حسبى الله و نعم الوكيل فى اوماترا دول

[mbehery]

انا معايا باليو و بقالها سنتين و نص روحتلهم علشان سمعت صوت صفارة فى العربية فقلت اروح اشوف ايه الحكاية المهم طلعت ان بلية سير التقسيمة باظت و لازم تتغير هى و السير و طبعا قالولى دى مش تبع الضمان علشان السير و البلية المفروض انهم يتغيروا كل 40000 كم او سنتين يعنى حيغيروهم على حسابى..............
المهم فوضت امرى لله فيهم و قلت ماشى مش حستخسر فى العربية و قلتلهم كمان بالمرة بقى يعملولى الصيانة بتاعتها
المهم بعد ما خلصوا الصيانة و تركيب السير و كلو تمام جربت العربية علشان انا اتقرست منهم و عارف مقالبهم فقولت لازم اتاكد ان كلو تمام قبل ما امشى و فعلا اتاكدت و مشيت
بعد 3 ايام بالضبط لقيت العربية بدات تقطع و سامع صوت تكتكة كهربا ناحية الموتور و دى كانت اول مرة تحصلى اصلا...
انا طبعا قلقت من التوكيل فقمت روحت لميكانيكى برة و قام قالى المصيبة اللى عملوها (كالعادة)............
طلع ان بتوع اوماترا منهم لله و هما بيغيرو ا البوجيهات قطعولى كبل من كبلات البوجيهات و علشان يداروا عليه لازقوا بشيكارتون علشان يعنى محسش بحاجة و انا بستلم العربية و بعد ما ستلمتها بكام يوم بدء التقطيع لان الشياكرتون ساح فالكابل بدا يهرب كهربا و يعمل التقطيع و الصوت ده فى العربية................
الميكانيكة حاول يثبت الكابل بشيكارتون منفعش قام لحموا بردو منفعش وانا دلوقتى بدةر على طقم كابلات تانى علشان اغير الموجودين
طبعا ان محروق دمى منهم و حلفت انى مش حروحلهم تانى ابدا خلاص................
مش حقول غير ربنا ينتقم منهم علشان مدوخنى كده بس انا اللى استاهل انى روحتلهم اصلا دى غلطة و مش حتكررر تانى انشاء الله

[mohamedgamall]

طب الواحد يعمل اية لو عايز يعمل الصيانات بتاعات العربية ان مكنش هيروح التوكيل ؟

[mbehery]

بص يا باشا بلا صيانات بلا كلام فارغ صدقنى والله العربية بتجيلك من برة بتقفيلت المصنع زى الفل التوكيل دول يحطو ايدهم فيها تبتدى المشاكل و تضطر كل شوية تروحلهم
انت الحاجات اللى تهتم بيه الزيوت و تغييرها و دى فى بنزينة محترمة زى موبيل حيعموللك الازم ز بتكلفة اقل بكتير
و لو عايز تغير فلتر هوا و لا بنزين عند اى ميكانيكى كويس بتثق فيه حيبقى باردو احسن و ارخص
بص يا باشا اللى انا شوفتو لحد دلوقتى ان التوكيل و الضمان ده موضوع فاكس جدا لانهم حتى لما بيعملوا حاجة ممكن يبوزوا حاجة تانية زى ما حصل معا يا كدا

[karimalaa]

منهم لله....معلش، أنا عندي غيرت كابلات برده و كان في تركي ب ٩٠ جنيه و بالعافية لقيت طقم واحد ألماني و اخدته بالعافية برده ب ١٨٠ جنيه... السبب ان ٢ بدأوا يهربوا كهربة لوحدهم ( عمرهم يعني )

[karimalaa]

وبالنسبة للصيانات كلها باعملها بنفسي... الااااااا السيور بعملها هناك واخد منهم ما يثبت انهم غيروهم عشان لو لاقدر الله حصل حاجة اروقهم...

[mohamedgamall]

احنا عايزين نشوف ميكانيكى فيات او مركز خدمة محترم نتعامل معاة كلنا بحيث ان احنا نبقى متاكدين ان احنا بنتعامل مع حد فاهم و محترم و هيهتم طبعا بعربيتنا للاننا هنبقى مجموعة

[mbehery]

احنا عايزين نشوف ميكانيكى فيات او مركز خدمة محترم نتعامل معاة كلنا بحيث ان احنا نبقى متاكدين ان احنا بنتعامل مع حد فاهم و محترم و هيهتم طبعا بعربيتنا للاننا هنبقى مجموعة

هوا ده الكلام المظبوط..........

