بصي يا اوماترا غبور بيعمل ايه !!!!!

[Ra2ouf]

أزيكوا يا فياتوية ......

النهاردة جالي SMS من غبور اوتو بتقول ان فيه تخفيض 5000 جنيه على العربية ال Hyundai-Elantra ليصبح تمنها الحالي 95000 جنيه ..

و انا بصراحة يا جماعة مكنتش اعرف شكل ال Elantra 2011 فقلت اما أبص علي صورها و يارتني ما بصييت

يا جماعة العربية فخمة جدا و تملى العين و في نفس الوقت نلاقي ان ال EVO سعرها اغلى و كمان اصغر بكتيير ده غير عيب التوكيل و سعر اعادة البيع و قطع الغيار اللي كلنا عرفنها ..

انا بصراحة ضد العربيات الكوري بشكل عام لاني عارف انها شكل خارجي و بس . لكن لما الاقي عربية بالجمال و السعر و الانتشار الفظييييييع ده بجانب سعر اعادة البيع .... ده يخليني استمر مع الكوري و اعيش عيشة اهلى اللي ديما يقولولي سيبك يابني من الاوروبي و اشتري عربية ليك و للسوق ...



[/SIZE][/SIZE]

[medo2o1o]

حضرتك فاهم غلط
ده خصم على الانترا الشكل القديم و رجعها لسعرها الاساسى (بيستعبط)
الالنترا الجديدة الفاضية فى السعودية ب 140 الف جنيه (بالجمارك) و لسة منزلتش مصر
بعدين يعنى من غبور لاوماترا يا قلبى لا تحزن

[pirlo2000]

علي فكرة هو كان بعد الثورة اصلا غلي الالنترا 5 بواكي ! تقريبا ماباعتش و عايز بأه يخلص الشكل القديم قبل ماينزل بالجديد قلك بأه عرض خاص تخفيض 5 الاف علي الاانترا...... عرض خاص ايه يابن اللذينا ده انت عليت و السعر و نزلته تاني عشان عايز تخلص من الموديل ده !

[shaddadfalcon1]

سياسه قذره وشعب طيب بيتخدع
التوكيل يذود 10 الاف وبعدها بشهر ولا اتنين يقوم منقص 5 الاف وتلاقي الناس فرحانه وتروح تشتري وتقولك دوول مرخصينها 5 الاف في حين انها ذياده 5 بس هما بيبصو من جانب واحد

[Ghamrawy]

هى الحداية بتحدف كتاكيت ؟!!
دول تجار يا بيه
يعنى عمرهم ما بيخسروا

[semsem_uno]

حاسس ان هيونداي بقت شبه العربيات الصيني s: S:

[mohamedgamall]

لا بس بصراحة الالنترا حلوة من جوة واسعة و اشيك من الاكسنت rb بكتير و تكيفها حلو بس من بق واحد صاحبى عندة الانترا بيقول الدركسيون ناعم جدا جدا جدا انعم من اى عربية تانية ساقها يعنى جوة البلد و فى الزحمة راحة اخر حاجة بس على السرعات العالية تقريبا بيعد فوق الدركسيون من الخوف

[damasry]

لا بس بصراحة الالنترا حلوة من جوة واسعة و اشيك من الاكسنت rb بكتير و تكيفها حلو بس من بق واحد صاحبى عندة الانترا بيقول الدركسيون ناعم جدا جدا جدا انعم من اى عربية تانية ساقها يعنى جوة البلد و فى الزحمة راحة اخر حاجة بس على السرعات العالية تقريبا بيعد فوق الدركسيون من الخوف

هى هيونداى لسه متعلمتش انها تقفل الباور الكهرباء بعد سرعة ال80 او ال90 اوتو؟؟

لسه سايباه كده زى الالنترا الشكل الحالى؟؟؟

[hazememam14]

الالنترا 2011 لسة بشكلها القديم مش الشكل الجديد و علي فكرة غبور عمل نفس الحركة دي بالظبط في الاي 10 كانت قبل الثورة ب 63500 و بعد الثورة غلاها بقت ب 66500 و الايام دي عامل عليها عرض ب 64500

[Ra2ouf]

يا جماعة قولولى أعمل أية كل قرايبى و أصحابى و حبايبى و المجتمع و الناس بيرشحوا لى و بقوة النيو أكسنت RB
دول كمان شايفينى عبيط عشان عايز أشترى عربية أوربى صغيرة و غالية و ملهاش سوق خااالص

أقولهم ال evo واخدة 5على 5 فى أختبارات الامان و فيها abs & ebd دة غير الثبات و القوة و تكنولوجيا فيات
ألاقيهم بيقولوا لا حول و لا قوة الا باللة ...... الواد أتجنن كل الكلام دة ملوش اى 30 لازمة .....
المهم عندهم أن العربية تكون كبيرة و موتورها قوى و سعر أعادة البيع بتاعها كويس .....
أحضرونا يا أخوانا .... قولوا حاجة .... أنا خلاص قربت أنهار و شكلى كدة هاسمع كلامهم و خصوصا بعد ما زادت أسعار العربيات الفيات

[medo2o1o]

هات تيدا
واسعة و يابانى و قطع غيار رخيصة نسبيا و اعادة بيع مش وحشة

[تامر.محمد]

اونكل غبو يعمل دي ب95 ؟
اذا كان الأكسنت الجديدة الفاضية اظن اغلى من كده
:)