سعر الفيات لينيا الجديدة ايه دلوقتى ؟

[essamsultan780]

السلام عليكم اخواني الكرام
اولا اشكر القائمين على المنتدى للكمية الهائلة من المعلومات المفيدة لكي مقتني السيارات او ال عايز يقتنى سيارة سواء جديدة او قديمة .
واحب اشكر كمان الاعضاء المميزين ال بيمدونا بالمعلومات الغزيرة والخبرات الجيدة ال بتنفعنا جميعا.

وعندي استفسار هو سعر الفيات اللينيا الجديدة كام دلوقتى ؟
وهل ال 1600 و فتيس اتوماتيك نزلت ولا لسه ؟
ومدي كفائة عفشتها على طرق مصر المعروفة ؟
ومدي استهلاكها للبنزين ؟
ومدى توفر قطع الغيار والصيانة واخبار التوكيل بتاعها ايه ؟

وشكرا لكم جميعا.

[MohssenRashed]

مفيش لينيا جديد دلوقتي

[essamsultan780]

مفيش لينيا جديد دلوقتي

شكرا لردك ، بس ليه مفيش منها جديد ؟ و مش هتنزل تاني ولا ايه؟

[MohssenRashed]

ليه دي معرفش و مع اوماترا ماتسألش.. اللي انا اعرفو ان لو نزلت هتنزل ب 1600 عادي مش تربو.

[tareket]

اللينيا الاوتوماتيك هتنزل قريبا 1600سى سى.
سعرها لسة لم يحدد بس هتبقى غالية علشان اليورو سعره عالى حاليا.

العفشة ممتازة فى الطرق المصرية لو بتحافظ عليها وبتربط عفشة

انا عامل بالعرابية 63 الف والعفشة لسة كأنها جديدة

ال1600 سى سى لسة محدش عارف استهلاك البنزين عامل ازاى
بس عمتن مواتير الفيات مشهورة بالمواتير الصغيرة الموفرة فى البنزين

[pirlo2000]

هتنزل شهر 9 الجاي ان شاء الله بموتور 1600 سيسي و لم يحدد السعر بعد

المصدر: اوماترا

[essamsultan780]

أشكر الأخ tareket على الاهتمام والرد
وأشكر أيضا الاخ pirlo2000 على الاهتمام والرد

[mohamedgamall]

طالما هى هتنزل فى شهر 9 اللى جاى كان لية عرضنها فى فورميلا الاهرام يعنى مزاولة اخر حاجة تصور حد قرر انة ميشتريش لحد لما تنزل حاجة تيييييت صحيح

[yoko]

كانت هتنزل شهر ٥ وإتأجلت عشان الأحداث

[mohamedgamall]

الحمد لله بقى انتى مستنتهاش لحسن كانت بدات تلعب فى دماغى تحفة بنت اللذينة برضة