ملخص التقييمات الانجليزية لسيارات فيات الجديدة ( عربي-انجليزي)

[CryptonX]

البقية تاتي ان شاء الله
لو في حد عنده اقتراح لترجمة افضل او لغوية افضل ياريت يقولي .

المصادر :
Cars, driving, Jeremy Clarkson, James May, Richard Hammond - BBC Top Gear
What Car? - New and Used Car Reviews, Car Deals, News & Advice
Cars - All Makes. All Models. - NetCarShow.com
بعض الصور من جوجل

تابع

ارجو من الاشراف درج كل مايلي في اول مشاركة و شكرا

--------------------------------

ملحوظة هامة جدا :

تم اختيار TOPGEAR و WHATCAR لسببين مختلفين تماما
TOPGEAR عنيفين جدا في اختبارتهم .. فمعنى ان سيارة اصلا تعدي ال 10 من 20 ده تفوق ناجح جدا علشان محدش يفهم غلط .. الارقام النهائية محجوزة لسيارات و ماركات خيالية فبالتالي المقارنة عادلة جدا .. مثال بسيط ..
الجولف 6 و الي نزلت بعد البرافو مثلا واخدة 14 من 20 ( نسبة 70% ) مقارنة مع البرافو 12 من 20 ( 60% ) فمش فرق فظيع يعني و يديك فكرة عن التقييمات بتاعتهم عامة.

مثال اخر البولو منافسة الايفو و الجراند واخدة 11 من 20 يعني اقل من الجراند و الايفو مع انهم ممكن يفضلوها عنهم

WHATCAR على الجانب الاخر موقع احترافي مشهور محايد و هو من اكثر المواقع شهرة و زيارة في المملكة المتحدة ودافع كبير لشراء سيارات هناك جديدة و مستعملة

فمش معنى ان سيارة فيات واخدة 50% ان دي سيارة زبالة .. الناس هناك محايدة و على درجة كبيرة من الاحترفية عكسنا .. لو ركبنا عربية زبالة برده حنجمالها ونديها في الاخر 7 من 10 و لا 6 من 10 :)

-------------------------------

والبقية تاتي برده :)

[yoko]

إيه الجمال ده وحاسس ظالمين البرافو سنة ومع كلامهم على الإيفو ١٠٠٪ خصوصا موضوع وش العربيه

[Formulator]

ماتزعلش ياعم Yoko ... خد عندك عشان البرافو
ده تقييم Autoexpress للعربية:

"The family hatch market is highly competitive, and buyers aren’t short of choices. So does the Bravo make a mark? Well, it’s certainly the best offering from Fiat for a long time. And although it doesn’t sparkle enough to tackle class leaders such as the Ford Focus and VW Golf, it takes victory in this test"

وقالوا انها أفضل سيارات فيات من زمن بعيد, ان لم تكن الأفضل على الاطلاق..!
وتفوقت فـ المقارنة على: ستروين C4, وسيات Leon, وكيا Cee'd (مع أن الأخيرة مفروض متدخلش مقارنة زى دى)

وده رأى Jeremy Clarkson الشخصى... بصرف النظر أنه متحيز للسيارات الأيطالية عموما : من الـTimesOnline:

"There’s no point going on. There are many issues in a Bravo that you just won’t find in a Volkswagen. So we’re back to square one. To buy this car you must decide that what you really want is something that’s not quite as good as a Golf.
Except for a couple of things. The way it feels and the way it looks. If these are important to you, try one. You might like it. I did."

لو هتشترى برافو عشان حاجتين: الشكل والأحساس..! اللى مش موجودين فـ الجولف...!!!

وده تقييم Parker's و أداها 3.5/5 score:

"this car is a generously sized five-door that is a credible alternative to the likes of the Ford Focus. It's elegant and sporty, but most crucially is priced well below its mainstream European rivals. The diesel engines are frugal, but the smaller T-Jet petrol unit offers punchy performance with "impressive economy.

وقالوا انها بديل منطقى لواحدة من أفضل سيارات فئتها: الفورد فوكس..

وده جزء من تقييم AutoEvolution:

"There's no doubt that the Bravo is a nice car to drive. It's quite difficult to find its best feature though, as we can't agree on the one that plays the most important role: the engine or the exterior design."

