بخصوص العضو فورميلاتور

[semsem_uno]

فورميولاتور شخصية محترمة جدااااااااااا و مفيدة جدا جداااا و انا شايف انه يرجع
و شايف ان في ناس تانية هي اللي المفروض تتوقف زي الل يكتبو مواضيع و ميقولوش حتى كلمة شكرا و اللي عمرهم ما بيردوا على حد و عاملين العضوية للمشاهدة فقط
و فورميولاتور حتى لو كان مندفع فهو عن حق و كمان كلامه كله صح

[osamy]

بعد ما خلصت ضحك على جملة "هزمة نقاشيا" احب استفسر منك على حاجة.... انت بتتهمنى انى كنت السبب فى وقف فورميلاتور بدون وجه حق؟

mmamdouh

انا مابتهمش حضرتك انا رأيي ان لو فورميلاتور جاله انذار او وقف بسبب المناقشه دي سواء بطريقه مباشره (ودي معروفه) او بطريقه غير مباشره (عن طريق ان العين تبقى عليه ونقفله على الواحده) يبقى فعلا بدون وجه حق وده رأيي الشخصي
ثانيا
ليه حضرتك ضحكت على الكلمه؟؟؟؟؟!!!!!!!!!!!!!!!!!!!!!!!!!
هيه حاجه عيب يعني!!!!!!!!!
هوه حضرتك فاهم في كل حاجه وخبير في كل حاجه لدرجة انك لا تهزم نقاشيا ؟؟؟؟؟؟
يمكن !

[osamy]

مضبوط... و البداية الصح هى ان كل الناس تبقى سواسية و القوانين تطبق على الكل و ميبقاش فيه فرق بين عضو قديم و جديد و اللى يغلط ياخد عقابة... عشان واضح ان "التخفيف" و "التماس الاعذار" بيجيبوا نتائج عكسية

mmamdouh

يا ريت والله
هو احنا نكره

[MMamdouh]

فورميولاتور شخصية محترمة جدااااااااااا و مفيدة جدا جداااا و انا شايف انه يرجع
و شايف ان في ناس تانية هي اللي المفروض تتوقف زي الل يكتبو مواضيع و ميقولوش حتى كلمة شكرا و اللي عمرهم ما بيردوا على حد و عاملين العضوية للمشاهدة فقط
و فورميولاتور حتى لو كان مندفع فهو عن حق و كمان كلامه كله صح

صعب ان الادارة و الاشراف يعملوا حاجة زى كدة... مفيش حاجة بتفرض على كل عضو سجل نفسة انه يشارك بمداخلات او مواضيع و مفيش اى حاجة بتجبر اى عضو يشكر الزملاء على اى معلومة او مساعدة يقدموها... بالتالى الادارة و الاشراف لا يملكون اى سلطة لتطبيق الاقتراح دة

دة بيحصل بشكل طبيعى بين الاعضاء لما مثلا احد الاعضاء المعروف انهم بيساعدوا الزملاء بشكل دائم يطلب مساعدة حتلاقى كل الناس بتحاول تساعدة... حتى اللى مش معتاد يساعد او يبحث عن حل حتلاقية بداء يبذل ولو مجهود قليل عشان يساعد العضو دة لا لشىء الا لانة شايف ان العضو يستحق المساعدة لانة بيبذل مجهود لمساعدة الاخرين

العكس صعب تحقيقة لان مش كل عضو جديد مطالب يتفاعل بقوة لان ممكن تبقى معلوماتة قليلة او هو جاى يبحث عن حل لمشكلة و هو اساسا مش من اهتماماتة عالم السيارات بالتالى منقدرش نمنعة من المشاركة و التفاعل

MMamdouh

[refattosa]

استاذ محمد ممدوح ...حضرتك رديت علي كل التعليقات حتي الغير مهمة منها و لكن ما رديتش علي المشاركة دي...... و شكرا

