كاوتش جديد للبرافو

[azakareya]

السلام عليكم يا شباب
أنا رحت بريدجستون عباس العقاد عشان اشتري 4 فرد كاوتش جديدة للبرافو، قالوا لي إن المقاس بتاعها ما فيش منه غير نوع واحد هو Turanza GR-90 ب 1250ج و ما فيش غير فردتين بس عندهم و 5 في فرع الغردقة ... سؤالي بقى: ممكن أجيب نوع إيه تاني غير بريدجستون و من فين؟ المقاس 225/45/17

[yoko]

هتلاقي في ميشلان ألماني أو فرنساوي 4 الفرد الي عندي منهم

[Formulator]

أزاى يا باشا..؟؟؟!!
أنا لسه كنت عندهم من يومين أو 3, وشفت المقاس بتاعك مش 225/45 R17 Potenza RE001 Adrenalin ؟؟!! ولا أيه..؟؟!
أصل أنا كنت بدور عـ المقاس بتاعى 205/55 R16 91W ولقيت عندهم 4 فرد Adrenalin..!!! هأركبهم بدل الـContinental اللى عندى..!
عموما.. اللى اقترحه عليك كبدائل (ومانصحكش بغيرهم):
- Michelin Pilot-Sport: زى ما يوكو بيقول.
- Pirelli P-Zero Rosso: عيبه الوحيد أنه الـTread Wear بتاعه قليل سيكا عن البريدجستون.. بس جاااااااااااامد..! (جربته فـ الألفا 156 2000cc جنط 17 ومالهوش حل)..!!!
- Continental SportContact 3: وده أرشحه ليك بقوة.. أدااااااااء وعمر أفتراضى (بشرط الـRotation)..!!
وطبعا أوعى تركب الحاجات اللى زى الـKumho والـHankook والكلام الفاضى ده..!
بالتوفيق ياباشا.. أتمنى أكون أقدر أساعد..!

[khalid_adel]

انا معاك ان الكاوتش النضيف ليه حلاوته بس انا اتقرصت من الموضوع ده لما الفرده ال 16 الميشلان الماني تفرقع من سن بلاعه اهبل بعدي عليه كتير قبل كده
حلفت اني مش حجيب كاوتش من الغالي ده تاني (فضلت 5 سنين بشتري بريدج ياباني وبيريللي ) بس لاحظت ان كله بيتغير على 50 كده كده (بسبب الشوراع الزفت اللي بنمشي عليها) وكله معرض انه يفرقع والبركه في النقر والارصفه والبلاعات
فقلت خلاص انا حجيب كوري واستنضف kumho , firestone ,وكده
طبعا انا مش بقول ان الكاوتش ده وحش بالعكس طبعا انا مجربه كتير بس هو الموصوع ظروف طرق مصر مع الاعتبار لل money value طبعا

[azakareya]

هتلاقي في ميشلان ألماني أو فرنساوي 4 الفرد الي عندي منهم

شكراً يا يوكو

أزاى يا باشا..؟؟؟!!
أنا لسه كنت عندهم من يومين أو 3, وشفت المقاس بتاعك مش 225/45 R17 Potenza RE001 Adrenalin ؟؟!! ولا أيه..؟؟!

انا معاك ان الكاوتش النضيف ليه حلاوته بس انا اتقرصت من الموضوع ده لما الفرده ال 16 الميشلان الماني تفرقع من سن بلاعه اهبل بعدي عليه كتير قبل كده
حلفت اني مش حجيب كاوتش من الغالي ده تاني

مش عارف يا formulator بس هو ده اللي اتقاللي لما رحت .. أنا فعلا راكب عندي Potenza و سألتهم اذا كان موجود قالوا لي لأ ما بقاش ينزل .. المهم, أنا بصراحة متفق مع وجهة نظر خالد لأن أنا في مدينة نصر و طبعا الشوارع ما يتحكيش عليها, نضافة ايه و نعومة ايه و وسع ايه .. بس عشان أنا ما ليش خبرة في الكاوتش ف حابب اسأل .. أنا قليل لما بلاقي فرصة أجري و أشد بالعربية و بالتالي المهم عندي هو جودة الكاوتش من ناحية احتمال الطرق السيئة بتاعتنا, خصوصا ان ال side wall في المقاس عندي صغير .. لو فارق السعر في ميشلين و كونتنتال يوازي فرق الجودة يبقى ده الاختيار الافضل ليا .. لو مش كده, يبقى ليه ماجيبش الكوري؟

[damasry]

انصحك بالكونتينتال ولو ها تجيب بريدجستون هات turanza وبلاش الpotenza

[Ghamrawy]

بس ال potenza غبى و حمال اسية

[damasry]