مش عارفين أيه الأحسن..؟؟؟!! الموتور ولا الشكل...!

وده من FifthGear:

"But a fast-rejuvenating Fiat instigated a crash-programme to replace the Stilo, and this far prettier Bravo - it is arguably the most handsome car in the category - is much more attractive offering. And that's despite the fact that it is based on the platform of the Stilo. Though many core parts are similar, it has had extensive improvements to body strength - it wins the full five NCAP crash protection stars - to its suspension, engine range and standard of finish"

أجمل سيارات فئتها.. 5 نجوم أمان, عفشة ومواتير وتقفيل... عايز أيه تانى..؟؟؟!

وده من Motors.Co.UK:

"The Bravo is characterful and keenly priced. If a fizzy engine and a sporty manner is all you want, you’ll love the Fiat Bravo. But it can’t match the elegance and form-follows-function excellence of a VW Golf, or the best-drive-for-your-bucks sharpness of Ford’s Focus. If you ‘get’ it, fine. Otherwise, when there’s so much else to buy at its size and price, it runs third-best."

لما تاخذ ثالث أفضل أختيار بعد الجولف والفوكس...(الـclass leaders) شكرا للـ الموتور والأداء الرياضى..!!!

ودى من مجلة AutoBild الألمانية الشهيرة... وأدوها 6/6 فى الـReliability بعد أختبار أكتر من 100000 كم...!
New Bravo gets historical appraisal from Auto Bild | Facebook

طبعا قالوا أن ده تقييم تاريخى للبرافو...!!!

وموقع CarBuyer.co.UK أداها 4.2/5.0 متخطيا بيجو308 والرينو ميجان III

وجدير بالذكر أن موقع TopGear المستشهد به من الـthread starterأعطى للبرافو تقييمات أعلى من الرينو ميجان ومتساوية مع الأوبل أسترا...! (الأخيرة أحد الـTop-Sellers فـ الفئة دى وهددت عرش الجولف لسنوات)

عايز أقول أن فيات بتحاول بالـBravo تنافس فولكس فـ مبيعات الجولف... وفى المقابل: فولكس بتحاول بـ 3 عربيات.. بولو, أبيزا وفابيا تنافس فيات فـ مبيعات الـTop-Seller SuperMini فـ العالم الـPUNTO...

وبعدين فين تقييمات الـ500 الجديدة... هى دى مش فيات برضه..؟؟؟!! ولا أيه..؟!!!
ولا عشان واخدة تقييمات عالية وحاصدة للجوائز... ما نجيبش سيرتها..؟؟؟!! مش كده..!

[ahmadmidop]

تمااااااااااااااام 10/10

[JUVENTUS]

انا مع يوكو ان البرافو مظلومة في التقييم
انا شايف برضو ان الايفو شكلها تحفة زي ما هي

[CryptonX]

إيه الجمال ده وحاسس ظالمين البرافو سنة ومع كلامهم على الإيفو ١٠٠٪ خصوصا موضوع وش العربيه

صحيح بس لا تنسى ان الجولف مازالت رقم واحد في اوروبا ويليها الفوكس ... البرافو في راي شكلها افضل و ارخص طبعا و ده مكسبها الوحيد تقريبا بس طبعا لو شلنا فارق الاسعار محدش حيشتري لا فوكاس ولا برافو .
عمليا كمان البرافو يمكن اضيقهم في مساحة الارجل الخلفية

ححاول ازود موقع كمان علشان يبقوا 3 بس انا مش شايف تقييمات " نهائية " اعلى في اي موقع تاني .. و دول اشهر 2 في المملكة المتحدة. كلهم معدوش 60% و ده رقم مخزي طبعا .

و طبعا مش عايزين نتكلم عن الاجيال السابقة ( الستيلو و البرافا ) علشان الكلام حيجرح الناس :)

انا كاتب البقية تاتي
علشان في فيات 500 و سيديسي و باندا و الجراند كمان ححط تقريرها انا ابتديت بدول بس علشان اشهر و اكثرهم اسئلة من الناس هنا .

[Formulator]

يا سلام !!! هى 4.2/5 دى مش 84%.. و3.5/5 مش 70%...؟؟؟!! نهائية...
وبعدين ماهو AutoExpress و Parker's و Motors.co.uk و CarBuyer.co.uk دى مش مواقع انجليزية و"مشهورة" برضه...؟؟؟!!!

