ايهما افضل 132 ام ريجاتا85

[ahmedelsaad]

ايهما افضل 132 ام ريجاتا85 مع العلم انى جديد فى القياده ودى ان شاء الله اول عربيه وممكن السعر والريجاتا بدون تكييف وحالتها كويسه برجاء الاهتمام للاهميه

[kreka]

انا أفضل الريجاتا

[fouaa]

اولا مبروك مقدما العربيه الى هتشتريها ثانيا هاقولك بموجب انى كان معايا ريجاتا من 2000 لحد 2006 فحفظتها صم
اولا العربيه حلوه جدا احلى عربيه عملتها فيات زمان
شكلها الخارجى شيك وانسيابى وسط عربيات اليومين دول ثانيا نعمه جدا ماتورها قوى واعطالها قليله جدا تمام
الصالون من جوه واسع ويتسع لعائله خمس افراد وهيبو مرتاحين جدا
بالنسبه لقطع الغيار متاحه ورخيصه وكمان اى ميكانيكى بيعرف يشتغل فالعريه
العفشه نعمه وكويسه جدا وبتبتحمل عن 132
العربيه تحفه بس ليها عيبين الاولانى وانت بتشتريها لو تفاديتو عمرك مهتشتكى منو وهو ان الطابلوه بتاعها بيبقى متكسر ومحدش بيصلحو فوانت بتشترى شوف عربيه طابلوها سليم من الداخل وعداداتو كلها تمام وفالحاله دى عمرو مهيعطل منك ابدا
تانى حاجه الفوانيس بتاعتها الى قدام غاليه شويه وطبعا بيتركب مكانهم فوانيس الشاهين وتمن الفانوس والاشاره حوالى 50 60 جنيه كده تانى مشكله اتحلت اخر حاجه بقى الاكصدامات غاليه الواحد 600 بس غير كده مفيش حاجه تانيه واعتقد ان العيوب دى متمنعش انك تشترى العربيه بس ابعد عن 132 العربيه نشفه اوى وتقيله وخشنه وعلى الطريق مش ثابته اوى وصالونها مش حلو
وربنا يكرمك وتجيب حاجه كويسه

[fouaa]

على فكره نسيت اقولك ان الريجاتا فى منها كتير مكيف وسعرها هيتراوح من 20 لحد 25 حسب الحاله

[ahmedelsaad]

الف شكر على سرعه الرد والاهتمام بس ممكن سعر تقريبى للريجاتا85

[fouaa]

الف شكر على سرعه الرد والاهتمام بس ممكن سعر تقريبى للريجاتا85

العفو يا باشا انت تامر مانا قولت لحضرتك تتراوح من 20 ل 25 حسب الحاله

[ahmedelsaad]

الف شكر يا باشا

[fouaa]

العفو يا كبير

[mohamed_e36]

اولا مبروك مقدما العربيه الى هتشتريها ثانيا هاقولك بموجب انى كان معايا ريجاتا من 2000 لحد 2006 فحفظتها صم
اولا العربيه حلوه جدا احلى عربيه عملتها فيات زمان
شكلها الخارجى شيك وانسيابى وسط عربيات اليومين دول ثانيا نعمه جدا ماتورها قوى واعطالها قليله جدا تمام
الصالون من جوه واسع ويتسع لعائله خمس افراد وهيبو مرتاحين جدا
بالنسبه لقطع الغيار متاحه ورخيصه وكمان اى ميكانيكى بيعرف يشتغل فالعريه
العفشه نعمه وكويسه جدا وبتبتحمل عن 132
العربيه تحفه بس ليها عيبين الاولانى وانت بتشتريها لو تفاديتو عمرك مهتشتكى منو وهو ان الطابلوه بتاعها بيبقى متكسر ومحدش بيصلحو فوانت بتشترى شوف عربيه طابلوها سليم من الداخل وعداداتو كلها تمام وفالحاله دى عمرو مهيعطل منك ابدا
تانى حاجه الفوانيس بتاعتها الى قدام غاليه شويه وطبعا بيتركب مكانهم فوانيس الشاهين وتمن الفانوس والاشاره حوالى 50 60 جنيه كده تانى مشكله اتحلت اخر حاجه بقى الاكصدامات غاليه الواحد 600 بس غير كده مفيش حاجه تانيه واعتقد ان العيوب دى متمنعش انك تشترى العربيه بس ابعد عن 132 العربيه نشفه اوى وتقيله وخشنه وعلى الطريق مش ثابته اوى وصالونها مش حلو
وربنا يكرمك وتجيب حاجه كويسه