منتدى نايل موتورز هو صرح عملاق ....
ساهم فى تشيدة كل مشاركات أعضاءة ( مهما كانت بسيطة ) ....
فصعب أوى أنى أقول لواحد ساهم فى البناء أمشى أطلع برة ومش عايز أشوف وشك تانى ....
أنا شايف أنها عقوبة يجب أن تخفف ....
يعنى لو حد تطاول على حد أو سخر منة أو خالف قاعدة من قواعد المنتدى ....
ممكن يتوقف يوم أو أسبوع ....
لو التصرف دة أتكرر تانى يبقى الأيقاف لمدة أطول ....
يعنى ممكن يتم أيقاف العضو شهر , أتنين , ستة , سنة ....
لكن الأيقاف النهائى دة يبقى فى الحالات الخطيرة بس ....
زى إزدراء الأديان أو عرض فيديو مخل ....
وبالنسبة للأخ فورميلاتور .....
هو ممكن يكون أسلوبة حاد شوية ....
لكن أنا فعلآ أستفدت كتير من مشاركاتة ....
وحقيقى المنتدى خسرة وخسر ناس تانية كتير ....

[MMamdouh]

انا مابتهمش حضرتك انا رأيي ان لو فورميلاتور جاله انذار او وقف بسبب المناقشه دي سواء بطريقه مباشره (ودي معروفه) او بطريقه غير مباشره (عن طريق ان العين تبقى عليه ونقفله على الواحده) يبقى فعلا بدون وجه حق وده رأيي الشخصي

ألنقاش بينى و بين فورميلاتور توقف فى الموضوع اللى انت ذكرتة من زمان و الموضوع مشى بعد كدة عادى خالص و هو متوقفش بسببى ولا حاجة... لا انا عملت تقرير مشاركة بطالب بمعاقبتة ولا هو اساسا عمل حاجة مخالفة للقوانين عشان يتوقف بالتالى الافتراض الاول غير صحيح

و حتى تاريخ فتح الموضوع اللى احنا بنتكلم فيه انا مكنتش اعرف اصلا انه اخد وقف نهائى... انا دخلت اوضح تفاصيل و شروط الوقف النهائى كعضو مجلس ادارة فقط و الكلام اللى قولتة كان حيتقال بالنص لو كان الموضوع عن اى عضو تانى غير فوميولاتور لان القاعدة المطبقة واحدة فى كل الاحوال

و انا مكنش عندى خلفية عن الاحداث السابقة ولا تفاصيل الوقف... و الدليل انى مكنتش حتى عارف انة اتوقف اكتر من 3 مرات بالفعل و تم تخفيف عقوبة الوقف النهائى مرتين الا لما اتبعتلى رسالة فيها التفاصيل دى

و اكيد مش كل واحد حدخل معاه فى مناقشة و رائية يبقى مختلف عن رائى حتلككلة و اوقفة... المنتدى مش عزبة و كل واحد بيعمل اللى هو عايزة ول هوا قالب اصم كل الناس فيه راى واحد و فكر واحد ... لو هى كدة كان المنتدى بقى فيه 500 عضو فقط و كلهم بيقولوا امين لاى حد من الادارة و شكرا على كدة

المنتدى فيه فريق اشراف كبير ماشى حسب القواعد و القوانين و الفريق دة بيراقبة مجلس ادارة و المجلس ككل يقدر يحاسب اى عضو مجلس ادارة يرتكب خطاء من خلال لجنة فض منازعات بالتالى مينفعش حد "يتلكك" ولا "يستقصد" حد لان مفيش حد بياخد قرار منفرد بمزاجة

اعتقد كدة يبقى الافتراضين بتوعك صعب تحققهم جدا جدا الا اذا كان فريق الاشراف و الادارة و لجنة فض المنازعات على بعض عبارة عن عصابة كبيرة

ثانيا
ليه حضرتك ضحكت على الكلمه؟؟؟؟؟!!!!!!!!!!!!!!!!!!!!!!!!!
هيه حاجه عيب يعني!!!!!!!!!
هوه حضرتك فاهم في كل حاجه وخبير في كل حاجه لدرجة انك لا تهزم نقاشيا ؟؟؟؟؟؟
يمكن !

