محتااار جدا ( لملاك ايفو )

[tttottti]

يا جماعة انا محتار جدا دلوقتى انا قدامى اختيارين اول واحد انى اشترى جين 2 و التانى انى اشترى فيات بونتو ايفو طبعا انا عارف ان الاختلاف كبير جداااااااااااا وفرق شاسع بين الاتنين دى فيات ماركة كبيرة جدا والبروتون على قدها شوية مع انى بعشقهااا بس انا ميهمنيش الكلام ده انا اللى يهمنى الجودة والمتانة والصاج و و و و و و واهم شىءءءء ( قطع الغيار ودى المشكلة انا عايز اعرف مين اللى قطع غيارها اغلى الجين ولا الايفوو عشان الحاجة الوحيدة اللى حتفرق معايا فى شراء العربية قطع غيارها انا عارف ان توكيل اوماترا رخم بس اهم حاجة ان قطع غياره تكون موجودة و رخيييييييييصة فأرجوووكم حد يساعدنى فى الاختيار الصعب ده انا بصراحة منحاز للجين بس بردوا هوا الواحد حيشترى كام عربية فى حياتة ؟؟ وياريت يا جماعة اللى يرد عليا يساعدنى بجد ويقولى الفرق فى اسعار قطع الغيار ويفيدنى بخبرتة انما ميقوليش لو انتا مرتاح للجبن هات ماهو مش موضوع راحة لازم بردوا احسبها صح فأرجوكم ساعدونىى حاجة اخيرة بقى بالنسبة لقطع الغيار اللى انا بسأل عليها دى هل هى موجودة فى مدينة الحرفيين واية اسعارها جوة التوكيل وبرة واى حد من اسكندرية يقولى الحرفيين فين مكانها بالظبط كدة اكون شاكر ليكم واسف على الاطالة


انا اسمى احمد من الاسكندرية

[yoko]

بص قطع الغيار الإتنين غاليين بس حاجات وحاجات يعني مثلا تيل الفرامل للجين ٢ في التوكيل عامله باكو (على حسب ما أسمع) الإيفو ٤٠٠ أو٥٠٠ تيجي مثلا في فلتر الهواء هتلاقي الإيفو عامله ١٠٠ جنيه في الجين أرخص بحبة حلويين وكده يعني والإتنين قطع الغيار بتاعتهم قليله وأوقات مش موجوده في التوكيل

[Moe86]

شوفت دي؟ أسعار بعض القطع في التوكيل، الجراند والايفو واحد

http://www.nilemotors.net/Nile/144402-a.html

[yoko]

بس الأسعار دي إتغيرت

[tttottti]

بص قطع الغيار الإتنين غاليين بس حاجات وحاجات يعني مثلا تيل الفرامل للجين ٢ في التوكيل عامله باكو (على حسب ما أسمع) الإيفو ٤٠٠ أو٥٠٠ تيجي مثلا في فلتر الهواء هتلاقي الإيفو عامله ١٠٠ جنيه في الجين أرخص بحبة حلويين وكده يعني والإتنين قطع الغيار بتاعتهم قليله وأوقات مش موجوده في التوكيل

باشا ربنا يخليك انا ملاحظ الكلام ده ان فعلا فية حاجات اسعارها هنا عالية وهنا لا والعكس صحيح طيب بزمتك مش دى حاجة تحير انا مش عارف اعمل اية والله العظيم والفرق 15 الف يعنى مش حاجة بسيطة وبالنسبة لاوماترا سمعت انو توكيل سىء جداااااااا برجاء المساعدة :(

[tttottti]

شوفت دي؟ أسعار بعض القطع في التوكيل، الجراند والايفو واحد

http://www.nilemotors.net/nile/144402-a.html

شكرا لمجهودك ده بس للاسف الاسعار دى اتغيرت فعلا

[Moe86]

الأسعار اتغيرت بجد ؟ أنا مقاطع التوكيل من زمان و معرفش الكلام دة, هى الأسعار زادت قوى ولا اية ؟

[yoko]

حاجات وحاجات يعني التيول رخصت لكن فلاتر الهواء غليت (فيات ٥٠٠ ال١٣٠٠ سعر الفلتر زاد أكتر من ١٠٠٪ في أقل من سنة!!!!)

