سؤال لخبراء 132 ضروري

[mammam]

السلام عليكم ورحمة الله وبركاته
أولاً أنا بشكر مقدماً كل اللي اهتم بالموضوع وجزاكم الله خير
ثانياً بصراحة أنا خبرتي العملية في العربيات تقريباً معدومة عشان كده عايز أعرف رأي أصحاب الخبرة في الفيات 132 من ناحية الأداء والمميزات والعيوب وقطع الغيار لأن أنا قدامي عربية 132 موديل 79 دواخل فبريكة 2000 سي سي فيها رخصة سنة مطلوب فيها 13 ألف عايز أعرف هل ده سعر لقطة ولا العربية أصلاً هي سعرها كده ولا ده كتير هي مع واحد معرفة واحد صاحبي يعني مش تاجر ولا حاجة والحالة العامة للعربية أنا مش عارفها لأني لسه ما شفتهاش وهل لو حكاية 2000 سي سي دي مشكلة كبيرة في استهلاك البنزين ينفع يركب لها غاز وايه مشاكل الغاز
وفي النهاية أحب أوضح إن دي أول عربية أشتريها وعلاقتي بالعربيات شبه معدومة أنا بعرف أسوق آه لكني مش حريف يعني
أرجوكم دلوني للخير يا جماعة الخير وآسف جداً على الإطالة والرغي الكتير

[mammam]

ايه يا جماعة أنا أعرف عنكم إنكم مش بخلا ايه الحكاية فين الرود
قولي حاجة .. أي حاجة .. قولي وحشة .. قولي حلوة .. قول وما يهمكش حاجة بس قولي
بلاش الصمت الرهيب ده

[saadelden]

شوف الاول حالتها عامله ايه و الماتور سليم ولا محتاج شغل
فيها بارومه ولا لا
ايه الكماليات الي فيها ( ازاز كهربا - سنتر لوك - دركسيون باور ) ؟؟

ع الاساس دا تقدر تحكم
لان ال 132 ال 2000cc لو حالتها كويسه مابتعديش 18 الف

[mohamed_e36]

اهم حاجه عندك الشاسيه بص على الشاسيه قدام وعلى فرد الشاسيه , فرد الشاسيه قدام فيها ثلاث دوائر شوفهم تمام ولا متنين و مش مظبوطين وبص على علبه الشاسيه اللي تحت علبه الدركسيون عشان ممكن تكون في شروخ حواليها تمام بعد كده اركب العربيه واسمع صوت الكرونه عالي ولا كويس وامشي بالعربيه وشوف الغيارات سلسه وناعمه معاك ولا لأ وهل العربيه بترج معاك في الاول والتاني ولا لا , ومدام هيا 2000 يبقى فيها بور (والله اعلم) لف الدركسيون يمين وشمال وشوف هل في زنه وانته بتلف الدركسيون ولا لا لو في يبقى في مشكله في علبه البور تمنها اخر مره سألت (400 جنيه) استيراد اه شوف خرطوم الفايز راكب في عمه الموتور ولا لا عشان ده اللي هيبينلك اذا كان الموتور خفيف ولا تمام لو الموتور خفيف هتلاقي بخره زيت طالعه من الفايز بتاع الموتور وعشان كده هتلاقيه مفصوله عن العمه بتاعه الكربراتير , روح اكشف على حاله العفشه كلها سوست ومساعدين وبارات دركسيون وبيض وكل الكلام ده و متنساش تبص على الجنوط هل كويسه ولا فيها مشاكل وحاله الكوتش ايه هل جديد ولا هتجيب انته كوتش تاني وحاله الصالون كويسه ولا ايه
معلش انا طولت عليك بس الحاجات اللي قولتلك عليها دي هتكلفك تمن العربيه تاني لو مش تمام وهتخسر فلوسك
اسعار بعض قطع الغيار
كربراتير استيراد 400 جنيه
مارش استيراد 150 جنيه
دينامو 150
رمان بلي للعجل ايطالي 25 جنيه للبليه
كبوت امامي استيراد 1300 جنيه عشان كده خد بالك من الكبوت وانته بتشتري العربيه دي لانو غالي جدا
فلانشه عمود كردان 50 جنيه ايطالي و 35 جنيه تركي
مستر خلفي 25 جنيه ايطالي وماستر امامي 130 جنيه برضو ايطالي
طنابير خلفيه مش فاكر تقريبا الطنبوره تمنها 150
طقم جنوط استيراد حالته نضيفه وفابريكه 800 جنيه
طقم ابواب كامل بالفرش 1500 جنيه
الكرونه دي بقى مش عارفلها سعر ناس تقول 1500 وناس 2000 وناس 800
فوانيس كشافات اماميه الفانوس الهندي ب 18 جنيه والشبكه الاماميه ب 50 جنيه
اه صحيح في حاجه اسمها المشط بتاعه الاسبراتير الالكتروني دي تمنها 150 جنيه
علبه البوار 400 جنيه
طقم دبرياج تركي ب 350 جنيه
الركبه تمنها 20 جنيه
وتتفاوت الاسعار من مكان لاخر
ولاخر مره باكد عليك اتأكد ان الشاسيه تمام ده اهم حاجه في العربيه لو علب الشاسيه فيها حاجه حتكرهك في العربيه والليوم اللي جبتها فيه
وبالنسبه لسعر العربيه معرفش كام والله بس ان شاء الله ربنا يكرمك بحاجه تمام