بس ال potenza غبى و حمال اسية

انا عارف ان potenza هو الكاوتش المجهز للمقاسات الرياضية بس للاسف ناشف يا باشا والشوارع عندنا مش عايزة الكاوتش الناشف

[Ahmad Shawky]

هتلاقي في ميشلان ألماني أو فرنساوي 4 الفرد الي عندي منهم

انته غيرت الكاوتش ليه يا يوكو

وغيرت ال 4 بكام من ميشلان

[yoko]

انته غيرت الكاوتش ليه يا يوكو

وغيرت ال 4 بكام من ميشلان

الكاوتش كان إنتاج ٢٠٠٨ والعربيه ٢٠٠٩ وانا مستلمها شهر ١١ فنشفوا وعملوا بللالين من بلاعات مصر المحروسة قمت مغيرهم وحطيت نيتروجين وبقالهم ٢٥ الف الحمد لله من غير ولا بلونه أول جوز جبتهم ووالعربيه عاملة ٥ الاف كم الفرده ب٦٠٠ وشويه الجوز التاني وهيا عاملة ١٥ كم الفرده ب٧٢٠ الأولنين إيطالي والتانين الماني هما غاليين بس محترمين قوي
والعربيه عاملة دلوقتي ٣٢الف

[Formulator]

انصحك بالكونتينتال ولو ها تجيب بريدجستون هات turanza وبلاش الpotenza

+111
الكونتينينتال PremiumContact أنعم بكتيييييييييييير فعلا.. بس كاوتش فرفور بالنسبة للمسامير والزلط وكده..!!
بس اشمعنا الـturanza ؟؟!.. هو مين فيهم Super-Silent ومين Extreme-Silent..؟؟؟!! (زى ما بيقولوا فـFit&Fix)..!

بس ال potenza غبى و حمال اسية

ده اللى أنا أعرفه..؟؟؟!!
الـPotenza أقوى ومابيتأثرش بسهولة بالمسامير والبلاعات.. والكلام ده.؟؟!
كان المعروف: عايز كاوتش أداااااااااااااء بس ناعم ومابيستحملش وبيتآكل بسرعة: هات Pirelli أو Continental...! بتاع شوارع نظيفة.
عايز أدااااااء وبيستحمل وبيعيش والـwear تماااااام... هات Bridgestone .. (عشان كده أغلى)..؟؟؟!!!

الكاوتش كان إنتاج ٢٠٠٨ والعربيه ٢٠٠٩ وانا مستلمها شهر ١١ فنشفوا وعملوا بللالين من بلاعات مصر المحروسة قمت مغيرهم وحطيت نيتروجين وبقالهم ٢٥ الف الحمد لله من غير ولا بلونه أول جوز جبتهم ووالعربيه عاملة ٥ الاف كم الفرده ب٦٠٠ وشويه الجوز التاني وهيا عاملة ١٥ كم الفرده ب٧٢٠ الأولنين إيطالي والتانين الماني هما غاليين بس محترمين قوي
والعربيه عاملة دلوقتي ٣٢الف

بيشكروا أوى فـ الميشيلان Pilot Sport بس ماجربتوش.. أنا شايف سعره معقول بصراحة..! والـDunlop (الألمانى بس) كمان.

رأيى يا azakareya لو مش هتجيب Potenza: هات Continental, Pirelli أو Michelin ... ودور عـ الـCategory بتاع الـComfort/Silent فـ كل واحد.. طالما مش الـPerformance.. ده لو لقيت مقاسك (لأن زى مانت بتقول: الـside-wall الصغير.. غالبا فـ المقاس ده بتبقى Sport)..!

وبلاااااااااش كورى عشان الأمااااااااااااان ...؟؟؟!! ياما ناس كانت متعودة تعمل manoeuvres بالعربية بالكاوتش الـoem.. ولما غير لماركة أقل... مش هقول غير بقى متكتف وبيسوق بحذر شديد..؟! وربنا يستر طريقنا جميعا...

[Ahmad Shawky]

الكاوتش كان إنتاج ٢٠٠٨ والعربيه ٢٠٠٩ وانا مستلمها شهر ١١ فنشفوا وعملوا بللالين من بلاعات مصر المحروسة قمت مغيرهم وحطيت نيتروجين وبقالهم ٢٥ الف الحمد لله من غير ولا بلونه أول جوز جبتهم ووالعربيه عاملة ٥ الاف كم الفرده ب٦٠٠ وشويه الجوز التاني وهيا عاملة ١٥ كم الفرده ب٧٢٠ الأولنين إيطالي والتانين الماني هما غاليين بس محترمين قوي
والعربيه عاملة دلوقتي ٣٢الف

ربنا يباركلك فيها يا حج

[ahmedelnahal]

