جهاز انذار للينيا

[macdiv]

iحد يعرف اذا كانت البونتو العادية متطورة زى البرافو و كدة ؟ يعنى لو ركبت انذار فعلا الecu لازم يضرب ؟ هى البونتو من أول 2000 لما نزلت فيها نفس ال ecu بتاعة ال كلاسيك من 2003 ؟ نفسى أقابل حد مجرب مركب انذار فى بونتو أو حتى أى موديل فيات تانى جديد

1- عربيتك البوتنتو بتقولك لما في لمبه بتتحرق في الكشافات الاماميه او الخلفيه ؟
2- عندك اوتوماتيك دور لوك لما العربيه بتتتحرك ؟
3- عندك سنتر فابركه بريموت ؟
4- عنك تنبيه لو اللي جنبك او لو انت فكيت الحزام ؟
5- عندك مبينات في التابلوه لو الابواب فتحت ؟
لو الاجابه علي الاسأله اللي فوق كانت بنعم يبقي عربيتك فيها الشيستم الجديد
و لو مفهاش يبقي اتكل علي الله و ركب اللي انت عايزه بس اختار بحرص جدا الصنيعي اللي هيلعبلك في الضفيره عشان برده ممكن يعك و يطيرلك الecu بتاعه الموتور

هو الـecu مش يضرب.. بس ممكن يـ run على الـ safe-mode..؟؟!
والله أعلم..

لا طبعا يضرب ...

safe mode كمان ؟ دة متطور جدا زى الويندوز !

[Formulator]

safe mode كمان ؟ دة متطور جدا زى الويندوز !

ده فيه كمان:
- Limp Home Mode
- و Map Mode أو Open Loop
المود الأخير ده.. حصل مع واحد صاحبى فـ Punto SpeedGear عشان الـMAF Sensor اتهز من مكانه .. فـ الـECU بقت معندهاش معلومة الـintake-air temperature.. البنزين بقى حرقه مش مضبوط (بيطلع نى), والعربية مابتسحبش..؟؟!!!

1لا طبعا يضرب ...

مش دايما.. و أعتقد أن عربيته مفيهاش كل الـsensors اللى انت بتقول عليها..؟!!
أيه؟! مشوفتش قبل كده حد ركب انذار أو سارينة بس.. العربية نورت الـECL ودخلت فـ الـSafe-Mode..؟!! الـrpm بعد 2000 بيمشى ببطء شديد..!!!

[Moe86]

1- عربيتك البوتنتو بتقولك لما في لمبه بتتحرق في الكشافات الاماميه او الخلفيه ؟
2- عندك اوتوماتيك دور لوك لما العربيه بتتتحرك ؟
3- عندك سنتر فابركه بريموت ؟
4- عنك تنبيه لو اللي جنبك او لو انت فكيت الحزام ؟
5- عندك مبينات في التابلوه لو الابواب فتحت ؟
لو الاجابه علي الاسأله اللي فوق كانت بنعم يبقي عربيتك فيها الشيستم الجديد
و لو مفهاش يبقي اتكل علي الله و ركب اللي انت عايزه بس اختار بحرص جدا الصنيعي اللي هيلعبلك في الضفيره عشان برده ممكن يعك و يطيرلك الecu بتاعه الموتور

لا طبعا يضرب ...

عندى فى العربية رقم 1 (مبينات لو فى لمبة محروقة) و 3 (سنتر فبريكة بس بدون ريموت) و 5 (مبينات لو فى باب مفتوح) , دة غير trip computer بيطلع حاجات كتير زى متوسط السرعة, يبقى كدة مافيش أمل خالص أركب ريموت للعربية ؟!!

[macdiv]

عندى فى العربية رقم 1 (مبينات لو فى لمبة محروقة) و 3 (سنتر فبريكة بس بدون ريموت) و 5 (مبينات لو فى باب مفتوح) , دة غير trip computer بيطلع حاجات كتير زى متوسط السرعة, يبقى كدة مافيش أمل خالص أركب ريموت للعربية ؟!!

لا طبعا فيه امل بس محتاج اللي يركبهولك يكون ياما ركب قبل كده في نفس العربيه يااما يكون مهندس بجد
هات اي نوع من الانواع اللي انا قولتلم عليها و التركيب مش صعب هو بس فيه شويه تنبيهات كده لازم تتعمل عشان الدنيا متعكش