السيارة الريتمو

[ramygo]

أولا أنا كنت حابب أسأل رأيكم فى السيارة الريتمو و حدود سعرها كام موديل بعد 1985 وحابب ااسأل العربية دى ممكن تستحمل انزل بيها كل شهرين مشوار طنطا شرم حوالى 700 كيلو ولا ماتستحملش ويركبلها تكييف ولا مايركبش

-
-
-
انا فى إنتظار ردودكم أفيدونى أرجوكم .............



أنت مستنى
.....

[ramygo]

ياااااااااااااااة للدرجة دى محدش يعرف عنها حاجة خالص

[sab3aawy]

الريتمو تتميز ان الموتور والآت الجر والعفشة بتاعتها هى نفسها الخاصة بالريجاتا وتشترك فى الكثير جدا من اجزاءها مع ال 128 واللانشيا والتمبرا، وده بيخلق سهولة شديدة فى التعامل مع الميكانيكا بتاعتها،
مشكلتها الحقيقية فى الأجزاء الخارجية، لو احجت رفرف او باب او زجاج ممكن تلاقى بعد ما يطلع عينك وممكن متلاقيش خالص
اى عربية فى الدنيا ممكن تسافر اى مشوار بالشروط الآتية:
1- مبتسخنش
2- مبتسخنش
3- مبتسخنش
4- الاطارات بحالة فوق الجيدة
5- الفرامل بحالة فوق الجيدة
6- العفشة بحالة فوق الجيدة
7-المحرك بحالة جيدة ولا تصدر منه اصوات غير طبيعية على اى سرعة
8- طرمبة البنزين وفلتر وخراطيم البنزين بحالة جيدة
9- دائرة الاشعال بحالة جيدة
10-مارش ودينامو وبطارية بحالة جيدة
11- جميع اجزاء دورة التبريد (طرمبة-ردياتير-خراطيم ) بحالة جيدة
11- الجير بوكس بحالة جيدة ولا توجد به ونة ولا عضة
12- الضفيرة والأجزاء الكهربية بحالة جيدة ومتراجع عليها قطعة قطعة
13- كبالن بحالة جيدة ومش بتطقطق
13-المساحات ورشاشات الزجاج بحالة جيدة
14- وجود شنطة عدة تحوى مجموعات العدة الأساسية معك(طقم مفاتيح بلدى عادة مشرشر-طقم مفكات-زرادية وقصافة-شريط شيكرتون- لاصق امير، لحام ايبوكسى انبوبتين او عجينة- طقم ألانكيه- مفاتيح بيبة 8 و 10 و 13- مفتاح بوجيهات مناسب لمقاس بوجيهاتك- سلك كهرباء- مجموعة شرائط تاى راب)
15-وجود بعض قطع الغيار ولو مستعملة( سير دينامو- بوجيهات- ابلاتين وكوندنسر- سلك اكسراتير- سلك دبرياج)
16- وجود بعض الخبرة الميكانيكية لديك
17- الاحتفاظ بكابل توصيل من بطارية لبطارية ووواير جر فى السيارة

ربما احب ان اضيف ان مافيش عربية موديل 1985 هتشتريها وتقدر تسافر بيها بكرة الصبح، لازم هتصرف عليها مبلغ علشان تراجع على كل ما سبق وتصلح التالف منه، يعنى اعمل حسابك على 3000 الى 5000 جنيه فوق تمن العربية علشان تخليها مؤهلة للسفر مهما كانت حالتها نضيفة
فى تصورى( قياسا على مثيلاتها وليس عن معلومات مؤكدة بشأن الريتمو) انها تسوى فى حدود 15 ألأف لو نضيفة
وبرضه فى رأييى الشخصى ان ال 128 اختيار آءمن للسفر، نظرا لتوافر كل قطع غيارها وسهولة شدها، صيحي ان الريتمو شكلها احسن وتدى ايحاء انها اكثر تحملا لكن الواقع بيقول ان لما بنبص على عربيات عمرها اكثر من 25 سنة الفيصل هو توافر قطع الغيار وسهولة اعادة السيارة لحالتها الأصلية ، طبعا ده مجرد رأى شخصى وربنا يوفقك لما فيه الخير

[ramygo]

بجد أنا متشكر على ردك بس 128 تستحمل مشوار السفر دة وممكن يركبلها تكييف ولا ماتستحملش

[ahmdmagdy]

