الى الساده مالكى سيارات فيات سيينا

[sameh_egy1]

اشكرك علي ردك :)
طمتني لحد ما المهم انا عاوز اعرف ابص علي ايه بالظبط لما اعمل ليها معاينة فنيه و كده

عاوز نصايحكم بردوا في المحافظة عليها ؟ :)

[Mostafa]

ازيك يا محمد باشا افتقدناك ....
انا بس عندى اختلاف صغير معاك لما كنت بتكتب التقييم عن العربيه .. خصوصا ان عربيتك سماوى زى عربيتى بالظبط .. ومن هذا المنطلق لازم نكون متفقين :)

- انا متفق معاك بالنسبه لموضوع العربيه جوه البلد .. خصوصا مع التكييف .. وفى عز الصيف .. العربيه بتكون مخنوقه جدا .. بتسخن .. مع التكييف ممكن تعدى النص بشويه لكن عمرها ما زادت معايا عن كده .. لو طفيت التكييف بترجع الحراره تانى تحت النص ..
- بصراحه كمان انا بحس ان العربيه دى مبتحبش المشى داخل المدن .
فى الشتا ... الحراره عند الربع .. شغلت التكييف مشغلتوش الحراره عند الربع .. والاداء كويس..
بصفه عامه انا شايف التكييف بالنسبه للكفاءه مساوى للدايو لانوس

- نيجى بقى للطريق ... حضرتك كنت بتقول ان الحراره بتنزل جدا فالموتور بيكون مش فى افضل حالاته ... بس انا اختلف معاك .. انا شايف ان فى الوقت ده الموتور بيكون فوق الممتاز .. بتكيف او بدون الحراره بتكون بعد اول شرطه بحاجه بسيطه حتى لو ماشى بيها فى شهر 8 الساعه 3 الضهر ..
والسحب بيكون رهيب .. انا بحس ان اقوى عزم للعربيه بيكون وهيا فى درجه الحراره دى ...

- عايز اقولك انى مش بحب اسوق العربيه دى غير لما اكون مسافر ... بستمتع بيها فعلا ..

- كمان انا شايف ان الثبات ممتاز فى الفئه دى -مقارنه بالدايو لانوس او الاكسنت - فيها تتفوق عليهم فى النقطه دى وبفرق كبير .

- خلاصه خبرتى مع العربيه دى انها عربيه سفر ومشاوير طويله اكتر منها عربيه للمشى الكتير جوه البلد ... دايما كل ماتمشى بيها على الطرق وفى السفر كل ما تكون حالتها احسن ومشاملها اقل

[Mostafa]

يا كريم باشا حضرتك هتاخد صلاح سالم لغايه اخره خالص .. بتكون بوابه المطار قدامك ..
- بص على شمالك هتلاقى بنزينه التعاون زز ادخلها هتلاقى المركز جواها

المركز اسمه روكسان .. ومديره اسمه م عادل
رقم تليفونهم : 0127842442

- قوله بس انك من طرف م مصطفى انور اللى عنده السيينا السماوى و كان عنده قبلها سيينا فضى و قبل الفضى كان عنده سيينا فضى برضه وهوا هيعرفنى على طول :)

[Mostafa]

انا اسف يا كريم بص على يمينك مش شمالك

[sameh_egy1]

متشكر يا مصطفي جداااا ً

انا بصراحه إقتنعت اكتر بيها :)

[elmorady]

السلام عليكم
انا احتاج الي كتالوج فيات سيينا موديل 2000
وعايز حد يفيدني في موضوع الخنة بتاعة العربية علي الصلانصية

[Mostafa]

هوا الكتاوج بتاع عربيتى معايا ياباشا ... لو تحب تصور منه حالجه او اطلعلك منه حاجه مفيش مشاكل ..
انما ايه بقى موضوع الخنقه اللى على السلانسيه ده ؟؟؟
ايه اللى بيحصل يعنى ؟؟

[mana9wafaie]

