهاردة بونتو ايفو 2011 pkg1 اتوماتيك من عند شيرين كار بسعر 101000 ألف وان شاء الله هستلم بكرة.

كنت محتاج أعرف أبص على ايه وأخلي بالي من ايه وأنا بستلم؟؟

وان شاء الله استنوني في تقرير مفصل بعد أول 1000 كيلو قريبا جدا:)

الف مبروك ياباشا مقدما وانشاء الله ربنا يبركلك فيها ويحفظهالك ويحفظك منها ويتممهالك علي خير بأذن الله

[wael17]

الف مبروك و ان شاء الله تستلم علي خير

بص علي كل حاجة في العربية كويس قبل ما تمضي استلام

بص علي الدهان من بره كويس و اتاكد ان مفيهاش اي خدوش

جرب كل الزراير و الانوار و اتأكد انها شغالة (خصوصا بكر التكييف)

شوف عداد المسافة عامل كم كيلو (المفروض اقل من 100 كم)

[ahmedmohamed7]

الف الف مبروك يا باشا :) ربنا يديك خيرها و يكفيك شرها

[kik]

الف مبروك و ربنا يباركلك فيها و يكفيك شرها و زي ما استاذ وائل قال جرب الانوار و الكاسيت و التكيف و كل حاجة و اتأكد ان مفيش تطبيق في الصاج او خدش في البوية و كل دة طبعا قبل ما تمضي غلي محضر الاستلام و لو عايز تخليهم يعمللولك شهادة بينات العربية علشان دي لازم بتطلب لما ترخص العربية و دي بتتعمل من مرور بين السرايات و بتبقي موجهة للمرور اللي حترخص منة بيعملوها ب 70 جنية تقريبا لكن لو حتروح بنفسك انصحك روح بالمترو عشان تنجز و انزل محطة البحوث و ربنا يكرمك

[moh.aboelkheir]

مبروك يا باشا و ربنا يديك خيرها و يكفيك شرها ... و بعد كلام الدكتور وائل مقدرش ازود حاجه :)