عاوز ارش اكرة الباب اسود

[sameagel]

عاوز ارش اكرة الباب الخارجية اسود بس مش عارف هل تترش اسبراي اسود ولا لاكية اسود

ارجوكم المساعدة من اهل الخبرة ضروري لان انا ناوي ارشها النهاردة

[semsem_uno]

اسبراي هتتقشر

[yoko]

فعلا السبراي هيقشر والرش أفضل

[arabiy]

السلام عليكم ورحمة الله وبركاته
انا معايا 127 برشها الأكصدامات بالشنب بالمسطره الي ورا والوكر بتاع الباب بنفسي أهم حاجه انك تجيب جرايد ولزق كرتوني من عند اي موان علشان مبيمسكش فالبويه بتاعت العربيه ويقشرهالك والزق كويس خلي بالك متسبش اي حته باينه وحاول تحدد الاكور كويس واديها رش بس ياريت لو تجرب ترش علي الاكصدام الاول او فاي حاجه تانيه بره علشان لو قربت ايدك جامد وانت بترش هتلاقي البويه سيلت وممكن ترش حته اغنق من حته انا راشش عربيتي مرتين وعربيت واحد صاحبي 4 مرات وعربيه واحد تاني مره الاسبراي مبيقشرش بس مع الغسيل لونه بيبهت تاني فكل شهرين بديها رش تاني علبة الاسبراي عامله 7.5 وفي نوع اسمه فوكس ده كويس جدا جرب وقولنا ايه الكلام

[graffittiii]

السلام عليكم ورحمة الله وبركاته
انا راشش عربيتي مرتين وعربيت واحد صاحبي 4 مرات وعربيه واحد تاني مره الاسبراي مبيقشرش بس مع الغسيل لونه بيبهت تاني فكل شهرين بديها رش تاني علبة الاسبراي عامله 7.5 وفي نوع اسمه فوكس ده كويس جدا جرب وقولنا ايه الكلام

بس رش كل شهرين ده كتيير أوي يباشا مافيش حاجة تقعد أكتر من كده ؟؟

[drramisalama]

انا عندي عامل نفس الكلام ما قشرش ولا حاجة وفعلا سبراي فوكس اسود مط ممتاز عن تجربة