استفسار بخصوص فيات 128 مو 84

[dr_viper000]

السلام عليكم ورحمة الله وبركاته

انا معايا 128 موديل 84 ماتور 1100 cc
حاسس ان العربيه مبتسحبس يعني اخرها 60 او 70
هل دا الطبيعي
هي العربية متجنطه ممكن الجنوط بطبيء العربيه
ولا محتاجه عمرة ماتور
لو هعمل عمره تتكلم كام وبعد العمره ممكن تجيب سرعة كام
وشكرا

[memononos]

متــــــــــــابع

[gaaz]

لأ ياباشا طبعا مش طبيعي ان يكون اخرها ستين
دننتا لو راكب عجلة يا عم حتعدي الستين هههههه
بص يا سيدي اول حاجة طبعا لازم تشيل اي حاجة زيادة في العربية عندك وتشوف لو الجنط ده اكبر من مقاس العربية ومن اللي العربية ممكن تتحمله فيا ريت تشيله
وشوف دخان الشكمان اخباره ايه وغير زيت وغير فلتر الهوا او نضفه وبعدين اطلع بيها طلعة واحكم ساعتها

[LEEL]

هتلاقي الديسك والأسطوانة في الباي باي أكيد

[M_wahba]

بص يا باشا مش حطول عليك الموضوع دة مقلق طبعا بس لازم تتأكد من الأتى
1- الديسك و الإسطوانة حالتهم عاملة ازاى و دة حيبان معاك فى سحب العربية و فى التجميع حتحس ان العربية بتجمع بالعافية او مش بتجمع تقريبا
2- شوف الموتور لو بيدخن دخنة سودا من ورا وانت بتزود بنزين يبقى كدة يا معلم طقم شمبر و طالما طقم شمبر يبقى عمرة بالمرة لأنك كدة فتحت الموتور و فى اعتقادى ان العمرة تقريبا حتعملك فى حدود 1000 جنية بطقم الشمبر
3- الجنوط ما اعتقدش انها تعمل كدة بس برضة لازم تبص بصاية على العفشة شوف الدنيا ماشية ازاى
و لو فى حاجة تانى انا فى الخدمة

[pompo]

اعزرني انا مش من القسم دة بس حبيت اصلح معلومة الاخ M_wahba ازاي دخانة سودة تبقي طقم شمبر عمري ما لقيتها في عربية قبل كدة
الدخانة السودة يبقى كاربيراتير او بوجيهات
اما لوفي دخانة بيضا او زرقة يبقي طقم شمبر

[khaled_bibo]

اكشف على ماستر الفرامل الاول عشان ممكن يكون مكلبش و يخلي العربيه متسحبش