شكلو كده هيعملها معايا....

[juju]

من كام يوم تكيف البونتو جيت أشغلو ماشتغلش ياعم الله يهديك ... ومشيت شوية وجربت تانى راح أشتغل وأمبارح عمل نفس الحركة تانى مارديش يشتغل وبعد ما مشيت شوية أشتغل عادى. حد عندو أى فكرة ممكن يبقى العيب فى ايه؟؟

[mohmdomar]

انت قصدك بالتكييف المروحة مش بطلع هوا ولا بتطلع هوا لكن مش ساقع؟

لو مش بتطلع هوا خالص يبقي غالبا دي مقاومة المروحة ودي عبارة عن زي فيشة كدا ومكانها تحت درج التابلوه.. لو عمل الحركة دي معاكي هزيها كدا بأيدك وحتشتغل .. ولو العيب اتكرر كتير روحي لكهربائي خليه يلغي المقاومة دي خالص

[juju]

شكرا على الرد
هو فعلا مش بيطلع هوا خالص ولا سخن ولا ساقع... لو عمل كده تانى هروح لكهربائى يتصرف معاه علشان فى الجو ده صعب أوى من غير تكيف

[yoko]

نضفي فلتر التكيف وإتأكدي إن المروحة شغالة

[juju]

حاضر هوديه للراجل وهو يتصرف

[eslam_fashion]

لو بونتو جديدة وفي الضمان روحى التوكيل متسيبيش حقك

[Ahmed.Ali]

هو حضرتك عملتي ايه صحيح؟؟؟

[juju]

لو بونتو جديدة وفي الضمان روحى التوكيل متسيبيش حقك

لا الحقيقة هى مش جديدة دى موديل 2001

[juju]

هو حضرتك عملتي ايه صحيح؟؟؟

والله أنا طبعا كالعادة طنشت وكسلت أروح فى حتة وبعد كده هو بقى شغال عادى معملش كده تانى .. العربية دى شكلها مجنونة

[aasem33]

السلام عليكم::كان عندى نفس المشكلة والسبب فعلا الفيشة اللى تحت التابلوه ساعات بتعلق هى سهل تفكيها وتركبيها تانى او روحى لكهربائى عموما الموضوع بسيط