وعلى حد علمى.. البرافا القديمة كانت تقييماتها عالية (موجودة) والستيلو دى مانزلتش مصر.. ولا أيه؟!

عايز أضيف حاجة مهمة... على اعتبار أن فولكس أكبر الشركات الأوروبية وأحد أفضل صناع السيارات فـ العالم...
بس ليها تجارب "فاشلة" فى استقدام سيارات برازيلية ضايعة لمصر: البوينتر والباراتى..!
وده باتفاق كل ملاك السيارات دى.. من مشاكلهم وقطع غيارهم... وبرضه كرهوا نفسهم وسبوا فـ مليون VW... هل ده يقلل من فولكس؟؟؟!!

طبيعى جدا لما التوكيل يجيب عربيات مخصصة لدول العالم الأول: البونتو والبرافو... ويبيعها فـ دول العالم الثالث... أنها تلاقى استحسان وقبول الناس...!
لكن لما يستقدم سيارات رخيصة جدا.. ومخصصة لدول فقيرة (لا تباع فـ أوروبا أصلا).. وتبيعها فـ مصر... طبعا الناس ..!

[CryptonX]

يا سلام !!! هى 4.2/5 دى مش 84%.. و3.5/5 مش 70%...؟؟؟!! نهائية...
وبعدين ماهو AutoExpress و Parker's و Motors.co.uk و CarBuyer.co.uk دى مش مواقع انجليزية و"مشهورة" برضه...؟؟؟!!!

وعلى حد علمى.. البرافا القديمة كانت تقييماتها عالية (موجودة) والستيلو دى مانزلتش مصر.. ولا أيه؟!

عايز أضيف حاجة مهمة... على اعتبار أن فولكس أكبر الشركات الأوروبية وأحد أفضل صناع السيارات فـ العالم...
بس ليها تجارب "فاشلة" فى استقدام سيارات برازيلية ضايعة لمصر: البوينتر والباراتى..!
وده باتفاق كل ملاك السيارات دى.. من مشاكلهم وقطع غيارهم... وبرضه كرهوا نفسهم وسبوا فـ مليون VW... هل ده يقلل من فولكس؟؟؟!!

طبيعى جدا لما التوكيل يجيب عربيات مخصصة لدول العالم الأول: البونتو والبرافو... ويبيعها فـ دول العالم الثالث... أنها تلاقى استحسان وقبول الناس.ت في..!
لكن لما يستقدم سيارات رخيصة جدا.. ومخصصة لدول فقيرة (لا تباع فـ أوروبا أصلا).. وتبيعها فـ مصر... طبعا الناس ..!

مع اني نويت من الموضوع السابق عدم الرد عليك بس حرام .

الي بيشتري فيات اصلا من الاول شاريها لكونها ارخص الخيارات الاوروبية ... لو البرافو كانت ب 200 الف جنيه مثلا كانت الناس نسيتها ولو الايفو بتمن البولو الجديدة 130 الف جنيه مكانتش حتبيع بشلن
.
وفيات طول عمرها سيارة اقتصادية بشوية توابل ايطالية من الماركات الاغلي وعمرها ماحتتغير علشان الفا و لانشيا ينافسوا و تفضل بسعرها الرخيص نسبيا .

هل يا ترى هي ارخص و احسن ؟ لأ .. هي ارخص و بتانفس .. لكن كاعتمادية .. كالعادة في القاع كل سنة في
JD Powersurvey
موجودة و مشهورة برده ولا ايه ؟

و والله لما شركة عريقة و كبيرة زي مانت بتقول وتعمل اي عربية كانت رخيصة او غالية و تحت عالمتها عليها المفروض تبقى جيدة برده .

و عامة فيها حاجة انت متعرفهاش .. اني بحب عربيتي جدا رغم كل ماوجهته منها و من التوكيل .. و مازلت الى الان بحبها و يمكن دي الحاجة الوحيدة الي بلاقي مشتركة في ملاك فيات .

اغنياء تعبوا في فلوسهم و اشتروها او اهلايهم جايبهالهم او فقراء برده .. بلاقيهم معتزين بعربياتهم الحمد الله .

و شكرا على ذوقك الكبير في كل كلامك .