انا معاك في الكلام ده وفعلا ال 132 خشنه وناشفه وده انا حاسس بيه وهتلاقي موديلها قديم اوي فغالبا هتكون مدغدغه وغير كمان الات الجر اللي تكلفتها اعلى في الصيانه لانها خلفي و الكرونه لما بتتغير بتكون غاليه
نصيحه خليك في الريجاتا ويا سلام لو فيها تكييف
بس هقولك على حاجه يا تجيب العربيه وحالتها كويسه يا متجبش عشان في شويه حاجات ساعه البيع هتحس لنها بصيطه ومش هتكلفك لما تغيرها

[fouaa]

انا معاك في الكلام ده وفعلا ال 132 خشنه وناشفه وده انا حاسس بيه وهتلاقي موديلها قديم اوي فغالبا هتكون مدغدغه وغير كمان الات الجر اللي تكلفتها اعلى في الصيانه لانها خلفي و الكرونه لما بتتغير بتكون غاليه
نصيحه خليك في الريجاتا ويا سلام لو فيها تكييف
بس هقولك على حاجه يا تجيب العربيه وحالتها كويسه يا متجبش عشان في شويه حاجات ساعه البيع هتحس لنها بصيطه ومش هتكلفك لما تغيرها

+1111111111111111

[mohsen128]

ريجاتا طبعاً ،، والسعر من 20 وانت طالع

[ahmed79]

هى الرجاتا افضل عشان حجتين عشان التكييف واماتور بتعها ناعم عن 132
اما من ناحيه التحمل مشفتش زى 132 بس الاتنين قطع غيرهم غليه بتاعت الاستيراد

[MohaMed_Refaat]

ال 132 ماتت خلاااااااااااص عصرها عدى من زمان خلاص هى ايوة عربية بتستحمل بغببببببببببببببباء حمالة قسية بغباء
بس خلاص دلوقتى قطع غيارها مش موجودة ولو لقيتها غالية اسمع ان الكربراتير جديد ب 1300 جم :)))))))))
نصيحة سيبك من ال132 خلاص زمنها خلص

[mohamed_e36]

ال 132 ماتت خلاااااااااااص عصرها عدى من زمان خلاص هى ايوة عربية بتستحمل بغببببببببببببببباء حمالة قسية بغباء
بس خلاص دلوقتى قطع غيارها مش موجودة ولو لقيتها غالية اسمع ان الكربراتير جديد ب 1300 جم :)))))))))
نصيحة سيبك من ال132 خلاص زمنها خلص

فعلا الكربراتير جديد سالت عليه ب 1300 جنيه بس جبته استيراد ب450
المارش بتاعها سالت عليه جديد ب 500 جنيه واستيراد ب 150

[keko]

بص يا ريس
ال 132 كعربية كانت اعلى فئة لدى فيات فى وقتها مميزاتها
موتور قوى جدا
طول عمر الدفع الخلفى
كماليات كتير باور وزجاج كهرباء وكلام من ده
صاج دبابة وشاسيه متين وعفشة تتحمل جامد جدا مش عارف من قال عفشتها ضعيفة
عيوبها
موديل قديم اكل عليه الدهر وشرب وده بيادى لصعوبة ايجاد واحدة مفيهاش غلطة ده غير ان قطع الغيار بدات فى الاندثار خصوصا الاستيراد فبقت غالية انما الجديد سهل فوانيس وشبكة الخ
ارتفاع تكلفة الدفع الخلفى
قدم الشكل والتصميم
استهلاك بنزين عالى
صوت الموتور عالى


اما الرييجاتا ميزاتها
موتور ناعم
كماليات كتير لذيذة باور وفتحة سقف وتكييف الخ
شكل حديث وانيق
رخص تكلفة الكبالن
تقبل تعديلات كتير ومواتيرها رخيصة وكتيرة

عيوبها
مش منتشرة قوى وبالتالى برضه قطع غيارها غالية فى حاجات كتير وان كانت برضه مش لدرجة ال 132 انما اغلى من الشاهين
عربية على علب وبالتالى الشاسيه ضعيف وسهل يتشرخ
قصر عمر الكبالن
عفشتها اضعف من 132 وان كانت بتستحمل

اهم حاجة لو هتشترى 132 يكون الموتور والفتيس والكرونة بحالة فوق الممتازة لانهم مكلفين قوى
ولو هتشترى ريجاتا يكون الصاج كله وبالذات العلب سليم جدا ومفيش اى شروخ او لحامات فى الرقبة او الارضية او الركب

انا حاولت اكون محايد بس بصراحة لو كنت مكانك هادفع المبلغ ده فى شاهين او سوزوكى سويفت او سكودا فيليشيا
انما فى الاخر دى مسالة اذواق