تغيير سوست لeibach

[MNabeih]

السلام عليكم,

اخواني الفياتوية

لو سمحت يا جماعة انا كنت عاوز اغير السوست الstock بتاعتي ل سوست EIBACH الالماني,
بس من غير ما اغير المساعدين لان عربيتي مالهاش مساعدين نفس الماركة!!!!

هل في ضرر علي المساعدين لو غيرت السوست بس واللا عادي؟؟

و لو حد عنده فكرة عن ماركة تانية يكون فيها مساعدين للينيا تبقي تمام

شكرا مقدما.

[yoko]

مفيش مساعديين لللنيا وكمان لو سوست بس العربيه هتتنطط كتير

[abdo_kmal]

بص يا باشا …. أنا عن نفسي ركبت سوست “eibach sport line “ في عربيتي البرافو ... كنت جايبها special order للعربية من بره وصدقني القرار ده مش حتندم عليه ... العربية باسم الله ما شاء الله أدائها بقى أحسن كتيييييييييرر ... ومغيرتش مساعدين ولا حاجة ... ده حتى لما عرفوا في التوكيل واتأكدوا إن السوسات دي اصلية متكلموش وباشمهندس شريف قال لي تماام مفيش مشكلة .... وهي فعلا العربية بتتنطط شوية بس على فكرة احساس النطة ده جامد جدا هاها

[MNabeih]

بص يا باشا …. أنا عن نفسي ركبت سوست “eibach sport line “ في عربيتي البرافو ... كنت جايبها special order للعربية من بره وصدقني القرار ده مش حتندم عليه ... العربية باسم الله ما شاء الله أدائها بقى أحسن كتيييييييييرر ... ومغيرتش مساعدين ولا حاجة ... ده حتى لما عرفوا في التوكيل واتأكدوا إن السوسات دي اصلية متكلموش وباشمهندس شريف قال لي تماام مفيش مشكلة .... وهي فعلا العربية بتتنطط شوية بس على فكرة احساس النطة ده جامد جدا هاها

شكرا يا باشا, بس انت جبتهم special order عن طريق محل هنا واللا مع نفسك؟؟؟؟

و عملوا كام لو سمحت؟؟؟

[yoko]

نبيه انا بقولك كده عشان عربيه عيله فالمدام والأولاد هيتعبوا منهم عارف لو عربيه ليا لوحدي أو ليك لوحدك ركبهم بس التنطيطة المدام مش هتستحملها

[otefa]

مفيش مساعديين لللنيا وكمان لو سوست بس العربيه هتتنطط كتير

+1
وعمر المساعد هايقصر جامد كمان
ده غير الحسبة هاتبقى مش مظبوطة لو السوست أوطى فا عايزة مساعد أقصر في مشواره
ياطقم كامل محسوب يا هتخسر في الأداء والراحة وهاتاخد شكل بس

[yoko]

+1
وعمر المساعد هايقصر جامد كمان
ده غير الحسبة هاتبقى مش مظبوطة لو السوست أوطى فا عايزة مساعد أقصر في مشواره
ياطقم كامل محسوب يا هتخسر في الأداء والراحة وهاتاخد شكل بس

قلت الكلام ده قبل كده يا سوست بمساعدين يا بلاها (ولؤي الكيناني رأيه من رأي)
وقولت المساعدين هتسلم بدري
لكن هو هياخد شكل وثبات (مش قوي زي مع المساعدين لكن ثبات) وهيخسر الراحة خالص

[Evo]

هو في موضوعين بنفس الاسم؟

ركب البرو كت على المساعد الأصلي واتاكد إنها مش هتوطي أكتر من 3 سم مش هيبقى فيه خطورة إن شاء الله مفيش فرق مزعج في ال ride quality

لو جبت سبورت لاين هتحتاج مساعد سبورت وتحتاج كامبر كت خلفي علشان تبقى في الامان لكن ال ride quality انساه لانها مش لل street cars .

[otefa]

رابط المشاركة
اقتباس
المشاركة الأصلية كتبت بواسطة evo




في نوعين سبورت لاين وبرو الاولى هي اللي تنفع مع الطرق العادية والشوارع لان التانية شبه تراكات بس
ودي بتوطي العربية من 3 ل 5 سم أما البرو من 2 ل 4 ثم على حسب نوع العربية

المشكلة بقى في حاجتين إن لو العربية هتوطي أكتر من 3.5- 4 سم بيكون خطر على المساعد الستوك بالاضافة إنك هتحتاج تجيب كامبر كت وري علشان تظبط بيه زاوية الكامبر لان في العربيات الستوك بيكون في امكانية ظبط كامبر امامي بس لكن خلفي لأ .

فشوف الاول حيوطوا عربيتك اد إيه لو أكتر من 3 سم دور على نوع تاني وابعد عن maxspeed أو أي نوع صيني أو تايواني


+1
كلام زي الفل
لو مش محسوبة كويس هاتاخد شكل بس على حساب خلل في الأداء +الراحة هاتقل
ده غير الكاوتش ممكن يتاكل بسرعة أكبر نتيجة للكامبر الغلط

[Moe86]

أنا مركب koni من غير المساعدين وطوا العربية 3.5 سنتى
الثبات زاد جدا, بس المساعدين جابوا زيت بعد ما ركبتهم بشهرين بس و كمان العربية مش مريحة تماما فى مطبات الهواء و فواصل الكوبرى, حاجة ملاهى كدة

[MNabeih]

هو في موضوعين بنفس الاسم؟

ركب البرو كت على المساعد الأصلي واتاكد إنها مش هتوطي أكتر من 3 سم مش هيبقى فيه خطورة إن شاء الله مفيش فرق مزعج في ال ride quality

لو جبت سبورت لاين هتحتاج مساعد سبورت وتحتاج كامبر كت خلفي علشان تبقى في الامان لكن ال ride quality انساه لانها مش لل street cars .

انا بصراحة بعد ما عملت الموضوع في التعديلات حسيت ان انا خاين اقسم فيات فرحت عامل واحد تاني في فيات!!!!!

هي اللينيا مش نازل لها غير pro kit اساسا و بيوطي 3 سم

أنا مركب koni من غير المساعدين وطوا العربية 3.5 سنتى
الثبات زاد جدا, بس المساعدين جابوا زيت بعد ما ركبتهم بشهرين بس و كمان العربية مش مريحة تماما فى مطبات الهواء و فواصل الكوبرى, حاجة ملاهى كدة

ما هو دة اللي مقلقني

نبيه انا بقولك كده عشان عربيه عيله فالمدام والأولاد هيتعبوا منهم عارف لو عربيه ليا لوحدي أو ليك لوحدك ركبهم بس التنطيطة المدام مش هتستحملها

هي المدام كمان هاتتحكم في دى لااااااااااااااااااااااا, واذا كان علي العيال ف ان شاء الله لما ييجوا اهو يعتبروها ملاهي, انا بس اهم حاجة مادام لحد 3 سم تمام خلاص نتوكل علي الله, معايا في الموضوع دة والا اة؟؟؟؟!!

[yoko]

ﻷ أنا بره الليله دي مؤقتا
وهكلمك لو فاضي هقولك على حاجة