[Formulator]

لا لا لأ... حضرتك فهمتنى غلط خالص... أنا مش أبويا جايبلى العربية وكده...
أنا راجل عادى جدا ومن الطبقة الكادحة كمان... وشقيان فـ فلوسها وجايبها قسط على فكرة...!!! يعنى دى عربية البيت (لأولادى) مش هاتشباك بـ أتنطط بيها وكده...؟؟؟!!
هو بس عشان الواحد مش بيشترى عربية كل يوم.. أنا قولت أجيب حاجة تعيش وأمان عشان العيال... وواسعة وشنطتها كبيرة وبتشيل كل حاجتهم...!
وكل جنيه أوماترا بتضبطنى فيه (زى ديسكات الفرامل كده)... ربنا يعلم بييجى أزاى..؟؟! ماتفتكرش أنى مش ساخط على أوماترا وأداؤها...

وbtw زى ماقولتلك قبل كده... تقارير JDPower بتبقى مبنية على استطلاعات رأى من ملاك يفتقدون للخبرة, والقدرة عـ التقييم الموضوعى...!!!
أنا بس اللى أخدته عليك... أنك بتعمم ظروف الباليو على كل عربيات فيات.. وده مش صحيح من وجهة نظرى وآخرين...!!!
وفـ الآخر أنا محبش أبدا أنك تزعل منى... أنا عارف أنك راجل محترم... ويعز عليا أنى أقول كلام ممكن يضايقك..! ياريت ماتأخدش مناقشاتنا بعصبية..

[CryptonX]

لا لا لأ... حضرتك فهمتنى غلط خالص... أنا مش أبويا جايبلى العربية وكده...
أنا راجل عادى جدا ومن الطبقة الكادحة كمان... وشقيان فـ فلوسها وجايبها قسط على فكرة...!!! يعنى دى عربية البيت (لأولادى) مش هاتشباك بـ أتنطط بيها وكده...؟؟؟!!
هو بس عشان الواحد مش بيشترى عربية كل يوم.. أنا قولت أجيب حاجة تعيش وأمان عشان العيال... وواسعة وشنطتها كبيرة وبتشيل كل حاجتهم...!
وكل جنيه أوماترا بتضبطنى فيه (زى ديسكات الفرامل كده)... ربنا يعلم بييجى أزاى..؟؟! ماتفتكرش أنى مش ساخط على أوماترا وأداؤها...

وbtw زى ماقولتلك قبل كده... تقارير jdpower بتبقى مبنية على استطلاعات رأى من ملاك يفتقدون للخبرة, والقدرة عـ التقييم الموضوعى...!!!
أنا بس اللى أخدته عليك... أنك بتعمم ظروف الباليو على كل عربيات فيات.. وده مش صحيح من وجهة نظرى وآخرين...!!!
وفـ الآخر أنا محبش أبدا أنك تزعل منى... أنا عارف أنك راجل محترم... ويعز عليا أنى أقول كلام ممكن يضايقك..! ياريت ماتأخدش مناقشاتنا بعصبية..

حصل خير يا باشا
و ربنا يباركلك في عربيتك و اولادك ان شاء الله وشكرا ليك و لردك
و يارب يرحمنا كلنا من اوماترا و قرفها قريبا .

[Formulator]

حصل خير يا باشا
و ربنا يباركلك في عربيتك و اولادك ان شاء الله وشكرا ليك و لردك
و يارب يرحمنا كلنا من اوماترا و قرفها قريبا .

اللهم أمين
ربنا يخليك يامان...
وعلى فكرة.. أوماترا ضبطتنا قبل كده فـ الألفا 156 (مع أخويا دلوقتى), يعنى المفروض الواحد مايقربش من فيات تانى... بس تقول أيه بقى؟؟؟!!
كل ما تنزل عربية جامدة... مابقدرش أقاوم بصراحة, وأعرف ناس كتير كده.. تقريبا كل اللى بيشتروا فيات دلوقتى.. ركبوا أيطالى قبل كده..!!! وبيحبوا العربيات دى.. ماتعرفش؟؟؟!!!