[keko]

العربية دى شفت منها حاجات من 7000 لحد 17000 حسب الحالة اهم حاجة تكون الدواخل والاساسيات سليمة وطالما انت ماكش خبرة ابعد عن اى شغل سمكرة ودوكو وعموما اغلى حاجة فى العربية دى موتورها بيوصل 4500 لل1600 وعرفش ال2000 بكام لذلك اكشف عليه كويس قوى والصاج لو جديد هايكون ارخص من الاستيراد وغفشتها و فوانيسها والكلام ده ببلاش وكرونتها ارخص من 131 يعنى ممكن من 500 ل 1000

[ainshouka]

اهم حاجه عندك الشاسيه بص على الشاسيه قدام وعلى فرد الشاسيه , فرد الشاسيه قدام فيها ثلاث دوائر شوفهم تمام ولا متنين و مش مظبوطين وبص على علبه الشاسيه اللي تحت علبه الدركسيون عشان ممكن تكون في شروخ حواليها تمام بعد كده اركب العربيه واسمع صوت الكرونه عالي ولا كويس وامشي بالعربيه وشوف الغيارات سلسه وناعمه معاك ولا لأ وهل العربيه بترج معاك في الاول والتاني ولا لا , ومدام هيا 2000 يبقى فيها بور (والله اعلم) لف الدركسيون يمين وشمال وشوف هل في زنه وانته بتلف الدركسيون ولا لا لو في يبقى في مشكله في علبه البور تمنها اخر مره سألت (400 جنيه) استيراد اه شوف خرطوم الفايز راكب في عمه الموتور ولا لا عشان ده اللي هيبينلك اذا كان الموتور خفيف ولا تمام لو الموتور خفيف هتلاقي بخره زيت طالعه من الفايز بتاع الموتور وعشان كده هتلاقيه مفصوله عن العمه بتاعه الكربراتير , روح اكشف على حاله العفشه كلها سوست ومساعدين وبارات دركسيون وبيض وكل الكلام ده و متنساش تبص على الجنوط هل كويسه ولا فيها مشاكل وحاله الكوتش ايه هل جديد ولا هتجيب انته كوتش تاني وحاله الصالون كويسه ولا ايه
معلش انا طولت عليك بس الحاجات اللي قولتلك عليها دي هتكلفك تمن العربيه تاني لو مش تمام وهتخسر فلوسك
اسعار بعض قطع الغيار
كربراتير استيراد 400 جنيه
مارش استيراد 150 جنيه
دينامو 150
رمان بلي للعجل ايطالي 25 جنيه للبليه
كبوت امامي استيراد 1300 جنيه عشان كده خد بالك من الكبوت وانته بتشتري العربيه دي لانو غالي جدا
فلانشه عمود كردان 50 جنيه ايطالي و 35 جنيه تركي
مستر خلفي 25 جنيه ايطالي وماستر امامي 130 جنيه برضو ايطالي
طنابير خلفيه مش فاكر تقريبا الطنبوره تمنها 150
طقم جنوط استيراد حالته نضيفه وفابريكه 800 جنيه
طقم ابواب كامل بالفرش 1500 جنيه
الكرونه دي بقى مش عارفلها سعر ناس تقول 1500 وناس 2000 وناس 800
فوانيس كشافات اماميه الفانوس الهندي ب 18 جنيه والشبكه الاماميه ب 50 جنيه
اه صحيح في حاجه اسمها المشط بتاعه الاسبراتير الالكتروني دي تمنها 150 جنيه
علبه البوار 400 جنيه
طقم دبرياج تركي ب 350 جنيه
الركبه تمنها 20 جنيه
وتتفاوت الاسعار من مكان لاخر
ولاخر مره باكد عليك اتأكد ان الشاسيه تمام ده اهم حاجه في العربيه لو علب الشاسيه فيها حاجه حتكرهك في العربيه والليوم اللي جبتها فيه
وبالنسبه لسعر العربيه معرفش كام والله بس ان شاء الله ربنا يكرمك بحاجه تمام

حضرتك لقيت الباور عند مين لانى دايخ عليه ومش لاقيه

[mammam]

