العربيه هاتجنني تماما

[ameirnabel1977]

السلام عليكم ورحمه الله وبركاته.....

انا معايا 128 موديل 84 العربيه انا مشتريها من 8 شهور وكانت ماشيه معايا زي الفل والحمد الله لحد من شهر كده كنت ماشي وكان فى زيت على الارض فالعربيه لفت مني وخبطت فى الرصيف مرتين اوثلاثه انا بعدها صلحتها كالاتي:
1- السمكري عامل زرجينه على العجله اليمين علشان الركبه بالمقص كانوا داخلين لجوه وبعد كده لحم الركبه وغير الدواسه اليمين كلها.
2- العفشجي غير الافيز بتاع الميزان علشان كان اتكسر وبص على جلب المقصات وقالي تمام.

المشكله بقي كالتالي :
1- كاوتش العربيه بيتاكل بسرعه جدا ومش عارف ايه السبب.
2- العربيه يتعوم مني جامد جدا وفى اغلب الاوقات بتحدف يمين مع الفرامل وشمال مع البنزين ولو ماشي بسرعه شويه ( يعني 70 - 80 ) وكان فى حته مكسره او طوب صغير او اي حاجه كده على الطريق العربيه بتحدف فى اي حته هيه عايزاها.
3- فى صوت تكتكه بيطلع من العربيه من تحت من ناحيه اليمين حاجه كده بتديني احساس ان فى صاج بيتقطع.
4- انا حاسس ان عجل العربيه كله مقفول مش معدول ( يعني مش عمودي على الارض)

انا رحت علشان اظبط زوايا قالي غير المقصات وتعالي انا سألته العربيه محتاجه زرجينه قالي لا لما تغير المقصات العجل هايتعدل لوحده ( بصراحه انا مش مقتنع)
فياريت لو حد يعرف حد بتاع زوايا وسمكري وعفشجي محترمين فى المهندسين او اكتوبر يقولي ولو حد عنده اي افكار او اقتراحات كمان

[mohamedmmm2]

روح لواحد تانى بتاع زوايا كويس المشكله عندك ماحدش هايحلها غير واحد بتاع زوايا عشان لو فيه مقاسات مش مظبوطه ولا حاجه

[ameirnabel1977]

روح لواحد تانى بتاع زوايا كويس المشكله عندك ماحدش هايحلها غير واحد بتاع زوايا عشان لو فيه مقاسات مش مظبوطه ولا حاجه

طيب مين احسن بيتاع زوايا قريب من المهندسين أو اكتوبر

[mohamedmmm2]

لا مش عارف والله انا فى المعادى.. بس الافضل انك تروح لواحد من الاخر يبعى بلدى ماتروحش لبنزينه عشان اغلبهم بهايم..

[u3mbkp]

بتاع الزوايا بيشتغل فى رنج درجات معين .. ولو الميل زيادة او اقل عن الرنج اللى ممكن يعدل فيه لازم يبعتك لعفشجى او حداد عربيات نضيف يكون بيشتغل بالمقاييس الاستاندر مش ممشيها بالبركة بس ... خليك متابع هنا لحد ما حد من اخواتنا يدلك على حداد او عفشجى نضيف قريب منك