سقف اللينيا اتطبق

[MNabeih]

السلام عليكم و رحمة الله و بركاته,

صبحت الصبح لقيت سقف العربية زي ما يكون جاموسة طلعت عليه و مطبق من قدام ناحية البربريز و ما احلي الاصطباحة,

فتحت العربة و اديتله بوكس اتعدل بس للاسف لسة فيه شوية انبعاج (مموج) و معكنني اوي , الحمد لله

حد عندة طريقة عشان يتعدل تماما واللا لازم سمكري

تحياتي.

[yoko]

والله ما أعرفلها حل وده اكيد كلب نام عليها

[MNabeih]

والله ما أعرفلها حل وده اكيد كلب نام عليها

بس لو كلب يطبق السقف كدة, انا بقول ممكن يكون حد رمي كيس زبالة واللا حاجة من فوق.

طب السمكري هايبقي محتاج يشيل فرش السقف عشان يعمله؟؟؟

[yoko]

معرفش ممكن تسأل العقيد خالد أوكريم منير

[M!SHO]

ممكن تتعمل بجهاز الشفط طالما فى السقف

ولو السمكرى معندوش الجهاز لازم يفك فرش السقف

[MNabeih]

ممكن تتعمل بجهاز الشفط طالما فى السقف

ولو السمكرى معندوش الجهاز لازم يفك فرش السقف

تمام هادور علي سمكري عندة مكنة شفط.

شكرا.

[Medo.Malek]

قدر الله ما شاء فعل
متذعلش يا محمد و قول الحمدلله
ان شاء الله بسيطة و تتصلح بسهولة :)

[الغزالى]

تمام هادور علي سمكري عندة مكنة شفط.

شكرا.

طيب بص حاول تخبطها بأيدك تانى وهيا هاتتعدل ان شاء الله ,,, وبرضو شوف حد عنده مكنه شفط جنبك ملقتش قولى بيقولو فى واحد فى باسوس ( لو تعرفها ) عنده الجهاز دة لو كدة انا ممكن اروح اسئلهولك وتيجى تعملها

[damasry]

روح لكريم منير يا محمد فى الحرفيين وهو ان شاء الله يدلك على واحد عنده مكنة الشفط ان شاء الله

هو غالبا كلب وممكن يكون كان بيتمطع ولا حاجة :):)

[MNabeih]

ان شاء الله هاقابله الاربع عشان هاخد منه اليكتريك و هابقي اقوله,

شكرا يا باشا