مساعده من خبرااء فيات

[MohamedBebars]

السلام عليكم ورحمه الله وبركاته

بصو يا شباب أنا عاوز بإذن الله أشترى عربيه فى حدود من 20 إلى 30 وتكون هاتش باك ومتقرفنيش لأن دى هتكون أول عربيا ليا مش عاوز قطع غيار غاليه وعاوز عربيه شبابى كده وشيك وتكيف وفتحه سقف وباور ستيرنج كده يعنى
أنا الصراحه كنت بفكر فىبونتو 95 - أو إيبيزا 98 - وأخويا قالى أونو 97 وأنا محتار جداً ولو حد عندو أى أقتراح غير دول ياريت يساعدنى ولو حد يعرف برده عربيه حلو يقول

ولو حد يعرف أسعار قطع غيار العربيات دى ياريت يفيدنى

[M_wahba]

بص يا باشا
انت طبعا حتجيب عربية مستعملة (يبقى اكيد حيفرق معاك و حيهمك قطع الغيار)
تعالى نمسكهم واحدة واحدة
بونتو 95 عربية جميلة البونتو فعلا من العربيات المحترمة الناعمة بس قطع غيارها غالية شوية و مدى تداولها مش قوى متعبة شوية فى البيع و الشرا أنك بعد مدة اكيد حتفكر تبيعها
ابيزا 98 عربية جميلة جدا و قطع غيارها مش رخيصة بس حتلاقيها موجودة و ما اعتقدش انها بنعومة البونتو
اونو 97 عربية جميلة و قطع غيارها حتبقى ارخصهم مش بنعومة الإتنين التانيين ولا بامكانياتهم بس هى عربية شكلها حلو و شبابى برضة زى الإتنين التانيين و تستحمل الطرق الجميلة بتاعتنا الأنت عارفها
فانا رايى لو انت عاوز حاجة تستحملك خصوصا لو لسة متعلم سواقة وفى الأول و حتخبط يبقى الأونو
لو عاوز عربية ناعمة جدا بغض النظر عن موضوع البيع يبقى البونتو

[azmeralda]

نفس رأيي
وهي اول عربية متدورش عالشياكه قوي المهم تكون حموله وموتورهاحلو وحكايه قطع الغيارمهمه لأن المستعمل حظوظ وعربيتي الأولي قطع غيارهاكانت رخيصة بس من كترالتصليح خلتني اعلنت افلاسي: )والشياكه بتاعتها اتشلفطت بعد الشر عن القارئين

[ahmed79]

تيبوا عربيه ممتازه وقطع غيرها متوفره وبتنزل بالكماليات معاده الفتيس بيقى منول