هام جدا جدا لخبراء الدوجان والفيات عموما وفى انتظار الرد

[pher3oo]

السلام عليكم ورحمة الله وبركاته
انا يا جماعه معروضه عليا عربيه دوجان موديل 1993 1600 سى سى وهى بصراحه كانت تاكس وصاحبها اشترى عربيه جديده وهينقل اللوحات الاجرة عليها ويقلب الدوجان ملاكى ويقفل الملف الاجرة ويدينى شهادة بيانات وانا اروح اسجل العربيه باسمى (يعنى مصاريف التسجيل عليا ) وهى العربيه حالتها مش بطاله بس بيتهيالى هاتحتاج شويه مصاريف على ماتطظبط من كهربا وماكينه وسمكرة ورش والذى منه يعنى محتاجه شغل من الاكصدام للاكصدام بس الاساسيات كلها الحمد لله سليمه من حوض وشنطة ودواخل فبريكا كلها ياترى ممكن تقولولى دى تسوى كام على حالتها كده واكون شاكر جدا جدا ليكم وعلى فكره هو مركب موتور جديد بالفتيس بتاعه من كام شهر (موتور استيراد ) ومثبوت على الرخصه وانا اسف على الاطاله وفى انتظار الرد

[smsm_nabawy]

متكملش 30 ألف .. والي يشفعلها و يخلي سعرها "عالي" كده .. هو أنه لسه حاطط فتيس و موتور بس !!!

غير كده العربية دي سعرها قليل .. خاصةً أنها محتاجة ششـــــــــــــــــــــــــــــــغــــــــــــــــ ــــــــــــــــل !!!!!

ده لسه أنت حتحاج تبص على العفشة و البيضات .. ورا و قدام !!! و مساعدين و بتاع

متنساش دي كانت تاكسي .. يعني عفشتها تقريباً بح !!!

حتى لو هو قالك انا مجددلها حاجات .. اسأله أيه هيا الي مجددها .. و جاب الجديد ده .. استراد ولا استعمال محلي ولا جدديييد نوفي !!! و أكشف برده !! :)

[keko]

بص عن تجربة العربيات اللى كانت تاكسى بتكون مهلوكة جدا جدا جدا يعنى الشهر شغل بسنة ملاكى وان كنت مش ضد شرائها لو كانت اساسيات الصاج سليمة جدا بس فى الحالة دى بيكون سعرها فى الارض يعنى انا اشتريت عربية قبل كده من غير ما اعرف وطلعت كانت تاكسى بدون مبالغة كل حاجة بايظة من اول ولاعة العربية لحد الموتور ولما فهمت بعد كده عرفت انها بتتباع ارخص كتييييييييييير من اللى اصلا ملاكى يعنى لو اقولك ان اللادا 1200 على سبيل المثال سعرها ملاكى من 8000 ل 12000 لو كانت تاكسى سعرها من 3000 ل 7000 قيس على كده ولو اشتريتها تعمل حسابك انك هاتغير موتور وعفشة وكهرباء وكل حاجة احسبها وشوف ينفع تدفع كام

[pher3oo]

يا جماعه والله انا متشكر جدا على الرد والاهتمام بس يعنى لو خلصت على 21000 تبقى كويسه ولا ايه مع العلم ان حالتها العامه ليست سيئه والاساسيات سليمه تمام ود\ى اهم حاجه فيها

[ahmed79]

يا جماعه والله انا متشكر جدا على الرد والاهتمام بس يعنى لو خلصت على 21000 تبقى كويسه ولا ايه مع العلم ان حالتها العامه ليست سيئه والاساسيات سليمه تمام ود\ى اهم حاجه فيها

بص السعر مش وحش بس قبل متشترى احسب هتصرف عليها كام وشوف اختها الى متحتجش مصريف بكام وقارن متنساش ان عربيتك هتحتاج شغل جامد فلو مش عندك صبر هتتعب جامد

[smsm_nabawy]

اوحش حاجة في العربية دي بالسعر ده.. أنها لسه محتاجة مصاريف والله !! ... و كمان حتطلع عينك معاها .. "ده الطبيعي مع أي مستعمل.. مابالك كانت تاكسي !!!!!!!"

