استفسار هام بخصوص جراند بونتو

[hossam_eldin]

السلام عليكم و رحمة الله و بركاته

انا معايا فيات جراند بونتو ايزي ترونيك موديل 2007
عامله حوالي 23 الف كيلو
مشكلتي ان الفتيس لما اجي انقله للمارشيدير بيطلع صوت
و اوقات بيطلعلي الرسالة
Gear box is not available check transmission

وديتها لتوكيل اوماترا اللي في جسر السويس بيقولولي محتاج تغير طقم الدبرياج و تفك و تنضف مجموعة الهيدروليك و تغير زيت الهيدروليك و الموضوع ده هيتكلف على الاقل 3200 جنيه

انا طبعا مش مقتنع بكلامهم ده لان العربية بتمشي معايا كويس جدا و باستثناء الصوت بتاع الفتيس ده تقريبا مفيش مشاكل تانية

يا ريت لو حد يقدر يفيدني بأي حاجة بخصوص المشكلة دي او يعرف مراكز صيانه معتمدة غير اوماتر جسر السويس لأني بصراحة مستكتر المبلغ اوي

[yoko]

أنا شاكك إنها تكون سينسور لإن طقم دبرياج في ٢٣ الف بدري قوي ودي مش مانيوال عشان تفوته غشوميه سواق

[ahmadmidop]

صح زي ماقال احمد احتمال كبير يبقى سنسور واللي يأكد كده ان مافيش اعراض تانية

[mohamedmmm2]

شوف اى حد برا عندة كمبيوتر فيات و اتاكد منه عشان استحاله يكون كل دة حصل للعربيه فى 24000 كم

[Formulator]

Gearbox inhibitor Switch
Gear Position Sensor
Electro-Hydraulic Module/Oil-Pressure Sensor

دول اللى ممكن يعملوا المشكلة اللى بتاعت الـReverse
كمان ممكن يـHang-Up .. يعنى يأخر على ماياخد الأمر بـR, ولما تيجى تـShift للـDrive تانى ياخد الـ2nd مش 1st..؟!!

متأكد أن مفيش msg زى دى ظهرتلك: "Clutch Overheating/Overtemperature"؟؟!!!

والى حد أقل ممكن:
Throttle Position Sensor
Engine Speed Sensor
وبقولك لحد أقل لأن دى بتدى Failure لما تكون بتتحرك وماشى سريع.. مش واقف وبتدى R ؟؟!!!

أوماترا ممكن يكون عندهم حق فـ تغيير زيت الـElectro-Hydraulic Module وتنظيف الـActuator Set
لكن طبعا تغيير طقم الـClutch دلوقتى... اشتغالة؟؟!! مستحيل عزم موتور Fire يبوظ دبرياج عند 23 ألف ولا 60 ولا 120 ألف كمااااااااااااااان..؟؟!!!
خصوصا ان الجيربوكس Robotized زى ما قالك Yoko

أسرع عربية عملت تآكل لطقم دبرياج فـ مصر: كانت برافو 150 حصان مانيوال, متعدلة لـ190 حصاااااااان, وصاحبها كان بيـLaunch بأفترا عليها وبيسقط غيارات بطريقة Racing وغيرت ديسك واسطوانة على 28-30 ألف (أو 50 مش فاكر)؟؟!!!

[yoko]

لازم تكشف كمبيوتر ويتعمل calibration لل clutch ولو سواقت جري وحرق كتير أو بتقرص في الطلعة ممكن فعلا يكون الكلاتش باظ
بس ممكن سؤال مين الي شخص الموضوع ده في التوكيل (إسمة إيه)

[Formulator]

استاااااااااااااااذ يابنى والله,
نسيت أقوله لاااااااااااااازم يتأكد اذا كانوا عملوا له Clutch-Drive Test ولا؟؟!
وفيه Clutch Re-Learn Procedure بتتعمل عـ الـExamino

أنا كنت هاسأله "الـMaster بتاع الـSelespeed فـ أوماترا" هو اللى كشف على عربيته ولا لأ؟؟!!!

[mohamedgamall]

gearbox inhibitor switch
أسرع عربية عملت تآكل لطقم دبرياج فـ مصر: كانت برافو 150 حصان مانيوال, متعدلة لـ190 حصاااااااان, وصاحبها كان بيـlaunch بأفترا عليها وبيسقط غيارات بطريقة racing وغيرت ديسك واسطوانة على 28-30 ألف (أو 50 مش فاكر)؟؟!!!