جزاكم الله خير مش عارف أشكركم ازاي بصراحة انتوا شرحتو باستفاضة ووضحتو كل حاجة تقريباً شكراً لكل الأخوة الأفاضل اللي ردو وأفادوني فعلاً وبإذن الله أنا هكتب كل الكلام ده على شكل برشامة صغيرة كده على طريقة الطلبة في الامتحان وأروح أشوف العربية وأحاول أشوف الحاجات اللي قلتو عليها ولو عجبتني مبدئياً كشكل عام للعربية إن شاء الله هخلي عمي يكشف عليها هو سمكري سيارات خبرة لكن مش عارف هل الشاسيه والحاجات دي المفروض يشوفها سمكري ولا عفشجي وطبعاً هستعين بميكانيكي كويس يشوف موضوع الموتور وربنا ييسر الحال
لكن سؤال أخير هل الـ 132/2000 كويسة بالنسبة لواحد مبتدئ زي حالاتي ولا أعطالها كتير وممكن تكرهني في العربيات أصلاً أنا عن نفسي بحب العربية دي بس مش عارف عنها حاجة وطلب أخير كمان لو فيها رخامة مني يا ريت تقولولي رأيكم ايه في حكاية الغاز هل فعلاً هيحل مشكلة البنزين لأني قلقان من حكاية استهلاك البنزين على ما بسمع من الناس
أنا بكرر شكري وآسف جداً على الإطالة لأني مش بعرف أختصر بصراحة

[keko]

الغاز هيكون نص تكلفة البنزين

[mohamed_e36]

حضرتك لقيت الباور عند مين لانى دايخ عليه ومش لاقيه

اخر مره كنت في شارع شمبليون ونازل وناوي اغير علبه الباور بتلاقي وانته ماشي ناس عماله تنده عليك عشان نصلح عندهم كل اما اخش لواحد يقولي هنركبلك بور الشيروكي ابو150 جنيه المهم فضلت رافض لغايه ما قبلت واحد قلي هجيبهولك ب 400 جنيه بصراحه الفلوس ساعتها مكملتش معايا وروحت تاني وسالت ميكانيكيا قالولي في فعزبه شلبي

[ainshouka]

اخر مره كنت في شارع شمبليون ونازل وناوي اغير علبه الباور بتلاقي وانته ماشي ناس عماله تنده عليك عشان نصلح عندهم كل اما اخش لواحد يقولي هنركبلك بور الشيروكي ابو150 جنيه المهم فضلت رافض لغايه ما قبلت واحد قلي هجيبهولك ب 400 جنيه بصراحه الفلوس ساعتها مكملتش معايا وروحت تاني وسالت ميكانيكيا قالولي في فعزبه شلبي

متشكر لحضرتك

[mammam]

الغاز هيكون نص تكلفة البنزين

يعني الغاز عملي ومش هيأثر على الموتور ويضعف العربية اللي هي مميزة أصلاً بقوة موتورها وعلى فكرة يا جماعة أنا مش مصمم قوي على 132 يعني لو في أي اقتراحات تانية أنسب وكويسه في حدود 15 ألف بس ما تتعبنيش يا ريت تقولو بس 15 مش أكتر لأني مش مستعد أزود حاجة في الوقت الحالي
أنا آسف على أسئلتي الكتير وجزاكم الله خير

[mohamed_e36]

طيب متشوف ال 131 شوفلك واحده 1600 وتبقى ريحت دماغك من موضوع البنزين بتاع ال2000 وال 131 مساكه نفسيها في البيع

[mammam]

طيب متشوف ال 131 شوفلك واحده 1600 وتبقى ريحت دماغك من موضوع البنزين بتاع ال2000 وال 131 مساكه نفسيها في البيع

يا ريت الـ 31 حلوة برضو والريجاتا كمان ممتازة بس أعتقد على حسب علمي إن الـ 15 مش هيجيبو حاجة نظيفة الحاجات دي على ما بسمع بتبدأ من ال20 وانت طالع إلا إذا كانت أسعارهم نزلت دلوقتي بصراحة أنا مش عارف أرجو الإفادة

[ahmed79]

انا قعدت العربيه ديت معايا 7 سنين حفض المسمار هى عربيه الله الوكيل حماله اسيه اى حد بيصلحها بس الشرط الاساسى ان العربيه تكون سليمه لو سليمه وحبيت تصلح فيها حاجه هتظبط معاك هى فيها مشكله ان قطع غيار الاستيراد بتعتها غليه سعرها كده حلو مش هتلاقى السعر ده بس شرط الحاله بخصوص البنزين متغيرش غاز خليك بنزين واشتغل 80 انا كانت عربيتى الكربرتير مظبوط كانت بتعمل معايا حوالى 190 فى الصفيحه على الطريق السريع ولو مبتعرفش فيهم خلى حد يشفلك العربيه كويس واتفرج بانهار ولو فيها شويه برومه امرها سهل طول مهى بعيد عن الاساسيات

[mohamed9999]

طيب لو لسه مبتدىء ما تجبلك سوزوكى ماروتى حلوه و صغيره اتعلم عليها برحتك و بعدين بعها