المهم أصبر معاها .. و أعمل حسابك .. العفشة مش حتعمر معاك اوي .. و طالما حالة الشاسيه كويسه .. يبقى تمام ..

قيس كبس الماتور !! و سوقها و شوف أيه نظام استجابة الجير.. بيعلق ؟؟؟ بينعر ... كده !! يبقى الجير مش أوي

و كبس الموتور لما تقيسه .. حيحددلك حالة الموتور !!
لو الاتنين دول سلام .. مع سلامة الشاسيه "أتأأأأأأكككككككد من الشاسيه ،، مش راشة دواخل ولا خوارج ... ولا مغير تلت أو نص .. "
كده يبقا مصاريفك جتكون على عفشة و كاوتش و زيوت و سيور كهربا ... و بكده .. تخلص على 20 ألف .. و تكون كويسة جددداً...

لكن لو في حاجة في الشاسيه .. أو الماتور .. يبقى منصحكش أصلاً.. الفلوس دي تدفعها في عربية تانية

ده كان اولاً ...

أما ثانياً... يا أخي في الله ,,, أنت تأمرنا و كلنا هنا بنساعد بعض .. متكنش متشكر ولا حاجة !! ربنا يوفقك أن شاء الله في موضوعك ده :)

تحياتي :)

[keko]

بص السعر مش وحش بس قبل متشترى احسب هتصرف عليها كام وشوف اختها الى متحتجش مصريف بكام وقارن متنساش ان عربيتك هتحتاج شغل جامد فلو مش عندك صبر هتتعب جامد

بصراحة انا مش متابع الشاهين والدوجان قوى انما احب اقولك انك تبص كويس جدا على شوية حاجات وتشوف محتاجة كام وسعر العربية نضيفة كام وتخصم المصاريف + وقتك ووجع دماغك من السعر وتشوف الكلام ده يساوى السعر المعروض ولا لا

حاجة مهمة جدا قبل ما تجرب العربية تغير لها زيت كرونة فى البنزينة لان ساعات بيكونوا حاطين زيت تقيل واغلب التاكسى بيكون فيه مشاكل كرونة دى مهمة جدا كرونتها وصلت 2000 جنيه
الفتيس بتاعها سعره 1300 ج تكشف عليه كويس برضه
الموتور سعره 2000/2500 تشوف حالته ايه
العفشة مش قصة كبيرة بس برضه تكشف عليها وتشوف هاتحتاج كام
حالة الكاوتش ايه الفردة ب 250ج
كدا كدا كام شهر وهاتعوز بطارية جديدة انما دى بسيطة 300ج
وطبعا كل حاجة ليها مصنعيات

انا مش بعقدك بس عايزك تكون صاحى لاى مصروف من قبل ما تشتريها علشان ما تتفاجاش بعد كده وعن نفسى مش شايف انها حاجة وحشة بالعكس لو السعر + المصاريف اقل او يساوى سعرها تكون استفدت بانك اسست العربية على ايدك وفاهم كل حاجة

[pher3oo]

والله بجد انا سعيد ردودكم وربنا يقدم اللى فيه الخير وانشاءالله العربيه تكون كويسه
بصوا بقى انا وجهة نظرى ان انا علشان اشترى النهارده دوجان مش هاتكون اقل من 25 وممكن تصرف عليها كمان اتنين تلاته يعنى هاتوصل ل 27 مثلا لكن انا لو صرفت عليها لحد ال 27 دول وهاتكون كل حاجه فيها جديده على ايدك من الاكصدام للاكصدام يعنى مثلا ( مارش و دينامو و بطارية وموتور يتظبط من بيكات وغيرة وسيور تتغير كاتينه ودينامو وغيرة والكهربا من اول الضفيرة المهم فى الاخر ان كل دول هايكونو جداد ومع العلم ان الاساسيات سليمه ودا المهم وهى دى وجهة نظرى فى الموضوع دا هى متعبه شوية اه من الشغل مع الصنيعيه بس فى الاخر انشاء الله هاتلاقى حاجه سليمه