اسمحلى اعدل عليك فى النقطة دية اسرع عربية جابت اسطوانة فى مصر عربية زميل لينا فى منتدى الهيونداى جابت اسطوانة فى اول 1000 كيلو عربية نيو اكسنت و بيتهيالى ان انا النيو اسكنت عموما بتستهلك الدبرياج بتاعها بسرعة جدا

[Formulator]

طبعا انت متوقع أنا هقول أيه؟؟!!! ههههههههههههههه
فيه فرق بين:
- عربية جابت طقم دبرياج.. نتيجة سوء استخدام, لأن الـTuner معملش Upgrade للـClutch ليتناسب مع عزم الموتور الجديد >>> دى طبعا البرافو
- وعربية جابت دبرياج.. عشان سوء الصناعة الكورى >>> دى الأكسنت طبعا..!
هههههههههههههههههه

يا محمد أنا اعرف ان الـClutch الـOEM بتاع البرافو, مع أنه ماركة متوسطة (Borg Beck انجليزى).. بس معمول من Sintered/Hybrid-Iron عشان يقلل التآكل ويستحمل عزم موتور التربو..!

فيه After-Market Replacement ماركات أجمد زى الـExedy ألمانى, Valeo أيطالى أو الـLuk ألمانى.. ودول معمولين من Carbon-Ceramic وبيستحملوا الـHard Launch والتآكل شبه منعدم فـ الأستخدام العادى..!

[hazemezzz]

انا عندى جراند بونتو 2007 برضة عاملة 28000 كيلو وعندى نفس المشكلة بالظبط ... مش عارف اعمل ايه

[mohamedgamall]

انا بهزر معاك يا فوميلاتور و بصارحة بحاول اوقعك فى الغلط زى برامج التوك شو بتوع اليومين دول

[hossam_eldin]

شكرا يا جماعة على ردودكم

انا روحت لمركز روكسان و كشفلي على زيت الفتيس و لقاه ناقص
و بمجرد اني زودت الزيت العيب اختفى
المشكله ان فيه تسريب للزيت مش عارف مكانه لحد دلوقتي
و التسريب ده مش من الخزان

لكن اسطوانة الدبرياج ما كانش فيها حاجة خالص زي ما كان التوكيل بيقول
يعني التوكيل كان هيكلفني 3200 جنيه من غير ما يصلح العيب الرئيسي اللي في العربية

[yoko]

شكرا يا جماعة على ردودكم

انا روحت لمركز روكسان و كشفلي على زيت الفتيس و لقاه ناقص
و بمجرد اني زودت الزيت العيب اختفى
المشكله ان فيه تسريب للزيت مش عارف مكانه لحد دلوقتي
و التسريب ده مش من الخزان

لكن اسطوانة الدبرياج ما كانش فيها حاجة خالص زي ما كان التوكيل بيقول
يعني التوكيل كان هيكلفني 3200 جنيه من غير ما يصلح العيب الرئيسي اللي في العربية

هام جدا خلي بالك إن الزيت الي حطيته يكون زي الكتالوج لإن الزيت العادي هيحرق الفتيس
وروح التوكيل نزلها سوفتوير لو مكنش إتعملها قبل كده لإن موديل ٢٠٠٧ كان فيه مشكله بتعمل الحكايه دي (على مستوى العالم ونزلها recall)
ولو مظبتطش إبقى شوف بتسرب منين

وأهم حاجة متحطش زيت غير بتاعها عشان الفتيس ميتحرقش ولما تروح التوكيل متقولهمش إنك زوت زيت عشان ميلبسوكش في الحيطة

[hossam_eldin]

شكرا على الرد
هو الزيت اللي حاطيته قالولي في مركز روكسان انه هو بتاع العربية دي , و مش هو الزيت الاحمر بتاع العربيات العادية
هي عموما المشكلة اختفت و العربية ماشيه معايا كويس حاليا
المشكله الوحيده اللي لسه باقية , انى كل يوم الصبح الاقي نقطتين زيت تحت الفتيس
و لما كشفت على الخزان قالولي انه ما بيسربش , و اني لازم انضف العربية من تحت عشان يشوفه مكان التسريب كويس

[yoko]

شكرا على الرد
هو الزيت اللي حاطيته قالولي في مركز روكسان انه هو بتاع العربية دي , و مش هو الزيت الاحمر بتاع العربيات العادية
هي عموما المشكلة اختفت و العربية ماشيه معايا كويس حاليا
المشكله الوحيده اللي لسه باقية , انى كل يوم الصبح الاقي نقطتين زيت تحت الفتيس
و لما كشفت على الخزان قالولي انه ما بيسربش , و اني لازم انضف العربية من تحت عشان يشوفه مكان التسريب كويس

يبقى كده تمام
والتسريب غالبا من السلونويد لو كده إعمل سوفت للفتيس وكله هيظبط