أزاى يا باشا..؟؟؟!!
أنا لسه كنت عندهم من يومين أو 3, وشفت المقاس بتاعك مش 225/45 r17 potenza re001 adrenalin ؟؟!! ولا أيه..؟؟!
أصل أنا كنت بدور عـ المقاس بتاعى 205/55 r16 91w ولقيت عندهم 4 فرد adrenalin..!!! هأركبهم بدل الـcontinental اللى عندى..!
عموما.. اللى اقترحه عليك كبدائل (ومانصحكش بغيرهم):
- michelin pilot-sport: زى ما يوكو بيقول.
- pirelli p-zero rosso: عيبه الوحيد أنه الـtread wear بتاعه قليل سيكا عن البريدجستون.. بس جاااااااااااامد..! (جربته فـ الألفا 156 2000cc جنط 17 ومالهوش حل)..!!!
- continental sportcontact 3: وده أرشحه ليك بقوة.. أدااااااااء وعمر أفتراضى (بشرط الـrotation)..!!
وطبعا أوعى تركب الحاجات اللى زى الـkumho والـhankook والكلام الفاضى ده..!
بالتوفيق ياباشا.. أتمنى أكون أقدر أساعد..!

طب انته ليه مركبتش حاجة اعرض شوية 215/45 r16 مثلاً اهى حتة تظبط العربية شوية مادام انته كده كده هتغير الكاوتش

[Formulator]

طب انته ليه مركبتش حاجة اعرض شوية 215/45 r16 مثلاً اهى حتة تظبط العربية شوية مادام انته كده كده هتغير الكاوتش

تماااااااام, والله أنا كنت بفكر فـ كده بالضبط (215).. بس للأسف ماينفعش, وهأقولك ليه : )
- الكاوتش الأصلى: 205*55% = 112.75 mm
- الكاوتش الجديد: 215*45% = 96.75 mm
يعنى العربية هتوطى 16مم (1.6سم).. طبعا فرق جاااااااامد للثبات والهاندلينج (نظريا), وقولت مش مشكلة المطبات... هى أصلا واطية عـ الأرض زى السيفيك خصوصا من قدام..!!! وكده كده لازم تاخد بالك فـ الطرق السيئة.

لكن: لو عملت Lowering للعربية بدون تغيير corresponding للعفشة >>> زاوية الـCamber هتتغير..عشان العجل هيفتح سيكا من تحت.. لأن المساعدين نفس الطول والمشوار..؟؟!!!
بالضبط زى اللى بيركب سوست لفات أقل, أو يقص فـ السوست.. مع الأبقاء على المساعد..؟!

طبعا أى لعب فـ الـCamber: غير أنه هياكل الكاوتش من الحرف (ممكن نعمل Rotation ولو أنه مش حل)..! المشكلة الأكبر قد تكون فى:
- الثبات: FIAT وهاتشباك وعفشة ورا تورشن بيم: الـCamber والـToe-in فـ الدنجل بيبقوا متضبطتين بالمللى..!! ده بالنسبة للى ورا.
- الهاندلينج: مع الوقت ممكن علبة الدركسيون أو الـDual-drive يحصله مشكلة.. وطبعا أنت عارف الأستهبال بتاع الطلاينة (وأوماترا) فـ أسعار الباور أو أى قطع كهرباء..؟؟!!

بعد search جااااامد.. لقيت أن ماينفعش أعمل كده من غير تغيير عفشة.. مثلا لما المساعدين يحتاجوا تغيير: ممكن أجيب عفشة الـ150 حصان, أو 4 Koni-FSD الجديد. والكارتيرة بتاع الرفرف تشيل لحد 225 عادى..!

btw لو 4 فرد Adrenaline سرعة V أو W من نفس المقاس 205.. هيفرقوا جااااااااامد جدا..!!!

[Formulator]

الموضوع ده أصلا .. أكل من دماغى حته فـ فترة .. ههههههههههههه

لدرجة أنى لما شفت الـ225/50 R16 تقريبا (فـ بريدجستون).. كنت عايز أجيبه بس لقيته BMW 3er only عشان runflat.. وأصلا وزنه داهية, هيبضبطك فـ البنزين ويموت العربية فـ الجرى..!!!

وحاولت فـ مقاسات غريبة زى 215/50 R16 وده نااااااااااادر جدا.. وقولت لما توطى 0.525 سم أحسن من 1.6سم..؟؟!!

بس من الآخر: طالما العفشة Stock... يبقى Stick أنت كمان للمقاس بتاع الـOEM وريح دماغك, عايز أداء أعلى: هات Performance grade من Brand جامد ونفس المقاس..!! ليه الطمع ؟؟!! ههههههههههههه