عايزين مقابلة

[الغزالى]

ماشي لو رسيتو عليه شغال بس هاحتاج وصف المكان عشان اعرف أوصل

بس أنا أفضل المقابلة تبقي في مكان واسع و مش زحمة عشان ممكن نعمل صورة جامدة للعربيات و يكون فيها كل موديلات و الوان الفيات

بالنسبة لوصف المكان بما انك من اكتوبر فايكون قريب ليك ان شاء الله ,,, بص حضرتك هاتخش ميدان سفنكس من عند سور نادى الزمالك ,,, وبعدين هتلاقى الطريق بيلف اجبارى زى ما اكيد حضرتك عارف ,,,, تمام انت هاتلف معاه وهتلف اول صنيه تقابلها,,, هاتمشى هتلاقى طلعه لكوبرى اكتوبر متطلعهاش تكمل كمان شويه هتلاقى طلعه التانيه برضو متطلعهاش ونسيت اقولك هتلاقى يافطة كبيرة متعلقه مكتوب عليها امبابه والعجوزة هاتمشى تحتيها هاتكمل هتلاقى مسرح البالون على يمينك هتلاقى الطريق بيلف هتلف معاه وتمشى هتلاقى المعهد البريطانى على يمينك هتكمل وتلف اول صنيه وترجع تانى وهتكمل على طول على الكت كات بس ,,, اكتر من كدة مش فاكر ,, بس انت ممكن تسئل انهى دخله عشان انا كنت من يوكو المرة ال فاتت ,,و
-------------------------------------------
انا عارف وصفى غبى شويتين ,,, بس ان شاء الله ممكن حل تانى اشوف هما هايرسوا على ايه ويوم ايه وانا كدة كدة لو هاجى بالعربية هامشى الطريق دة فا ممكن اقبلك ونمشى ورا بعض

[yoko]

معجبنيش أكل البرينس أخر مرة بس لو الأغلبيه عايزاه مفيش مشاكل

[khalid_adel]

هو البرنس يا برنس

[Mustafa_Farouk]

معجبنيش أكل البرينس أخر مرة بس لو الأغلبيه عايزاه مفيش مشاكل

same answer and i prefer go to another place instead of el-prince, really it wasnt that good

[CryptonX]

لا مؤاخذة .. اي حد مش راكب فيات متكلمش اصلا ...

:p

[moh.aboelkheir]

طب ما نروح ناكل في فرح المهندسين ... اكله حلو و في اللذيذ :)

[yoko]

ممكن كباب وكفته في عمارات العبور الحرس الجمهوري وأصغارهم كويسه جدا (أرخص من أي حد بره)
وأكلهم حلو جدا

[wael17]

انا عارف وصفى غبى شويتين ,,, بس ان شاء الله ممكن حل تانى اشوف هما هايرسوا على ايه ويوم ايه وانا كدة كدة لو هاجى بالعربية هامشى الطريق دة فا ممكن اقبلك ونمشى ورا بعض

يا باشا الوصف زي الفل و انا بامشي زي ما بتقول بس بادخل يمين ناحية العجوزة و عارف ان امبابة شمال ناحية الكيت كات بس فين في امبابة؟ عشان انا عارف امبابة كبيرة و اخر مرة رحتها و انا عندي 10 سنين

و زي ما قلت يا ريت يكون المكان في حتة واسعة و بعيدة عن الزحمة

[moh.aboelkheir]

ممكن كباب وكفته في عمارات العبور الحرس الجمهوري وأصغارهم كويسه جدا (أرخص من أي حد بره)
وأكلهم حلو جدا

خش عليا بالكباب :) ... بس عايزين نعمله في مكان محايد لبتوع شرق القاهره و غرب القاهره ... منشوف حاجه في المعادي ؟؟ !

[yoko]

خش عليا بالكباب :) ... بس عايزين نعمله في مكان محايد لبتوع شرق القاهره و غرب القاهره ... منشوف حاجه في المعادي ؟؟ !

المعادي يا مفتري أنا بدب المشوار ده كل يوم مش ناقصة في الأجازة كمان
وعمارات العبور مكان محايد خصوصا إني عايز أربط العفشة وأظبط الكاوتش والزوايا

[moh.aboelkheir]

المعادي يا مفتري أنا بدب المشوار ده كل يوم مش ناقصة في الأجازة كمان
وعمارات العبور مكان محايد خصوصا إني عايز أربط العفشة وأظبط الكاوتش والزوايا:oc_sun1[1]:

موافق و بالمره ازبط العفشه و الزوايا معاك .... مش كانت ب 30 جندي برده ؟؟

[damasry]

بقى يا يوكو انت ومصطفى الاكل معجبكوش؟؟؟؟

اجيبلكم شنورى بقى هو يعرف يتصرف معاكم

واضح انكم عايزين كورس مكثف فى السيدة عند حبايب او بحة

طبعا الذهاب للبرنس للاكل فقط وبعدين نقدر نتجمع فى اى مكان فاضى ونتصور فيه براحتنا


على العموم ده كان مجرد رأى لكن رأى الاغلبية هو اللى يمشى

[ahmedbasto]

ياريت يا جماعة ان شاء الله نحاول نخلى الميعاد بدرى عاشان السفر انتم عارقين

[Medo.Malek]

خش عليا بالكباب :) ... بس عايزين نعمله في مكان محايد لبتوع شرق
القاهره و غرب القاهره ... منشوف حاجه في المعادي ؟؟ !

طب و اللى خارج القاهرة يا دكترة ؟

[Medo.Malek]

موافق و بالمره ازبط العفشه و الزوايا معاك .... مش كانت ب 30 جندي برده ؟؟

و انا كمان عايز اعمل الليلة دى يا رب الوالد يرضى يديلى العربية بس و يروح الشغل مواصلات