[tttottti]

بردوا يا جماعة انا لسة معرفتش اجيب ايييييييية والفرق كبير دول 15000 جنية انا راى انى احطهم فى البنك واى حاجة تحصل فى العربية ( الجين ) اصلحها من المبلغ ده انما لو جبت الايفو حبقى على الجنط d: ف انتوا اية رأيكم ؟

[Ghosts]

بردوا يا جماعة انا لسة معرفتش اجيب ايييييييية والفرق كبير دول 15000 جنية انا راى انى احطهم فى البنك واى حاجة تحصل فى العربية ( الجين ) اصلحها من المبلغ ده انما لو جبت الايفو حبقى على الجنط d: ف انتوا اية رأيكم ؟

بص يا أخ أحمد .....
أنا زيك بالظبط ......
الأيفو دى كانت بالنسبة لى حبى الأول و الأخير .....
عايز أقولك أنى قاعدت مدة طويييييلة أقرا عنها و متابع أخبارها .....
لحد ما غليت فجأة
فالقيت أن البديل الأنسب هو الجين 2
ولقيت فيها كمان مميزات مش موجودة فى الأيفو ....
زى قوة الموتور ( الأيفو 77 حصان والجين 2 110 حصان ) ....
والشنطة الأوسع ودى حاجة مهمة جدآ لأى أسرة
وقطع غيار الجين 2 أرخص لأن فى منها تايوانى و تركى و بتباع فى أماكن كتير برة التوكيل .....
دة غير أن سعر أعادة البيع اللى بقى فى صالح الجين 2 لأنها منتشرة أكتر و قدرت تعمل أسم فى السوق المصرى ....
الفيات الجديد دلوقتى بقى قليل قوى وخصوصآ فى القاهرة .....
وأتوقع أن مبيعات فيات هتقل جدآ الأيام اللى جاية لأن أسعارها زادت بشكل مباااااالغ فية .....
أنت أولى ب ال 15000 جنية دول ......
أتكل على اللة وهات الجين 2 علطول .....
ربنا يوفقك .

[loodaa]

بص يا أخ أحمد .....
أنا زيك بالظبط ......
الأيفو دى كانت بالنسبة لى حبى الأول و الأخير .....
عايز أقولك أنى قاعدت مدة طويييييلة أقرا عنها و متابع أخبارها .....
لحد ما غليت فجأة
فالقيت أن البديل الأنسب هو الجين 2
ولقيت فيها كمان مميزات مش موجودة فى الأيفو ....
زى قوة الموتور ( الأيفو 77 حصان والجين 2 110 حصان ) ....
والشنطة الأوسع ودى حاجة مهمة جدآ لأى أسرة
وقطع غيار الجين 2 أرخص لأن فى منها تايوانى و تركى و بتباع فى أماكن كتير برة التوكيل .....
دة غير أن سعر أعادة البيع اللى بقى فى صالح الجين 2 لأنها منتشرة أكتر و قدرت تعمل أسم فى السوق المصرى ....
الفيات الجديد دلوقتى بقى قليل قوى وخصوصآ فى القاهرة .....
وأتوقع أن مبيعات فيات هتقل جدآ الأيام اللى جاية لأن أسعارها زادت بشكل مباااااالغ فية .....
أنت أولى ب ال 15000 جنية دول ......
أتكل على الله وهات الجين 2 علطول .....
ربنا يوفقك .

+11111111111111111111111111111111111111

[mohamedgamall]

فعلا والله انا لما سمعت ان الايفو غليت 10000 جنية حسيت ان فى حد بيضرب العربية دية بالرصاص يعنى هما كدة موتوا سوقها تماما و وصلولها لفئة سعرية العربيات اللى فيها تتفوق على الايفو زى الابيزا

[tttottti]

ربنا يخليكم يا جماعة بجد مش عارف اشكركم ازاى على المجهود الرائع ده :)

[karimalaa]

فعلا والله انا لما سمعت ان الايفو غليت 10000 جنية حسيت ان فى حد بيضرب العربية دية بالرصاص يعنى هما كدة موتوا سوقها تماما و وصلولها لفئة سعرية العربيات اللى فيها تتفوق على الايفو زى الابيزا

والله ما عارف اقول لك ايه....صلي استخارة و ربنا يسهلك ان شاء الله بس اعمل حسابك لو ايفو يبقى في اوماترا لازم تتعامل جامد شوية...تبينلهم انك مخنوق يعني و مش طايق (الكلام والحجج الفاضية اللي بيقولوها)
و بالنسبة للايبيزا....الايبيزا أو البولو من اول ما طلعوا عمرهم ما تفوقوا على البونتو ...البونتو اكثر سيارة مبيعا في فئة supermini.
بس ده ميمنعش انها زادت جدا من غير سبب مقنع...

[mohamedgamall]

ايوة يا كريم مهى الاكثر مبيعا علشان الارخص و عربية كويسة مش عربيية اى كلام لا عربية ممتازة بس الابيزا احسن لانها ماتور اقوى و هتحس انها متكلفة اكتر حتى تبان من فتحة الباب و قفلة تحس انها انعم فى الابيزا عن الايفو بكتير فالبونتو عربية حلوة جدا و اوبشنها هايل بس لما تبدا توصل لسعر عربيات تانية زى الابيزا و البولو و الفيستا اكيد هتحتار اوى و انت جاى تشترى انت لما كنت بتقارنها بالاكسنت و الريو كان الكلام بيخلص فى ساعتها و الناس كلها تقولك طبعا الايفو