بونتو كلاسيك ولا كيا بيكانتو 2012

[maruti]

السلام عليكم ورحمت الله وبركاتة
دي اول مشاركة ليا في المنتدا وان شاء الله مش الاخيرة
اية رايكم يا جماعة بونتو كلاسيك وتمنها 73000 الف
1300 سي سي 60 حصان
و البيكانتو 2012 مانيول كاملة 76000 الف
1300 سي سي 90 حصان

[hazememam14]

هي البيكانتو الشكل الجديد دي نزلت مصر أصلا ؟؟؟؟؟؟

[hazememam14]

أفتكر اللي موجودة في مصر دلوقتي خليجي مش وكيل و كنت سمعت انها 80 hp عامة بالنسبة للشكل هي أذواق طبعا بس أنا شايف ان شكل البيكانتو القديم أحلي و الجديدة شكلها مش مناسب لحجمها أبدا , جايز الناس بتقول ان البونتو كلاسيك شكلها تقليدي قوي ممكن بس أنا رأيي ان شكل البونتو أحسن , بالنسبة للحجم أنا كنت جبت مقاسات البيكانتو 2012 من علي النت من كام شهر كده و قارنتها ب 2011 لقيت مفيش فرق بينهم الا كام سم كده هي تبان أكبر من القديمة بس في الحقيقة مش أكبر , حكاية السعر دي هي مبالغ فيها طبعا بس أصلا لسه ماتقدرش تتأكد من السعر الا لما تنزل وكيل و عامة السعر ده غااالي علي البونتو و علي البيكانتو , البونتو كانت من شهر و نص ب 69000 لكن لما تبقي ب 73000 صعب حد يفكر فيها أصلا مابالك بالبيكانتو حد يفكر فيها بالتمن ده !!!!!!!! لو عايز رأيي الشخصي انا لو بشتري النهاردة بالاسعار دي أفكر علطول في ال I10 الشكل الجديد أفتكر بتبدأ من 64000 تقريبا

[party_0000]

اليكانتو جميله الموديل 2011 معانا وسوقتها جميله وناعمه وبتسحب وتكييفها تلاجه وغير كدا بيعها اسهل وتمنها فيها عن الفيات توكل على الله عربيه جميله

[karimalaa]

بصراحة بيكانتو الجديدة شكلها قبيح جدا جدا و مش بتنزلي من زور بصراحة....معظم العربيات الأسيوي للأسف تحس ان روبوت اللي عملها أو شخص عديم الاحساس...مش بيهتم انه لما عينه تقع على العربية يرتاح....كاداء معرفش بصراحة بس بأمانة أنا لو مكانك بونتو كلاسيك من غير ما افكر...

[M.Nasr]

انا شفت البيكانتو الجديدة النهاردة
بصراحة احنا كده بنظلم البونتو بالمقارنة دى

[hazememam14]

بصراحة بيكانتو الجديدة شكلها قبيح جدا جدا و مش بتنزلي من زور بصراحة....معظم العربيات الأسيوي للأسف تحس ان روبوت اللي عملها أو شخص عديم الاحساس...مش بيهتم انه لما عينه تقع على العربية يرتاح....كاداء معرفش بصراحة بس بأمانة أنا لو مكانك بونتو كلاسيك من غير ما افكر...

فعلا شكلها مش مريح للعين خالصصصصص تحس ان في حاجة غلط كده أو تقدر تقول ان الشكل ده كان محتاج عربية أكبر مش عارف , البونتو لما كانت ب 69000 كانت مناسبة قوي لتمنها و بصراحة كان أي حد يجيبها من غير تفكير فعلا بس دلوقتي 73000 كتير شوية أنا رأيي ال i 10 اختيار كويس دلوقتي

[fineart607]

البونتو حاجه والبيكانتو حاجه تانية بس خليك فى البيكانتو ماتورها اقوى وشكلها جديد والله الموفق

[hazememam14]

البونتو حاجه والبيكانتو حاجه تانية بس خليك فى البيكانتو ماتورها اقوى وشكلها جديد والله الموفق

بمعني ايه دي حاجة و دي حاجة ؟؟؟ علي فكرة البونتو موتورها مش وحش بس أوسع و أكبر و أيرباج و أوروبي هي عيبها الوحيد ان شكلها قديم شوية و ماتغيرش من سنين بس 73000 كتير عليها برضه ؟؟

[party_0000]

وسعر بيع البيكانتو ارحم من الفيات بردوا والصيانه الوكيل ارحم متنساش دي

[Moe86]

الأثنين كويسين بس سعرهم مبالغ فيه
رأيى كمالك للبونتو من فترة, الفلوس دى إشترى بيها ميجان هاتشباك أو نيسان تيدا هاتشباك برضو استعمال موديلات من 2006 و طالع
و تكون ماشية قليل (50,000 مثلا) إكشف عليهم فى التوكيل و هيطلعلك أى حاجة فى العربية ميكانيكا أو صاج
نصيحتى, بالفلوس دى هتاخد عربية أوسع, أسرع, أثبت فى السرعات, كمالياتها أكتر بكتييير
خد لفة فى contactcars.com و مش هتندم ان شاء الله

[maruti]

شكرا علا الرد يا جماعة
بس انا نسيت اقول ان البيكانتو فيها 2 ايرباج يعني زيها زي البونتو

[Moe86]

البونتو أمتن فى الحوادث بكتير لاقدر الله
البونتو واخدة 26 (4 نجوم)
و البيكانتو 17 (3 نجوم بالعافية)

المصدر
Kia Picanto | Euro NCAP - For safer cars crash test safety rating

Fiat Punto | Euro NCAP - For safer cars crash test safety rating

[karimalaa]

البونتو أمتن فى الحوادث بكتير لاقدر الله
البونتو واخدة 26 (4 نجوم)
و البيكانتو 17 (3 نجوم بالعافية)

المصدر
kia picanto | euro ncap - for safer cars crash test safety rating

fiat punto | euro ncap - for safer cars crash test safety rating

ده على اعتبار انك حتجيب الجديدة اللي بايرباج....القديمة دي ولا نجمة واحدة حتى!!!

[fouady]

البونتو أمتن فى الحوادث بكتير لاقدر الله
البونتو واخدة 26 (4 نجوم)
و البيكانتو 17 (3 نجوم بالعافية)

المصدر
kia picanto | euro ncap - for safer cars crash test safety rating

fiat punto | euro ncap - for safer cars crash test safety rating

+11111
وأنا واحد من الناس بيفرق معايا حاجات زي دي