[smsm_nabawy]

ربنا يوفقققك يا رب :))

[keko]

والله بجد انا سعيد ردودكم وربنا يقدم اللى فيه الخير وانشاءالله العربيه تكون كويسه
بصوا بقى انا وجهة نظرى ان انا علشان اشترى النهارده دوجان مش هاتكون اقل من 25 وممكن تصرف عليها كمان اتنين تلاته يعنى هاتوصل ل 27 مثلا لكن انا لو صرفت عليها لحد ال 27 دول وهاتكون كل حاجه فيها جديده على ايدك من الاكصدام للاكصدام يعنى مثلا ( مارش و دينامو و بطارية وموتور يتظبط من بيكات وغيرة وسيور تتغير كاتينه ودينامو وغيرة والكهربا من اول الضفيرة المهم فى الاخر ان كل دول هايكونو جداد ومع العلم ان الاساسيات سليمه ودا المهم وهى دى وجهة نظرى فى الموضوع دا هى متعبه شوية اه من الشغل مع الصنيعيه بس فى الاخر ان شاء الله هاتلاقى حاجه سليمه

انا مع وجهة نظرك جدا والله (فقط فى حالة ان الصاج والاساسيات والدواخل سليمة) انما عايزك تخلى الموضوع بالورقة والقلم
الدوجان حالة جيدة = ##
الدوجان اللى قدامك + كل المصاريف المطلوبة = ##
لو نفس السعر او اقل يبقى مية مية انا بصراحة معرفش اسعارها فى السوق بس اعتقد السعر كويس بعد المصاريف

[keko]

بص على الاعلان ده كده :
شاهين
شاهين 1995


20000 ج


1500 سى سى | 0كم


العربية فبريكا اللون رمادى ماتور خفيف شوية عايز شمنبر



+ بيانات المالك أضيف فى : 8 ابريل

• 
• tarek
• 129006463 - 129006463

لقيته وانا ع النت

[pher3oo]

طيب ماهى نفس السعر + ان العربيه اللى بحكيلكو عنها دى مع واحد قريبى من اول ماشتراها على الزيرو يعنى لعملت حادثه ولا فيها حاجه مخفيه عنى لكن ماتضمنش عربيه زى اللى فى الاعلان دى تكون فيها ايه وعموما برضه هو فى الاول والاخر نصيب وربنا يستر ويكرمنا فيها يارب وتعوض عليا التمبرا اللى لسه بايعها

[smsm_nabawy]

1500 سي سي ؟؟؟؟؟

غريبة هي الشاهين من اول مانزلت يا 1300 يا 1400 يا 1600

مفيش 1500 !!! بس هو عامةً الراجل يمشي مع قريبه ده أحسن ... و أن شاء الله مش حيخمه يعني :)

[keko]

انا مش بقولك اشتريها انا بحاول اديلك مقياس للسعر فى الحالة التعبانة كام
عموما اعتقد اللى قدامك دى لو 5000 يخلوها زيرو اتكل على الله بس دا راى شخصى فقط

[pher3oo]

انا مش بقولك اشتريها انا بحاول اديلك مقياس للسعر فى الحالة التعبانة كام

عموما اعتقد اللى قدامك دى لو 5000 يخلوها زيرو اتكل على الله بس دا راى شخصى فقط

ياباشا ابدا والله انا فاهمك تقصد ايه كويس انا مش معنى ردى كده انى فهمتك بتقولى اشتريها بس انا بقولك مادام دى سعرها كده يبقى اللى بتكلم عليها احسن على الاقل انا عارف فيها ايه بالظبط وعموما انا بشكرك جدا والله على ردك