ضحكت جدا عشان حاجتين:

اول حاجة كلمة "هزمت".... الموضوع مش معركة فيها غالب و مغلوب و عمر ما كان الهدف من اى نقاش او حتى جدال ان حد يفوز و حد ينهزم

الاحساس بان اى نقاش معركة بيفقدة موضوعيتة و بالتالى مش حيبقى فيه فائدة منة لا للاطراف اللى بتتناقش ولا الاطراف اللى بتتابع الموضوع لان كل طرف بيحاول يفوز و يكسب مجد شخصى بغض النظر عن الموضوع المطروح ولا المعلومات المتبادلة ولا الافادة و الاستفادة بشكل عام

و قبل كدة كنت اتكلمت فى الجزئية دى ايام وقف المهندس سمير عياد و قولت ان مش شرط فى اى مناقشة واحد يطلع صح وواحد يطلع غلط... ممكن الاتنين يطلعوا صح بس بشرط ان متغير معين يكون فى حالة معينة زى ما حصل فى موضوعى مع المهندس طارق فى موضوع التكييف و طلع كلامنا احنا الاتنين صح بس كل واحد فينا ماشى فى اتجاه غير التانى... و ممكن الاتنين يطلعوا غلط و الصح حاجة تالتة خالص و فى الحالة دى الطرفين بيستفيدوا من المناقشة و يصححوا معلوماتهم او على الاقل يضيفوا ليها معلومات جديدة

فى النهاية اللى اقصدة ان الموضوع مش معركة... الموضوع سعى وراء المعرفة

تانى حاجة ضحكت عليها هى "نقاشيا" لان الموضوع مكنش مناقشة... هو كان جدل ممزوج بتنشيف الدماغ و انا سيبت المناقشة لما لقيت الموضوع ماشى فى السكة دى لان زى ما قولت مش حنوصل لحاجة مفيدة طالما فيه طرف مش عايز يتقبل راى الاخرين... النقاش بطبيعتة تبادل وجهات نظر و بحث فى المعلومات و الحقائق المطروحة للوصول الى الحل او الاختيار الانسب... لو احد الاطراف متمسك بمبداء "انا صح و خلاص" يبقى كدة احنا بنحرت فى البحر و مش حنوصل لحاجة و دة السبب انى خرجت من المناقشة نتيجة غياب الموضوعية

اذا معنى كدة انى لا كنت فى "معركة" ولا كان فيه "نقاش" من اساسة بالتالى جملة "هزمت نقاشيا" اصبحت جملة مضحكة بالنسبة ليا

و على فكرة انا عمرى ما قولت انى اعرف كل حاجة فى كل حاجة و مفيش حد يعرف كل حاجة فى كل حاجة... بس لو عايز تتناقش مع اى حد لازم اولا تسمع اللى قدامك و تناقشة و انت متقبل انة ممكن يكون هو صح و انت غلط و تحلل الكلام اللى بيقولة و تدرس الادلة اللى بيجيبها و فى الاخر تكون انت و هو راى... قد يكون تاكيد على وجهة نظرك انت (و فى الحالة دى يبقى انت الاصح) او قد يكون تاكيد على وجهة نظرة هو (و فى الحالة دة يبقى هو الاصح) او قد يكون الناتج تاكيد عليكم انتوا الاتنين ( و فى الحالة دى يبقى فيه متغير معين هو اللى سبب الخلاف فى وجهات النظر من الاول) او قد يكون الناتج حاجة غير وجهات نظركم انتوا الاتنين ( و هنا يبقى انتوا الاتنين فاهمين حاجات غلط و معلومات كل واحد افادت التانى)

لاحظ انى استخدمت مصطلح "وجهة النظر الاصح" لاننا بنبحث عن الصح مش بنبحث "مين اللى غلط"... و لو النقاش فقد الشروط اللى ذكرتها فى الاول بين الناس اللى بتتناقش يبقى النقاش ملوش اى لزمة ولا اى داعى ان الواحد يشارك فيه او حتى يتابعة... لان فى الغالب حتلاقى الموضوع عبارة عن كلام مرسل و جدل عقيم لن يفيد اطراف الموضوع ولا متابعية

MMamdouh

[MMamdouh]

يا ريت والله
هو احنا نكره

انا عارف قصدك من التعليق دة و ردى عليك بسيط جدا...

