ساعدونى ارجوكم .. فيات برافا

[shfra]

السلام عليكم ..
انا قدامى عربيه فيات برافا موديل 2001 .. 1300
والعربيه سعرها معقول جدا
انا سمعت كل خير عن العربيه بس انا خايف جدا من قطع الغيار واسعارها وعدم توافرها
انا من الاسكندريه ومش عارف نظام الميكانيكا بتاعتها اى حد ممكن يشتغل فيها ولا لأ
ارجو المساعده . واسف على الاطاله

[hosam_ahmed]

على فكرة انا من اسكندرية برده يا باشا والعربية البرافا عجباني جدا بس برده عندي نفس الاسئلة فياريت حد يدلنا عن معلومات زيادة عنها وياريت تقولنا هي معروضة عليك بكام

[mohmdomar]

العربية قطع غيارها موجودة يا باشا ورخيصة وبتشترك في قطع غيار كتير مع التمبرا والسيينا, وفيه عندكوا واحد في اسكندرية بيبيع قطع غيار استيراد للفيات وشغال في فيات بس واسعاره حلوة جدا اقل من القاهرة بكتير الماتور عنده ال1600 ب 2 ونص وفي الحرفيين والعزبة ب 3ونص

توكل علي الله واشتريها

[shfra]

اهلا بيك يا حسام باشا هيا العربيه معروضه عليا ب35 وحالتها كويس
وانا مش عارف اجيبها ولا اجيب سيات ابيزا 99 ولحد دلوقتى صراحه محتار

[shfra]

يا جماعه بالله عليكم الى عنده اى معلومه بخصوص العربيه يفيدنى بيها

[mr_hamed_s]

انا معايا فيات برافا جبتها مستعملة من 7 شهور العربية جميلة قطع الغيار كلها موجوده هنا فالقاهرة فالاسكندرية مش عارف بصراحه موجوده ولا لا بس اللى اقدر اقولهولك ان العربية مش معقده زى ما الناس فاهمه اى حد بيشتغل فالسيينا والبونتو يقدر يشتغل فيها
قطع غيارها معقوله مش غاليه ومش رخيصة المهم ان العربية اللى قدامك يكون حالتها كويسة علشان متصرفش كتيير عليها
لو العربية نضيفة توكل على الله واشتريها ومش هتندم
بس اهم حاجه انك متخليش اى حد يلعب فيها يعنى الميكانيكى يكون بيفهم فالفيات

[mohamedmmm2]

عمرك ما هاتندم والله

[Formulator]

العربية قطع غيارها موجودة يا باشا ورخيصة وبتشترك في قطع غيار كتير مع التمبرا والسيينا, وفيه عندكوا واحد في اسكندرية بيبيع قطع غيار استيراد للفيات وشغال في فيات بس واسعاره حلوة جدا اقل من القاهرة بكتير الماتور عنده ال1600 ب 2 ونص وفي الحرفيين والعزبة ب 3ونص
توكل علي الله واشتريها

+111
العربية قطع غيارها مشتركة مع السيينا والماريا والانسيا ديدرا (موديلات أخيرة) فعلا..
btw عربية حضرتك ماشاء الله قليلة جدا, أصلا الـ1600 كان بينزل على الماريا والويك اند.. وقليل أوى عـ البرافا, كانت بتنزل غالبا 1300
ربنا يباركلك فيها..

ويا محمد ابراهيم زى ما الناس قالتلك.. موجود فـ اسكندرية قطع الغيار تماااااااام..
وزى ما قولتلك.. ليا اصحابى اشتروها من 2001 زيرو بأسعار تقارب الـ100 ألف (كانت الأوبل فكترا بتتباع بـ98 ألف)..
دلوقتى معظمهم راكب ألمانى واللى راكب الـ156 وكده.. اللى ينزل منها مش هيعرف يركب عربيات كورى ولا يابانى.. مش هترضيه الا عربية أعلى..؟؟!!!

وبالتوفيق ان شاء الله..

[shfra]

متشكر جدا ليكم يا جماعه والف مليون شكر ليك يا مصطفى وربنا ميحرمنى منك وانا فى طريقى للبرافا

[DONYO]

العربية قطع غيارها موجودة يا باشا ورخيصة وبتشترك في قطع غيار كتير مع التمبرا والسيينا, وفيه عندكوا واحد في اسكندرية بيبيع قطع غيار استيراد للفيات وشغال في فيات بس واسعاره حلوة جدا اقل من القاهرة بكتير الماتور عنده ال1600 ب 2 ونص وفي الحرفيين والعزبة ب 3ونص

توكل علي الله واشتريها

طيب ممكن يا باشا توصفلنا عنوان الراجل بتاع قطع الغيار دة...ولو فيه تليفون يبقى كتر خيرك

[fouad_fahdi]

دى عربية زى الفل و محترمه

[hosam_ahmed]

اهلا بيك يا حسام باشا هيا العربيه معروضه عليا ب35 وحالتها كويس
وانا مش عارف اجيبها ولا اجيب سيات ابيزا 99 ولحد دلوقتى صراحه محتار

[gdwl] [/gdwl][gdwl]
اهلا بيك ياباشا وبكل اهل اسكندرية وانا شايف ان العربية البرافا من افخم واشيك العربيات اللي الواحد شافها وانا والله متابعها من زمان ونفسي اشتريها وبعدين هب عربية مميزة جدا ونادرا لما تلاقي واحد راكبها واللي كام مخوف الواحد منها قطع الغيار لكن بعد كلام الاعضاء الكرام فانا شايف انك تتوكل على الله وتشتريها وربنا يباركلك فيها ويكفيك شرها وانا ان شاء الله في اقرب وقت ححصلك وابقى زميل في البرافا بس اهم حاجة متنساش لما ربنا يكرمك وتشتريها تنزلنا صورها
[/gdwl]