الايفو جننتنى

[mohamedgamall]

السلام عليكم ازيكم يا جماعة

عندى استفسار و امبارح و انا رايح الشغل سمعت صوت حاجة عمالة تخبط فى بعض اكن مثلا فى باب مش مقفول حلو عرافين الصوت دة لما بمشى على ارض مش مستوية اوى اية رايكوا تفتكروا الصوت دة يكون جاى منين انا لسة معملتش 800 كيلو اصلا و الصوت بنورامى تحس ساعات انة جاى من ورا و ساعات من قدام
المهم و انا مروح حسيت ان الصوت اختفى و انا رايح انهاردة الصبح برضة سامعه انا حاسس ان العربية دية مسكونة حد عندة اقترحات ممكن ابص على اية ؟

[ahmadmidop]

مش عااارف بس اتأكد اول حاجة ان الابواب والشنطة مقفولين كويس :) ثانيا ممكن تكون حاطط حاجة في درج التابلوه او الشنطة ورا مثلا .. شوف الاستبن والعدة متثبتة في الشنطة كويس الحاجات دي مبدئيا

[Anti_virus_abdo]

اة مسكونة
بس مسكونة بتقفيل فيات :)
هي كدا يا باشا :d تعايش مع الموقف لحد ما تروح للتوكيل المفروض انهم بيظبطوا الابواب
مشكلة معروفة في الجراند و الايفو يعني بس انا بالنسباي روحتلهم 3 مرات بتروح فترة و بترجع تاني
بس ان شاء الله تروح بعد ما تودهالهم

[mohamedgamall]

ههههههههه يعنى الصوت دة عادى اتعايش ؟ اصل بجد حاجة تجنن الصوت بسمعة و انا رايح الشغل و انا مروح بقفل الشباك و التكيف و اركز مع الصوت برضة مش بسمع حاجة اية الغم دة ههههههه بجد مش فاهم

[mohamedgamall]

مهو لو فى حاجة مفتوحى هيبان فى التابلو و العربية هتقول بعدين انا محطتش حاجة جديدة لا فى التابلو و لا فى الشنطة ,
بعدين دة يا اخونا بيجى الصبح و يروح بعد الضهر يعنى من الاخر انا عندى صوت ساعة يروح و ساعة يجى[

[mohamedgamall]

طب اية رايك احجز معاد فى الصيانة و لا استنى لغاية صيانة ال 5000 بس انا فاضلى كتير اوى لحد ما اكملهم انا عامل حاوى 800 كيلو فى 3 اسابيع

[Anti_virus_abdo]

هههههههه اه متقلقش يا باشا عادي :)
اه عارفة و الله و بيقرفني خصوصا لما ببقا قافل الازاز طيعا
بس انا عندي الصوت دا في الابواب و نفس الصوت في ال glove box فبعلي الكاسيت و خلاص هههههههه رغم اني بكره اي صوت مش طبيعي, بس زهقت
رأيي رحلهم قبل صيانة ال 5000 انت لسه فضلك عليها كتير
و استمتع بعربيتك يا باشا و الف مبروك :))

[mohamedgamall]

الله يبارك فيك خلاص هبقى اكلنهم و اعملهم مجنون ههههههه

[yoko]

كلمهم وإنت بتحجز تقولهم عايزة ليينات وإسألهم موجوده ولا ﻷ عشان متدبش المشوار على الفاضي عشان لو موجوده هتتركب ضمان ومش هتظهر تاني لو مش موجوده هيرجلشوا الباب وتظهر تاني

[Anti_virus_abdo]

كلمهم وإنت بتحجز تقولهم عايزة ليينات وإسألهم موجوده ولا ﻷ عشان متدبش المشوار على الفاضي عشان لو موجوده هتتركب ضمان ومش هتظهر تاني لو مش موجوده هيرجلشوا الباب وتظهر تاني

+11111
بالظبط كدا
بس دايما بيقلولي مش موجودة :s

[mohamedmmm2]

ارخم حاجه فى العالم انك تبقى عارف ان فيه مشكله وماتعرفش توصللها

[ahmadmidop]

كلمهم وإنت بتحجز تقولهم عايزة ليينات وإسألهم موجوده ولا ﻷ عشان متدبش المشوار على الفاضي عشان لو موجوده هتتركب ضمان ومش هتظهر تاني لو مش موجوده هيرجلشوا الباب وتظهر تاني

ياريت توضح يااحمد ايه اليينات دي !

[yoko]

اليينيات دي قطع كاوتش بتتركب مع الباب مش بتنزل في كل العربيات الفيات (ومش عارف ليه)

[ahmadmidop]

قصدك الكاوتش اللي بيبقى حولين الباب كله ...... ولا حتتين في الباب من تحت

[yoko]

قصدك الكاوتش اللي بيبقى حولين الباب كله ...... ولا حتتين في الباب من تحت

ﻷ مش الإطار الكاوتش