[fouady]

مستني الباقي أنا وشكرا على مجهودك

[khalid_adel]

الي فورميلاتور
انت بتقول ان كان معاك 156 ودلوقتي ايه شعورك والفرق
مع العلم ان انا كان معايا برافو 2009 وبيعتها بعد سنه بالظبط وجبت 147 2003
افهم قصدي بقى :)

[Formulator]

مع أن المقارنة ماتنفعش.. بس ماشى..
الـ156 دى كانت 2000cc Selespeed ... وكان العيلة جايبينها P2; facelift 2003, وأنا ركبتها سنتين تقريبا..!
العربية سوداء جنط17" والكراسى Blitz و ساوند BOSE... وهمية طبعا
شوف.. مبدئيا مفيش مقارنة فـ الـhandling والـstability ... الـ156 تتفوق بشدة...!!
خصوصا عشان العفشة الـunique بتاعتها.. أنا مشفتش double high-wishbone قدام دى الا فـ البورش وبعض الفيررارى...! والـmulti-link من ورا برضه معقد أوى..
وكمان الدركسيون الرهيب فالـdrive-feeling بتاعها ... مش ممكن ؟؟؟ زى الدفع الخلفى بالضبط..!!! (لو ركبت 318 e46 هتفهم)..!

الموتور .. قريب أوى.. مع سحب وتجميع أحسن للألفا فوق (عـ العالى بعد 120)... لكن الطلعة زى بعض تقريبا.. ويمكن تحس البرافو عصبية شوية فالـ2nd, 3rd
الفتيس: الصراحة الـ156 كان أنعم فـ النقلات...!!! معرفش أزاى؟؟ المفروض الـDualogic أحدث بكتيييييير..! وكمان الـSelespeed الغيارات روحها أطول..! لو فاهم قصدى..

بس عايز أقولك حاجة:
الألفا واللانسيا بيتبنوا على موديلات فيات فـ الأساس.. أكيد أنت عارف, جيل الألفا بيبقى أعلى كتير من جيل الفيات المقابل (المتزامن)... لكن:
الجيل "التالى" من فيات بيبقى مساوى (أو أعلى سيكا) من اللى فات من الألفا... فـ المقابل جيل الألفا الجديد "التالى" بيبقى أعلى كتير من فيات المتزامن معاه...!
كمثال: الـ147 كانت أفضل من الـStilo الأصلية.. والبرافو بقت أحسن من الـ147.. لكن الـGiulietta أفضل من البرافو.. وهكذا... سياسات فيات التسويقية..!

والجزئية اللى أنا عارف أنك قاصدها .. دا مش كلامى.. ده من المنتديات الأيطالية ولو عايز أجيبلك بالنص:
"The Bravo is a much better car than the 147" ... أفهم قصدى بقى..!!!

[Formulator]

وعشان ماتفهمش غلط أن فيه تناقض لا سمح الله...
الـ147/156 بموتور الـ1600 وخمس غيارات (مانيوال أو 5 selespeed اللى نزل مصر) لا تقارن فـ "الأداء" بالبرافو الـ120 ولا الـ150 طبعا و6 سرعات مانيوال أو Selespeed قد تكون comfort أكتر.. لكن أداء .. لأ.

أنا بتكلم عن الـ2000cc 6-Selespeed المختلفة جدا عن الـ1600 العادية..!
موتور وفتيس وعفشة (مكونات الـsuspension بالكامل من الألومنيوم.. الجنوط momo) ركوبة تانى غير...!!!
وموضوع الأجيال وكده.. الألفا واللانسيا والأبارث..بيبقوا سابقين الفيات بجيل واحد فقط.. اللى بيبقوا سابقين بـ "أجيال" هما المازيراتى والفيررارى (تكنولوجيا.. مش فئة, لأنهم فئات غير)... شوف الفتيسات AMT جت أزاى من الـF355 لحد ماوصلت للـpunto وانت تعرف..

والدليل.. الـGiulietta أقل موتور عليها هو 1.4 multi-air 140 حصان (أكبر واحد فـ البرافو) وطالع 170 و 200 حصان...!
والـ159 أقل موتور عليها 1.8 TBi turbo بيدى 200 حصان.. وطالع لحد 235 (فـ حين أجمد Abarth SS بتبقى 180 حصان)
على الرغم أنك بتقول أنك ركبت عربيتين من Fiat group... بس واضح أنك محتاج تذاكر تاريخ وسياسات المجموعة شوية.. عشان تعرف التدرج والتطور بييجى أزاى...!