العبد لله اتوقف قبل كدة زية زى اى عضو بيخالف قاعدة فى المنتدى... و كريم منير اتوقف برضة قبل كدة لانة خالف قاعدة من قواعد المنتدى

تحب نوقف حد تانى عشان تطمئن ان محدش فوق القانون؟ (بس يكون عامل مخالفة بجد عشان منروحش فى داهية)

MMamdouh

[fouady]

بدون دخول فـتفصيل ... أنا مع جزئية إن فعلا مينفعش يبقى الغاء عضوية فـأي حال إلى فـحالة الكبائر غير كده يبقى الموضوع واقف تصاعدي هيبقى أفضل لكن واقف مدى الحياة دي فعلا مش مقتنع بيها قوي

[MMamdouh]

استاذ محمد ممدوح ...حضرتك رديت علي كل التعليقات حتي الغير مهمة منها و لكن ما رديتش علي المشاركة دي...... و شكرا

هى فكرة تستحق الطرح و المناقشة... انا شايف ان الاصلح و الافضل فتح موضوع جديد فى قسم الاقتراحات و يتم وضع الاقتراح دة عشان ندى فرصة لكل اعضاء المنتدى تشارك معانا برائيها فى الموضوع و فى نفس الوقت نشوف راى مجلس الادارة

بعد اذنك افتح موضوع جديد فى قسم الاقتراحات و اكتب فيه الاقتراح دة

MMamdouh

[ashouhdy]

هو formulator مشكلتة الوحيدة ان لا يرى غير الاوروبى بس قدام عينية

ولما بيقارن بيقارن بين البرافو تربو 150 حصان او الالفاروميو سيليسبيد ب دايو لانوس او جولييت !! ودى مقارنة ظالمة تماما

لأن فى عربيات كورى عالية اوى اوى تتقارن بالعربيات دى ذى الجينيسس و الجينيسس كوبية و السوناتا وخلافة

[mohamedgamall]

بدون دخول فـتفصيل ... أنا مع جزئية إن فعلا مينفعش يبقى الغاء عضوية فـأي حال إلى فـحالة الكبائر غير كده يبقى الموضوع واقف تصاعدي هيبقى أفضل لكن واقف مدى الحياة دي فعلا مش مقتنع بيها قوي

+1111111

[mohamedgamall]

هى فكرة تستحق الطرح و المناقشة... انا شايف ان الاصلح و الافضل فتح موضوع جديد فى قسم الاقتراحات و يتم وضع الاقتراح دة عشان ندى فرصة لكل اعضاء المنتدى تشارك معانا برائيها فى الموضوع و فى نفس الوقت نشوف راى مجلس الادارة

بعد اذنك افتح موضوع جديد فى قسم الاقتراحات و اكتب فيه الاقتراح دة

mmamdouh

فعلا كلامك مظبوط احنا مش عايزين استثاء احنا عايزين نعدل و نعيد صياغة بعض قواعد المنتدى و اظن ان ادارى المنتدى من الديموقراطية بحيث انها تدينا الحق دة

[mohamedgamall]

بينا على قسم الاقتراحات يا رجالة

[Ghosts]

ياريت المنتدى يفتح صفحة جديدة مع كل الأعضاء اللى تم وقفهم ....
مش مع فورميلاتور وبس ....

