السلسلة التعليمية: تغيير لمبة الصالون و الايريال لفيات بونتو

[Moe86]

قاعدة الأيريال اللى فى السقف عندى اتكسرت, فإشتريت واحدة من عربية استيراد ب60 جنية
طبعا تعبت علشان أفكها فى الأول لأنى مش عارف الطريقة


أول حاجة نستعمل مفك "عادة" المبطط علشان نفك الغطا البلاستيك من الجنب الأمامى أو الخلفى


هى محتاجة حرص شوية و أنا كنت خايف تتكسر منى بصراحة


بعد كدة لو عايزين نغير قاعدة الأريال كمان (لو مكسورة) نستعمل مفك "عادة" أكبر من اللى بدأنا بيه علشان نخلع الجزء بتاع الاضائة كله على بعضه





هنلاقى صامولة مقاس 10, ممكن نستعمل كماشة علشان نلفها و بكدة قاعدة الأيريال على السقف تتفك و تتغير




تم إضافة الموضوع لفهرس السلسلة
مشرف ١٤ب

[yoko]

إيه الجمال ده انا قولت الناس نسيت وبجد مكانها عجيب قوي

[ahmedbasto]

ان شاء الله هعمل موضوع جديد ان شاء الله بكرة

[HOSSAM99]

إيه الجمال ده انا قولت الناس نسيت وبجد مكانها عجيب قوي

هو مكانها عجيب لكن ما شاء الله الي صنع العربيه وصممها وحدد المكان ده راجل محترم

[ahmedbasto]

فعلا

[ahmadmidop]

عااااااااااااااش وعلى فكرة زي الباليو بالظببببببببببببببببط

[semsem_uno]

عاااش يا بحيري يا جامد اويييي
و انا الفانوس عندي بتاع الصالون عايز يتغير علشان فيه اجزاء ناقصة و مكسور من جوة :( حد يعرف بقي الاقيه فين ولا بكام هههههههههههه؟؟

[ahmadmidop]

بس لااازم تثبته كويس عشان مافيش ميه تخش على الصااااج من فوق

[Moe86]

شكرا يا جماعة , أنا بحاول أفيد باللى أعرفه و هى دى روح الثورة :)

العربية فعلا أسهل من عربيات تانية فى فك أجزاء من الصالون, أنا فكيت محتويات باب كامل قبل كدة بسهولة و هرفع الصور و أعمله موضوع مع تغيير سماعات الأبواب

و طبعا زى ما قلت يا أحمد باشا لازم الصمولة تتربط كويس علشان متسربش مية جوة السقف

بالنسبالك يا سمسم بيتهيألى ممكن تلاقيه استيراد فى الحرفيين و الله أعلم

[killypunto]

طب هى لما بتتفك بيبقى السقف عامل ازاى من غيرها؟!! يعنى حاجه بسيطه و ممكت تتسد؟!؟ و كمان السلك بتاع الاريال ده لو مش موجود, سهل اجيب واحد و اوصله؟

[M_wahba]

ايوة كدة الله ينور يا كبير

[ashraf_emara]

Thanxxxxxxxxx

[myasseen]

تصدق بالله انا كنت هفك فرش السقف من قدام كله بالشماسات بالبلاستك اللى فى الجناب اللى فى القايم بتاع الباب علشان اغير قاعده الاريال .

ربنا يبارك فيك والله انقذتنى من الفيلم ده لانه كان قالقنى جدا انى اعمل كده.

المشكله بقى انى مالاقيتش القاعده دى فى اسكندريه غير عند واحد ابن تيييت شماط جدا فى صلاح الدين (اسكندريه) اسمه اولا حماد ب 150 جنيه بالعافيه لو حد يا جماعه يعرف حد تانى يكون عنده مايبخلش علينا بالمعلومه ده فرق 90جنيه بين السعر اللى انت قلته والسعر هنا فى اسكندريه.

والف شكر تانى مره.