عملت صيانة الـ 10000 للإيفـو

[M.Gamaledeen]

السلام عليكم ياشباب

عملت من يومين صيانة الـ 10000 للبونتو إيفـو

ماتم في الصيانة:
- تغيير زيت ، موبيل 1 (للأسف)
- تغيير فلتر الزيت
- تغيير فلتر الهواء
- الكشف على زيت الفيتيس، الأنوار، التكييف، عمل المساحات، مياة المساحات وضبط ضغط الإطارات
- وكالعادة غسيل المحرك بالفوم

ده بالإضافة إلى تغيير شداد الباب الخلفي شمال، وضبط الباب الخلفي يمين، وده لأنى كنت لاحظت وجود "تزييق" فيهم،

تكلفة الصيانة:

زيت = 255 جم
فلتر زيت = 37 جم
فلتر هواء = 77 جم
مياة مركزة للمساحات = 7 جم
مياة مقطرة = 5 جم
فوم = 27 جم

مصنعيات = 135 جم

إجمالي بالضريبة = 551.24 جم


ما يحسب للتوكيل:

- اتصلت يوم السبت وكان أول ميعاد الأحد بس أنا طلبت يخلوها الثلاثاء.
- مهندس الإستقبال م / أحمد صلاح، شخصية محترمة ومهذبة.
- وصلت متأخر نص ساعة ومع ذلك دخلت على طول.
- موضوع تغيير الشداد، انا تصورت انهم بالكتير "هايشحمولي" البابين وشكرا.
- الصيانة كانت من الساعة 09:00 إلى 01:00 واستلمت العربية فعلا في الميعاد.

مايحسب عليهم:

- بعد ماستلمت العربية اكتشفت انها بقت متبهدله (كنت لسه غاسلها بره وجوه) من بره فوم وزيوت و"تلطيع" وبصمات ايدين على الزجاج ومن جوه بقعة زيت محترمة في الدواسة.
- زودوا ضغط الكاوتش من غير حتى مايسألوا نيتروجين ولا هواء، وإضطريت أروح أفضى الهواء وأحط نيتروجين تاااني.

وعلى الرغم من كرهي الشديييد لزيت موبيل 1، إلا ان صوت العربية اصبح اهدأ بعد التغيير، والسحب حاسس انه بقى افضل.

ملحوظة صغيرة: م / أحمد كان من المؤيدين لإستخدام بنزين 95 للإيفو. على عكس آخرين سألتهم وقالوا لا، مشيها 92 و90 كمان !!

[yoko]

تمام يا باشا ويا ريت تاخد الموضوع كوبي وتحطة في موضوع عملت إيه في الصيانة النهاردة

[azmeralda]

و مخدتش معاك الزيت اللى عاوزه ليه؟
حد قال انه بيوافقوا عادى؟

[ahmadmidop]

مبرووك يامعلم

[Ahmad Shawky]

حاسس بفرق وانته حااط نيتروجين بدل الهواء؟

[Formulator]

أيوه بيوافقوا على شيل Ultra-Helix 5w-40
لكن بيرفضوا Castrol Edge.. معرفش ليه؟؟! أشمعنا؟؟؟!!
وفعلا هما بيلعبوا فـ ضغط الكاوتش... عشان مايحملش عـ العفشة.!!! بس مكانش لازم أنك تملاهم نيتروجين تانى.. تكلفة عـ الفاضى..! (لأن غالبا هما بينزلوا الضغط)
وممكن يرفعوه فـ حالة واحدة: لو قليل أوى.. عشان ماتأكلش بنزين..!!!

وbtw أووووووووووووعى تحط بنزين 90 ... لازم 92 وطالع.. الـcompression-ratio بتاع الموتور عالية..!