[wael17]

احنا عايزين نشوف ميكانيكى فيات او مركز خدمة محترم نتعامل معاة كلنا بحيث ان احنا نبقى متاكدين ان احنا بنتعامل مع حد فاهم و محترم و هيهتم طبعا بعربيتنا للاننا هنبقى مجموعة

+111

[ayman2]

فعلا التوكيل فيه حاجه غلط الواحد يسلم السياره سليمه تطلع فيها مشاكل قله ضمير صنايعيه (مش كلهم) وشغل اى كلام وانا السياره كانت هتضيع بعد صيانه 20000 لكن الحمد لله تم تدارك الموقف وفعلا لما تشتكى تاخد حقك لكن المهم لو الواحد ماخدش باله . واعتقد ان احسن حاجه لازم كل واحد يقف جنب عربيته وهى بتتعمل او نشوف مركز معتمد (علشان الضمان) يكون الصنايعيه فيه عندهم ضمير ونلجأ للتوكيل فى حاله الضمان فقط عند استبدال قطع الغيار داخل الضمان لأنهم فعلا ضمانهم كويس .... أنا بجد مش عارف فيه ايه وحزين جدا

[arakysolom]

قدر الله وما شاء فعل بس حضرتك لازم تعملهم شكوي في حماية المستهلك عن الضرر اللي حصلك عشان حضرتك تاخد حقك وايضا حتساعد الناس اللي حتروح بعد كده للتوكيل انهم ميحصلهمش نفس اللي حصل معاك

[mbehery]

قدر الله وما شاء فعل بس حضرتك لازم تعملهم شكوي في حماية المستهلك عن الضرر اللي حصلك عشان حضرتك تاخد حقك وايضا حتساعد الناس اللي حتروح بعد كده للتوكيل انهم ميحصلهمش نفس اللي حصل معاك

ما هو للاسف انا لما استلمت العربية جربتها و ماكنش فيها حاجة و قعدت 3 او 4 ايام مفيش مشكلة اسهل حاجة حيقولوها انى انا اللى قطعتوا او لعبت فى العربية برة التوكيل خاصة كمان انى روحت لميكانيكى و لحملى الكابل عندو يعنى حتى ادااة الجريمة اللى هى الشيكارتون راحت........
عوضى على الله خلاص بقى و ربنا ينتقم منهم...........

[moh_mse]

الحمد لله انا لقيت الحل الواحد يشتري قطع الغيار ويركبها بره بسعر حلو ويروح يظبط الدنيا حتكون مصنعية ظبط الكمبيوتر كلام فاضي بس تكون ضربت عصفورين بحجر واحد غيرت وركب بسعر حلو والضمان تخدو برضو بسعر حلو بس لازم تروح التوكيل عشان جهاز الكمبيوتر
وعلى فكرة في شركة اسمها برقان انترناشيونال في شارع العريش بالهرم ناس محترمين وكويسين بس بيخدو وقت وقطع الغيار نار بس بصراحة محترمين والمصنعية بسعر حنين
تلفوني لاي استفسار ( 0127251370)

[yoko]

الحمد لله انا لقيت الحل الواحد يشتري قطع الغيار ويركبها بره بسعر حلو ويروح يظبط الدنيا حتكون مصنعية ظبط الكمبيوتر كلام فاضي بس تكون ضربت عصفورين بحجر واحد غيرت وركب بسعر حلو والضمان تخدو برضو بسعر حلو بس لازم تروح التوكيل عشان جهاز الكمبيوتر
وعلى فكرة في شركة اسمها برقان انترناشيونال في شارع العريش بالهرم ناس محترمين وكويسين بس بيخدو وقت وقطع الغيار نار بس بصراحة محترمين والمصنعية بسعر حنين
تلفوني لاي استفسار ( 0127251370)

يعني هل دي ورشة ولا حضرتك الي شغال في العربيات ولا إيه مش فاهم (عشان نفيد بعض بس)

[MNabeih]

البرقان المفروض انه مركز خدمة معتمد لفيات

[yassinhaitham]

أسعار البرقان زى الوكيل بالضبط (المصنعية+قطع الغيار) لكن بصراحة عندهم ضمير و لو حد عمل مشكلة لازم المهندس يقولك دا غير انك شايف عربيتك أمامك و لو فيه حاجة عايزة تتغير لازم حيخلوك تشوف القطعة التلفة علشان تتأكد بنفسك و برضه انت صاحب القرار النهائى علشان المفاجئات يعنى بس بصراحة عيبهم القاتل ان الدفع كاش وبيرفضوا الفيزا كارد عكس الوكيل و الاقصى بتاع المعادى