اسعار قطع غيار فيات بونتو 1

[docsam4032]

أستاذي الفاضل fanky بالنسبه لمؤشر الحرارة الطبيعي بتاعه انه يبقي قبل النص بشرطه واحده
انا بقي عندي مشكله في البونتو 2000 بتاعتي فجأه كده وانا ماشي وبنقل الغيار من التالت إلي الرابع ألاقي العداد بتاع ال rpmطلع بسرعه من 20 إلي 30 مش عارف ليه لحد دلوقتي المشكله مازالت قائمه كل لما ادوس دبرياج علشان امور وافرمل او انقل من غيار لغيار ألاقي العداد نط بسرعه وصوت العربيه بيعلي زي ماكون بدل ما بدوس دبرياج بدوس بنزين مش هارف بقي هل ده عيب من وحده الكنترول اللي هم بيقولوا عليها ولا إيه السبب
أرجو الإفاده من أهل الخبرة .... ولكم مني جزيل الشكر والأحترام
والسلام عليكم ورحمه الله وبركاته

انا برده عندى نفس المشكله ...انا برده بونتو 2000
بس دى لما اكون ماشى بيها كتير
ودا فى اى غيار
كل اللى بعمله انى ببطل العربيه خالص لان ار بى ام بيرفع لحد ما يقارب اربعين
وصوت العربيه بيبقى فظيع علشان كدا بخاف وببطلها ...لو عندك حل بجد قولى لانى خايف تاثر على العربيه جامد..
انا عربيتى عامله 100,000 كم
والاخ الى قال فوق ان بونتو 2000 ب 36 الف غلطاااااااااااان
انا عربيتى بتجيب لحد دلوقت اكتر من 45 مع ان حالتها مش برفكت يعنى راجع نفسك تانى
دا سعر موديلات 94 و95 ...

[SmartMega]

أستاذي الفاضل docsam4032 أتمني انه يكون في أتصال بيني وبينك وده تليفوني 0166614206
ولك مني جزيل الشكر والأحترام والميل بتاعي هو megasmartman@hotmail.com

[docsam4032]

تحت امرك
دا موبايلى 0126153970
ودا ميلى
Docsam6153970@yahoo.com

تحت امرك فى اى وقت

[Malghaly]

السلام عليكم ورحمة الله وبركاته

انا محمد اسماعيل
عضو جديد علي نايل موتورز
ومن عشاق الفيات وحابب اشترك في جروب الفيات
بس مش عارف ازاي ،،
ممكن اعرف ازاي ؟

[SmartMega]

يا باشا انت فعلا دلوقتي مشترك معانا في الجروب
وأهلا بيك يا محمد ولو أحتجت اي حاجه احنا هنا تحت امرك

[m000dy]

انا ربنا كرمني وقدرت اجيب بونتو 94 بس عايز اعرف امبير الحرارة الطبيعي بتاعة ان المؤشر يكون في المنتصف ولا انا عندي مشكلة في الموضوع ده؟؟؟

أمبير الحراره الطبيعى فى البونتو 1 بيبقى فى نص الربع الاولانى تحت خالص وكبيره قوى يوم ما يعلى بيوصل الربع او فوقه بشرطه بسيطه قوى
لو بيوصل للنص عندك يبقى شوف العيب الاسهل والارخص وده هايكون السبب ان شاء الله تعالى وهو غطا الردياتير
تخيل
ايوه غطا الردياتير او غطا القربه زى مابيقولوا لان الردياتير مفيهوش غطا
هاتلاقيه فى الجنب اليمين من الردياتير وبارز فى وشك اول ماتفتح
تمنه 20 جنيه وفيه حاجه اسمها سينس بلف وده بينظم دخول وخروج الهوا والبخار السخن والبارد وبينظم درجة الحراره وبيمنع تبخر المياه ونقصها
جرب وهاتدعيلى ان شاء الله

[mmffor]

ارجو المساعده

انا قدامي بونتو 2002 عاملة 45000 كيلو بس و مطلوب فيها 47 الف جنيه, السعر كويس و العربية نظامها ايه؟ و هو قطع غيارها متوفره واللا لأ؟ و اسعارها عامله ايه برجاء سرعة الرد ضروري

[SmartMega]

السلام عليكم
أستاذي العزيز mmffor هي العريبة حالتها من برة أخبارها إيه
بس علي العموم انا قدامي بونتو 2003 لونها فضي وعاملة 60 الف كيلو وحالتها ممتازة جدا وجنوط سبور ومطلوب فيها 44 الف ...فأعتقد ان 47 ده كتير علي 2002 والله أعلم تقريبا 45 الف حلو قوي عليها

[mmffor]

هي البونتو مستعمل افضل الخيارات في الفئه السعرية دي واللا اكمل و اجيب بيكانتو احسن

[AmatoALLAH]

السلام عليكم و رحمة الله و بركاته

ممكن اعرف بونتو موديل 2004 و 2005 يعملوا كام؟

انا نفسي في عربية بونتو بس مش بلاقي الا موديلات 2000 الي 2003 فقط

و انا عايزه 2004 او 2005

[SmartMega]

السلام عليكم
أستاذي الفاضل mmffor الموضوع اولا وأخيرا موضوع اذواق وثانيا امكانيات ماديه وثالثا هل انت من النوع اللي بيحب الزيرو ولا عادي مش فارقه معاه زيرو من مستعمل واولا وأخيرا القرار ليك انت ياباشا وربنا يكرمك وتلاقي العربيه المناسبه ليك إن شاء الله

الأستاذه الفاضله amatoallah
هو فعلا انا قعدت فترة ادور علي بونتو ما بعد 2003 الشكل المعدل بس ملاقيتش بس علي العموم لو لاقيت حاجه قدامي هابلغ حضرتك علطول
ولكم مني جزيل الشكر والأحترام

[zeyad1810]

دى بعض اسعار لقطع غيار تانية
طقم سوست فرامل خلفى الفردةب 45 جنية ايطالى
تيل خلفى اسبانى بالريجلاش بتاعة ب 130 جنية
مروحة ريادتير 350 جنية
علبة شكمان 90 جنية( ابو اليزيد)

[ahmatar]

متابع بأهتمام

[semsemde]

يا جماعة حد يعرف سعر علبة الدركسيون بتاعت بونتو 95
مع العلم انها هاف باور.... اللي هيا 60 حصان

[ahmatar]

متابع بأهتمام