الريتمو تتميز ان الموتور والآت الجر والعفشة بتاعتها هى نفسها الخاصة بالريجاتا وتشترك فى الكثير جدا من اجزاءها مع ال 128 واللانشيا والتمبرا، وده بيخلق سهولة شديدة فى التعامل مع الميكانيكا بتاعتها،
مشكلتها الحقيقية فى الأجزاء الخارجية، لو احجت رفرف او باب او زجاج ممكن تلاقى بعد ما يطلع عينك وممكن متلاقيش خالص
اى عربية فى الدنيا ممكن تسافر اى مشوار بالشروط الآتية:
1- مبتسخنش
2- مبتسخنش
3- مبتسخنش
4- الاطارات بحالة فوق الجيدة
5- الفرامل بحالة فوق الجيدة
6- العفشة بحالة فوق الجيدة
7-المحرك بحالة جيدة ولا تصدر منه اصوات غير طبيعية على اى سرعة
8- طرمبة البنزين وفلتر وخراطيم البنزين بحالة جيدة
9- دائرة الاشعال بحالة جيدة
10-مارش ودينامو وبطارية بحالة جيدة
11- جميع اجزاء دورة التبريد (طرمبة-ردياتير-خراطيم ) بحالة جيدة
11- الجير بوكس بحالة جيدة ولا توجد به ونة ولا عضة
12- الضفيرة والأجزاء الكهربية بحالة جيدة ومتراجع عليها قطعة قطعة
13- كبالن بحالة جيدة ومش بتطقطق
13-المساحات ورشاشات الزجاج بحالة جيدة
14- وجود شنطة عدة تحوى مجموعات العدة الأساسية معك(طقم مفاتيح بلدى عادة مشرشر-طقم مفكات-زرادية وقصافة-شريط شيكرتون- لاصق امير، لحام ايبوكسى انبوبتين او عجينة- طقم ألانكيه- مفاتيح بيبة 8 و 10 و 13- مفتاح بوجيهات مناسب لمقاس بوجيهاتك- سلك كهرباء- مجموعة شرائط تاى راب)
15-وجود بعض قطع الغيار ولو مستعملة( سير دينامو- بوجيهات- ابلاتين وكوندنسر- سلك اكسراتير- سلك دبرياج)
16- وجود بعض الخبرة الميكانيكية لديك
17- الاحتفاظ بكابل توصيل من بطارية لبطارية ووواير جر فى السيارة

ربما احب ان اضيف ان مافيش عربية موديل 1985 هتشتريها وتقدر تسافر بيها بكرة الصبح، لازم هتصرف عليها مبلغ علشان تراجع على كل ما سبق وتصلح التالف منه، يعنى اعمل حسابك على 3000 الى 5000 جنيه فوق تمن العربية علشان تخليها مؤهلة للسفر مهما كانت حالتها نضيفة
فى تصورى( قياسا على مثيلاتها وليس عن معلومات مؤكدة بشأن الريتمو) انها تسوى فى حدود 15 ألأف لو نضيفة
وبرضه فى رأييى الشخصى ان ال 128 اختيار آءمن للسفر، نظرا لتوافر كل قطع غيارها وسهولة شدها، صيحي ان الريتمو شكلها احسن وتدى ايحاء انها اكثر تحملا لكن الواقع بيقول ان لما بنبص على عربيات عمرها اكثر من 25 سنة الفيصل هو توافر قطع الغيار وسهولة اعادة السيارة لحالتها الأصلية ، طبعا ده مجرد رأى شخصى وربنا يوفقك لما فيه الخير

استاذ و رئيس قسم تحيه مني ليك يا استاذ سبعاوي

[mohamed2002]

بجد أنا متشكر على ردك بس 128 تستحمل مشوار السفر دة وممكن يركبلها تكييف ولا ماتستحملش

أنت كمان عاوز تركب لها تكييف لا كدة كتير عليها اوي

[sab3aawy]

بجد أنا متشكر على ردك بس 128 تستحمل مشوار السفر دة وممكن يركبلها تكييف ولا ماتستحملش

ال 128 تستحمل أبو المشوار دة لو توافرت فيها الشروط أعلاه واهمها عدم السخونة، قد يكون من المجدى انك تركب لها زرار لتشغيل مروحة الردياتير يدويا وانك تشيل معاك مروحة ردياتير احتياطية(هى كلها ب 150 جنيه ) وتتعلم تغيرها( مربوطة ب 4 مسامير وبتتفك وتتركب فى 10 دقائق، وده برضه للضرورة القصوى

بالنسبة لمسألة التكييف ممكن تركبه على ال 128 ال 1300، هى موتورها حوالى 65 حصان وده معقول اوى على وزنها وبالتالى يستحمل تكييف، ممكن تركب لها كباس ساندن 505 وده مش هيحمل خالص على الموتور بس تبريده هيكون قليل، أو تركب لها كباس ساندن 507 وده تبريده ممتاز بس بيحمل شوية على الموتور وفى الحالتين بيتم تركيب وحدة تكييف تحت التابلوه وليس فىالتابلوه ، والسربنتينة بتركب جنب الردياتير فى مقدمة السيارة ويتم فتح فتحة تهوية لها فى صدر السيارة لأنه مقفول فى الحتة دى
ال128 ال 1300 الكويسة موديلات 1988 الى 1992 بتعمل فى حدود ال 20 ألف