مصطفى باشا واحشنى يا مان والله...
اخبار السيينا ايه معاك؟؟؟
انا اديلى اسبوع كدة بظبط شوية حاجات كانت فيها زى الكبالن انا كان عندى الكوبلن الشمال ضرب من فترة وقلت اغير الاتنين بالمرة وفوجئت انة ضرب تانى بعد فترة واكتشفت ان الجنط بتاع الفردة اللشمال ضايع خالص بس الحمد لله غيرتة بس فرقت معايا فى الثبات والفرامل لان كان مينفعش يترصص كمان غير لما يتعدل ومحدش بيعرف يعد جنوط للاسف..
والجلدة بتاعت الباب الشمال ملقتلهاش حل غير البرشمة فرحت مبرشمها بكام مسمار.
وكان عندى خبطة فى الاكصدام عملة شرخ فية رحت لحمتة ورشيت النص الفوقانى بس طبعا انت عارف ان الاكصدام نصين.
و و و الزهيمر بعيد عنك
اه الكاسيت كان بيعلق ظبطة و كان فية كام خبطة كدة عدلتهم ع البارد كانو خفاف اوى بس بردو قلت اضبط كل حاجة وغيرت الاشارة اللى قدام عشان كان عندى واحدة كريستال وواحدة عادية خلتهم الاتنين عادين عشان انا ملقتش الكريستال خالص انا اصلا الفوانيس اللى قدام كلها عندى كانت كريستال بس بعد اول خبطة دخت عليهم ملقتهمش غير فى اسكندرية وبالعفية بس بعد الخبطة التانية مكسرش غير الاشارة فجبتها عادية ودلوقتى الاتنين عادى بس عشان يبقى وش العربية كلة واحد.
بس كدة بس باقيلى ريشات بتعاعت التكيف مش عارف اعمل فيهم اية؟
مكسرين والهوا بتاع العربية مش متوجة صح بيروح فى اماكن مختلفة فى ناس قاللولى روح لبتاع فيبر يظبطهولك بس مش عارف لو تعرف حل يا ريت..
بس كدة دة اللى كنت بعملة طول فترة الغياب..
وكنت عايز رايك بما انك سيناوى قديم؟
لو بعت اللى معايا دى وجبت فيرنا 1600 كاملة موديل 2006-2007
اية رايك وادفع فرق كام؟؟
انا فكرت فى الفيرنا عشان تكيفها جبار وقطع الغيار و زجاج كهرباء 4 ابواب وشوية اوبشن كدة فعايز ريك يا درش ؟؟
معلش انا صدعتك سلام يا بوب:)

[ahmed1981]

السلام عليكم
انا احتاج الي كتالوج فيات سيينا موديل 2000

راجع هذا الرابط:

http://www.nilemotors.net/Nile/showp...&postcount=344

[lovemeromaro]

يا جماعة حد يعرف السيينا ال 1400 كام حصان بس أرجوكم حد يجاوبنى

[motoxp]

السيينا بتاعتى 1400 بلس مو 2001 وهى 67 حصان اللى اعرفه

[socobolos]

سيينا 2008

صباح الخير معلش انا محتاجة اعرف سيينا موديل 2008 هلى افكر اجيبها ؟؟وهل عادلوا فيها موضوع الحرارة ده وقطع غيارها متوفرة؟؟
ولا اصرف نظر عنها واجيب فيرنا او لانوس؟؟

[socobolos]

صباح الخير معلش انا محتاجة اعرف سيينا موديل 2008 هلى افكر اجيبها ؟؟وهل عادلوا فيها موضوع الحرارة ده وقطع غيارها متوفرة؟؟
ولا اصرف نظر عنها واجيب فيرنا او لانوس؟؟

[Mostafa]

فيرنا او لانوس هتكون أحسن .. أنا مش مؤيد لصفقه سيينا 2008

[hanytahia]

ألف شكر للي عمل الموضوع ده ثانياً أخوكم هاني معاه سينا 2001 موتور 1600سي سي هي مريحاني بس فيها عيب بشم ريحة البنزين حوه العربية وخصوصاً لما يكون التكييف شغال ولو بطلت العربية ورجعت شغلتها ألقيها مخنوقة خنقة سودة أرجع أبطلها وأشغلها تاني تبدأ تتحسن وده عيب مكرهني فيها في حساس فوق الموتور خارج منه خرطوم أخضر وداخل ليه خرطوم أسود تقريباً بايظ يعمل كده التوكيل لهف كل الفلوس اللي معايا والعربية زي ماهي ونفس العيب وبقيت بسمع تخبيط فى العفشة من قدام مش فاهم الدنيا خربت مرة واحدة هل من مفيد مع جزيل الشكر