عايز اجيب وخابف....انجدونيي :(

[wama1903]

انا عندي طلب و رجاء لكل رجاله الفيات....انا عايز اجيب الايفو.....هي عاجباني جدا جدا و كنت هانزل اجيبها الاسبوع دا....بس الحاج قاعد يخوفني من التوكيل....

قطع الغيار ...مش هتلاقيها متوفره !!! هتلاقيهاغاليه جدا :(:(
العربيه ما تضمنش التوكيل هيعملها support لكام سنه قدام وانا سمعت من واحد عنده معرض عربيات ان الحكايه دي حصلت مع السيينا و وان التوكيل ما عدتش بيصلحها !!!!

افيدوني اعمل ايييببببببببه

و شكرااااا

[ahmadmidop]

بس ياباشا ........ اانا رأيي تستنى شوية لحد مانشوف الوضع هيستقر على ايه (البلد بصفة عامة ) وبردو نشوف التوكيل هيعمل ايه !!
بالنسبة للعربية الحمد لله كل اللي جابوها بيشكرو فيها قطع الغيار طبعا في التوكيل بس .... وبالنسبة لحكاية وقف الاستيراد حصلت معايا كنت اشتريت الباليو بعدها بسنة معدتش بتتنزل .... ولكن اذا ده حصل التوكيل بردو مسؤل عن العربية .. وان كنت استبعد انه يحصل مع الافيو لأن التوكيل تلت تربع شغله ومبيعاته في الايفو .... وشوف بردو حضرتك رأيي باقي الاعضاء وبالتوفيق ان شاء الله .. ونورت قسم الفيات

[JUVENTUS]

بص يا باشا الايفو عربية ممتازة و عجباني جدا جدا و انا لو معايا فلوسها مش هتردد لحظة في شرائها
الموضوع بيختلف من شخص الى اخر
ممكن واحد يضحي و يجيب عربية تانية
انا عن نفسي مقدرش طالما اقتنعت بيها يبقا مش هقدر اجيب غيرها
بالنسبة لموضوع التوكيل و الخوف منه عايز اقولك ان كل الناس بتشتكي من التوكيلات مش بس اوماترا
و الامثلة كثيرة على ذلك

http://www.nilemotors.net/Nile/203255-a.html

http://www.nilemotors.net/Nile/201865-a.html

http://www.nilemotors.net/Nile/6327-a.html

http://www.nilemotors.net/Nile/203174-60-eim.html

http://www.nilemotors.net/Nile/197760-6.html

و لو لفيت في المنتدى مش هتخلص
الايفو موتورها مش تيربو و اعتقد ان مشاكلها في التوكيل اقل شوية من الحاجات اللي فيها تيربو
و انا وجهة نظري كمان ان عربيات فيات الجديدة التكنولوجيا و الشغل اللي فيها معقدة عن الاسيوي عامة عشان كدة التوكيل احيانا لا يجيد التصرف
و القرار الاخير ليك و فكر كويس و استخير ربنا

[Formulator]

أوماترا عاملة support كويس للعربية دى.. كتسويق وكمان خدمة ما بعد البيع..!
غير العربيات الأعلى سعرا والأكثر تعقيدا.. زى البرافو مثلا..!

بالنسبة لقطع الغيار متوفرة فـ التوكيل(حتى لو فتيس كامل أو جزء من الموتور)...
وطبعا الأسعار أحيانا تحس أنها مبالغ فيها شوية.. وحاجات تحس أنها معقولة وأفضل من توكيلات تانى .. مع مراعاة أن فيات مش بتحط أى قطع فـ عربياتها.. غالبا بتبقى ماركة أو Brand أوروبى (ده لو قارنتها باليابانى والكورى مثلا..!!!)

وبعد التوكيل.. دلوقتى فيه تجار قطع غيار مشهورين (الكيلانى, فيات 2000) عندهم كتير من حاجة الجراند بونتو (هى هى الأيفو).. ويارب يجيبوا للبرافو واللينيا .. زى ماعندهم دلوقتى قطع غيار الألفا 156 واللانسيا ديدرا مثلا..!

[wama1903]

تمام يا رجاله ...شكلي كده هتوكل و اجيب ان شاء الله

[barhomy]

أنا معايا العربية من رمضان إللي فات و بعشقهااااااا.. إشتيريها و أمرك لله,, كمان دي بتبني سمعة كويسة إلى حد ما و إللي إنت خايف منه ده غالبا مش هيبقا موجود قدام شوية إن شاء الله