مقابلتي مع المهندس عز الدين خيري

[yoko]

أنا لسه جي من المقابله من شويه
وهحكيلكوا التفاصيل بليل عشان مش نايم من إمبارح (طروف خاصة)
بس وعدوني بحل المشاكل وهيكلموا كل الناس الي إدوني شكاوي
وموضوع الأنسه سما قالولي في حاجات محدش يعرفها (بدون الدخول في تفاصيل) بس هما شايفين إن هيا كانت أول ما الإيرور ظهر ترحلهم مش تفضل ماشيه بالعربيه كل ده وهما شايفين إنهم عملوا الي عليهم والأمر متروك للقضاء
وأنا هروحلهم بالعربيه يوم الأحد عشان يحلولي الدنيا وقالي لو الحل معجبكش أو أي مشكله أروحلوا على طول (بجد راجل في منتهى الإحترام)
موضوع الديسكات بتاعت الأستاذ طارق العتربي وعدوا بحلها
وأسعار قطع الغيار بيقولوا رخصت
ووعدوا إن كل مشاكل الصيانة من طول او كروته هتتحل

[heshamzaky]

طمنا يا استاذ انت الديسكات دى فعلا قرفتك و ان شاء خير و فى انتظار البيانات يا باشا هههههههههههههههههه . برافو عليك يا يوكو بجد

[sweetvolcanoo]

الله ينور يا يوكو و في انتظار التفاصيل

[JUVENTUS]

بالتوفيق يا ابو حميد انا متابع اللي انتم بتعملوه عشان اوماترا تحل مشاكل الناس و يبقى توكيل يليق باسم فيات
و ربنا يوفقك يا باشا

[ahmedmohamed7]

ربنا يوفقك :)

[Formulator]

تمام يا Yoko
انت عارف أنا عملت صيانة 40000 النهاردة.. وفعلا فيه حاجات أرخص من الفواتير اللى فاتت لما قارنتها (بس مش أوى .. آخرها 7-10%)
وعرفت من عملاء فـ التوكيل ان البوجيهات الـplatinum مثلا بقت بأقل من 400 (بدل 464) دول اللى فاكرهم...!!

بس ياريت تشرح للناس تفاصيل موضوع مشكلة الفرامل بتاع الأخت العضوة...!

[Ghamrawy]

يا ريت فعلا يكون فى حل لموضوع الفرامل (تيل و طنابير)
علشان انا متوقع تغيير الاتنين فى صيانة ال 20 الف

[Formulator]

نسيت أقول حاجة مهمة بس تضايق جدا...:
بيقولولى الأربع ديسكات عايزين يتغيروا... يا نهار...!!!!!!!!!!!!!!!
الصيانة اللى فاتت (30000) قالوا الطنابير الأمامية فقط...(الغريبة انهم لما قاسوها بالـ بوكليز الديجيتال النهاردة قالوا معدية الـlimit بـ 0.02 مم) ...! بعد 10000 كم..؟؟؟!!
ودلوقتى بيقولوا الأمامية والخلفية...؟؟؟!!!
المهم.. أنا هجيب آخرهم (التيل الأمامى جديد, والخلفى 50%) وبعدين هغير لـEBC زى ماتفقنا.. أنا مش بلاقى فلوسى فـ الشارع
ديسكات الألفا 156 قعدت أكتر من 100000 كم (وكانت 2000cc على فكرة)..!!!

[Ghamrawy]

و ده ان دل على شيئ فده يدل على سوء و رخص و قذارة خامات تيل و طنابير اللى راكب فى عربياتنا

[Formulator]

يا ريت فعلا يكون فى حل لموضوع الفرامل (تيل و طنابير)
علشان انا متوقع تغيير الاتنين فى صيانة ال 20 الف

20 ألف بدرى أوى... ان شاء الله هتكمل معاك لحد 40000 ولا حاجة..!
على اعتبار ان البرافو أتقل وزنا, وأنا برده رجلى تقيلة (لو انت برضه كده)

اللى ممكن تغيره هو التيل... أوعى توافق على تغيير الطنابير من أول مرة كده..!

[karimalaa]

مش قولت لك يا يوكو...دول محدش يكلمهم أحسن...و على فكرة أنا مارديتش أبعتلك موضوع الجيربوكس ده عشان أنا متأكد انهم حيقولوا العربية برة الضمان و ملهمش دعوة مع ان العربية بقالها 4 سنين بس!!! + موضوع ال700 جنيه مصنعية و ممكن بعد ما أدفعهم ما يلاقوش قطع الغيار فا أحتاج أغيره و تروح ال700 جنيه عليا!!!
و أسمّع المهندس صوت بعد ما أدوس دبرياج يقوللي أصل العربية دي 1000 سي سي فا ده عادي!!!!!!
أنا متأكد انهم كانوا حيقولوا كده...القضاء و مش القضاء و أنا لو اشتكيت...العربية برة الضمان...

[Formulator]

ماهو اللى يغيظ يا Ghamrawy انها Bosch أو Marelli ... يعنى ماركة..!!! ايه اللى بيحصل... ماتفهمش..؟؟؟

[yoko]

فورميلاتور يا ريت تكلم المهندس طارق والمهندس عز الدين عشان يتأكدوا إنه عيب عام
كريم موضوع الفرامل بتاعت الإيفو فيها حاجات كتير أعرف بعضها ومعرفش بعضها وشكل الموضوع معقد جدا

[Ghamrawy]

20 ألف بدرى أوى... ان شاء الله هتكمل معاك لحد 40000 ولا حاجة..!
على اعتبار ان البرافو أتقل وزنا, وأنا برده رجلى تقيلة (لو انت برضه كده)

اللى ممكن تغيره هو التيل... أوعى توافق على تغيير الطنابير من أول مرة كده..!

الطنابير عندى عملت شفايف زى شفايف ميس بيجى بتاعت المابيت شو
ما افتكرش انها حاتعمر لغاية ال 40000

ماهو اللى يغيظ يا ghamrawy انها bosch أو marelli ... يعنى ماركة..!!! ايه اللى بيحصل... ماتفهمش..؟؟؟:_alshmokh08[1]:

مش ماشية مع قوة العربيات و عزمها الغبى اللهم بس للامانة الماستر البوش و المساتر الفرعية و esp و كل الانظمة دى انما حديد و تيل ....ولا ليهم لازمة

[Formulator]

هما لسه بيتكلموا انها مش عيب عام...؟؟؟!!!!!!
عموما بكره الصبح ان شاء الله هكلم طارق جبريل وأبعتله mail كمان بالجزئية دى ..!!!