خضرا بتاكل البنززززززززين

[abdoelshazly]

ياجدعان عندى مشكله عاوز اعرضها عليكم

دلوقتى عربيتى بتستهلك بنزين بالهببببببل ومش عارف اعمل ايه لانى بحطلها 90 وبيتخرب بيتى :D

قولولى هو المفروض تستهلك قد ايه وهو التانك اصلا يتاع الشاهين سعته كام على مااعتقد انى بفول ب 79 ج بس معرفش عدد الترات ؟؟؟؟؟

|انا افتكست حوار كدا ف عداد تحت عداد الكيلومترات صفرته وروحت مفول وقولت لما اشوف بقا يارترا لو طلع معدله اد ايه كدا اطمن ؟

[ainshouka]

|انا افتكست حوار كدا ف عداد تحت عداد الكيلومترات صفرته وروحت مفول وقولت لما اشوف بقا يارترا لو طلع معدله اد ايه كدا اطمن ؟

فول وسفر العداد واطلع مشوار على طريق سريع وبعدين فول تانى وشوف استهلكت قد ايه على عدد الكيلو مترات اللى قطعتها وقولنا النتيجة

[yoko]

بتفول ٩٠ وبحوالي ٨٠ جنيه!!!! إتأكد إن العربيه مش بتسرب بنزين (خرطوم واقف أو تانك مخروم)

[abdoelshazly]

طيب اانا كنت سمعت ان ف واحد عنده جهاز بيظبط استهلاك البنزين ؟!! هل دا صحيح ولا ايه

[yoko]

هو هيظبط إيه مش لازم نعرف فين السبب الأول؟؟؟؟

[abdoelshazly]

بس اللى متأكد منه ان التانك مش مخروم ولا الخراطيم فيهم حاجه مش عارف ممكن يكون من ايه

[memononos]

لو عربيتك كربراتير اعمل زى ما انا عملت ريحت دماغى وبقيت احط بنزين 80 هو فرق شويه فى السحب بس صراحه وفرلى فلوس ومش بيطير بسرعه زى 90 وكمان وفرلى نص الفلوس تقريبا وصراحه السحب مش فارقه كتير لان اصلا شوارع مصر المحروسه ولله الحمد كلها واقفه وكلها اشارات وزحمه ومفيش اى مجال انك حتى تجيب سرعه اكتر من 60
ولما بحب ادلع العربيه بقى بحطلها نص تنك 90 على 80

[abdoelshazly]

انا اينجكشن والعربيه انا اللى غلطان لان عمرها من ساعت ما جبتها ااتحطلها ااقل من 80 وللاسف انا كدا ومش مستحمل العربيه لانى من النوع اللى بيجرى

لو حطيت 80 هتعب اوى والعربيه هتفتح بوقها زى ما بيقولوا وهبقى فتحت باب تانى

[saadelden]

التنك المفروض 43 لتر او 45 لتر
79 جنيه يعني انت بتمشي بالعربيه و مفيهاش نقطه بنزين d:

اتأكد من الخراطيم و لو فيه ريحه بنزين ظاهره عندك يبقى فيه تسريب اكيد

[abdoelshazly]

والله دا اللى بيحصل فعلا بس انت لو التانك مخروم او الخراطيم فيها حاجه اكيد ريحة البنزين هتبان ف العربيه والعربيه عندى مظبوطه تمام مفيهاش اى حاجه انا هعمل زى ما قولتوا هفولها وهنزل مشوار وهصفر العداد وهشوف ايه اللى هيحصل واحكيلكم

[mohamedmmm2]

اتاكد من البوجيهات اخر مرة غيرتها امتى لانها هى المسئوله عن احتراق البنزين وشوف فلتر البنزين اخر مرة غيرته امتى برضه لان دول اكتر حاجات بتاثر على استهلاك البنزين و سحب العربيه وفلتر الهوا برضه
لو بقالك كتير ماغيرتهمش دول اولا واخيرا صيانه عامه للعربيه وبيفرقوا كتير جدا..

[MAUMAU]

التانك 50 لتر بالاحتياطى الاستهلاك المفروض فى المتوسط لتر لكل 10 كيلو يعنى لو 9 كيلو مش مشكلة - طريقة سواقتك هى اللى بتاكل بنزين لانك بتحب تجرى وغير كدة ال90 بيتحرق بسرعة

[Elawany13]

تانك الشاهين فى الموديلات الحديثه 50 لتر
الدوجان موديلات الـتسعينات تانك بتاعها أصغر
تقريبا 30 لتر

[hko]

تانك الشاهين فى الموديلات الحديثه 50 لتر
الدوجان موديلات الـتسعينات تانك بتاعها أصغر
تقريبا 30 لتر

40 لتر

[hko]

التسريب في الشاهين مبيبقاش في التنك ننفسه عشان ده ورا الكنبه فاعمره ماهيتخبط او ان العيب من الجوان بس ده يخلي البنزين ميعدش في التنك نص يوم وهايبقي في ريحه بنزين جامده اوي في كل العربيه
او ممكن خرطوم الفايظ يكون دايب وده بيخلي في ريحه بنزين خفيفه في الشنطه بسسسس
فبعد مشوار افتح الشنطه مفيش ريحه يبقي راجع علي البوجيهات وفلتر البنزين

علي فكره معايا شاهين 1300 كربراتير بتشم البنزين وبحطلها 80 ولما بحط 90 الاستهلاك بيقل وبشد وبقرص وكل حاجه !!!!!