[mohamedgamall]

انشاء الله ربنا يباركلك فى العربية لحد صيانة ال مليون

[moh.aboelkheir]

مبروك يا باشا و عقبال صيانه ال 100000 :)

[wama1903]

مبروك يا باشا و عقبال صيانه ال 100000 :)

+!111111111a

[M.Gamaledeen]

و مخدتش معاك الزيت اللى عاوزه ليه؟
حد قال انه بيوافقوا عادى؟

أيوه بيوافقوا على شيل ultra-helix 5w-40 :s_thum1[1]:
لكن بيرفضوا castrol edge.. معرفش ليه؟؟! أشمعنا؟؟؟!!
وفعلا هما بيلعبوا فـ ضغط الكاوتش... عشان مايحملش عـ العفشة.!!! بس مكانش لازم أنك تملاهم نيتروجين تانى.. تكلفة عـ الفاضى..! (لأن غالبا هما بينزلوا الضغط)
وممكن يرفعوه فـ حالة واحدة: لو قليل أوى.. عشان ماتأكلش بنزين..!!! :u_thin1[1]:

وbtw أووووووووووووعى تحط بنزين 90 ... لازم 92 وطالع.. الـcompression-ratio بتاع الموتور عالية..!

للأسف
اللي اعرفه انهم بيوافقوا على "شيل" بس، وده كمان كان ليا تجربة سيئة معاه
ياريت يعتمدوا "كاسترول" كمان

وموضوع ضغط الكاوتش ده، انا محتار فيه
هما زودو العربية على 29 (انا كنت مخليها 28) دلوقت العربية مش مضبوطة خالص، ترزيع في المطبات وعين القط وفواصل الكباري، وعلى السرعات العالية باحس انها هطيير، بأفكر ارجعها 28 تاني، وخصوصا ان الصيف داخل

وبالنسبة للبنزين ف كلامك مضبوط، وأنا كمان كنت قلت ان الإيفـو تستعمل 95 وده اللي موجود في الكاتالوج علشان معدل الإنضغاط بتاعها عالي( 11).
وفي ايام ازمة البنزين. حطيط 92 وحسيت بفرق كبير في السحب واستجابة العربية

[yoko]

إظبط العجل ٣٢ قدام و٣٠ ورا وهي تظبط معاك وسيبك من عكهم
أنا لما ظبت اللينيا زي الكتالوج ٣٣ و٣٢ فرقت جامد ولا ترزيع ولاأي حاجة والفرامل والسحب إتحسن

[azmeralda]

يوكو بيقول 32 قدام و29 ورا ده الصح بتاعها

[azmeralda]

شفت يا يوكو انا و انت كاتبين الرد فى نفس الدقيقة بالضبط 3:24 : )

[M.Gamaledeen]

تمام يا باشا ويا ريت تاخد الموضوع كوبي وتحطة في موضوع عملت إيه في الصيانة النهاردة

تمـــام

مبرووك يامعلم

الله يبارك فيك يا ابوحميد

حاسس بفرق وانته حااط نيتروجين بدل الهواء؟

والله هي العربية بعد ماحطيت النيتروجين أول مرة، كانت مضبوطة على الآخر، ثبات رائع ومفيش ترزيع خالص، دلوقت انا باحس بكل ذرة رمل بامشي عليها

ان شاء الله ربنا يباركلك فى العربية لحد صيانة ال مليون

+!111111111a

mohamedgamall، wama1903
ألف شكر يا شباب، وعقبال عندكم (:

مبروك يا باشا و عقبال صيانه ال 100000 :)

الله يخليك يا دكتور، أجمعين ان شاء الله
على فكرة
وأنا هناك كان في إيفو بيضاء شبه عربيتك جدا
قعدت اسأل وادور لغاية ماعرفت انه مش انت

[onz]

الف مبروووووووووك يا باشا
و عقبال صيانة ال100000 كم

اما الزيت موبيل1 كويس للسواقة النورمال ( الحرق معه زفت )

علي طووووووول بحط 92 و خليت العربية تتعود علي كده ( بس لازم تحمل بنزين علي الاول شوية - الطلعة يعني - )
و كنت بسال
حد عمل ربط عفشة عند بريجستون قريب
يقولي ايه الاخبار هناك
عشان نوي اروح بكرة اربط و اظبط زوايا