[osamy]

ألنقاش بينى و بين فورميلاتور توقف فى الموضوع اللى انت ذكرتة من زمان و الموضوع مشى بعد كدة عادى خالص و هو متوقفش بسببى ولا حاجة... لا انا عملت تقرير مشاركة بطالب بمعاقبتة ولا هو اساسا عمل حاجة مخالفة للقوانين عشان يتوقف بالتالى الافتراض الاول غير صحيح

و حتى تاريخ فتح الموضوع اللى احنا بنتكلم فيه انا مكنتش اعرف اصلا انه اخد وقف نهائى... انا دخلت اوضح تفاصيل و شروط الوقف النهائى كعضو مجلس ادارة فقط و الكلام اللى قولتة كان حيتقال بالنص لو كان الموضوع عن اى عضو تانى غير فوميولاتور لان القاعدة المطبقة واحدة فى كل الاحوال

و انا مكنش عندى خلفية عن الاحداث السابقة ولا تفاصيل الوقف... و الدليل انى مكنتش حتى عارف انة اتوقف اكتر من 3 مرات بالفعل و تم تخفيف عقوبة الوقف النهائى مرتين الا لما اتبعتلى رسالة فيها التفاصيل دى

و اكيد مش كل واحد حدخل معاه فى مناقشة و رائية يبقى مختلف عن رائى حتلككلة و اوقفة... المنتدى مش عزبة و كل واحد بيعمل اللى هو عايزة ول هوا قالب اصم كل الناس فيه راى واحد و فكر واحد ... لو هى كدة كان المنتدى بقى فيه 500 عضو فقط و كلهم بيقولوا امين لاى حد من الادارة و شكرا على كدة

المنتدى فيه فريق اشراف كبير ماشى حسب القواعد و القوانين و الفريق دة بيراقبة مجلس ادارة و المجلس ككل يقدر يحاسب اى عضو مجلس ادارة يرتكب خطاء من خلال لجنة فض منازعات بالتالى مينفعش حد "يتلكك" ولا "يستقصد" حد لان مفيش حد بياخد قرار منفرد بمزاجة

اعتقد كدة يبقى الافتراضين بتوعك صعب تحققهم جدا جدا الا اذا كان فريق الاشراف و الادارة و لجنة فض المنازعات على بعض عبارة عن عصابة كبيرة



ضحكت جدا عشان حاجتين:

اول حاجة كلمة "هزمت".... الموضوع مش معركة فيها غالب و مغلوب و عمر ما كان الهدف من اى نقاش او حتى جدال ان حد يفوز و حد ينهزم

الاحساس بان اى نقاش معركة بيفقدة موضوعيتة و بالتالى مش حيبقى فيه فائدة منة لا للاطراف اللى بتتناقش ولا الاطراف اللى بتتابع الموضوع لان كل طرف بيحاول يفوز و يكسب مجد شخصى بغض النظر عن الموضوع المطروح ولا المعلومات المتبادلة ولا الافادة و الاستفادة بشكل عام

و قبل كدة كنت اتكلمت فى الجزئية دى ايام وقف المهندس سمير عياد و قولت ان مش شرط فى اى مناقشة واحد يطلع صح وواحد يطلع غلط... ممكن الاتنين يطلعوا صح بس بشرط ان متغير معين يكون فى حالة معينة زى ما حصل فى موضوعى مع المهندس طارق فى موضوع التكييف و طلع كلامنا احنا الاتنين صح بس كل واحد فينا ماشى فى اتجاه غير التانى... و ممكن الاتنين يطلعوا غلط و الصح حاجة تالتة خالص و فى الحالة دى الطرفين بيستفيدوا من المناقشة و يصححوا معلوماتهم او على الاقل يضيفوا ليها معلومات جديدة

فى النهاية اللى اقصدة ان الموضوع مش معركة... الموضوع سعى وراء المعرفة

تانى حاجة ضحكت عليها هى "نقاشيا" لان الموضوع مكنش مناقشة... هو كان جدل ممزوج بتنشيف الدماغ و انا سيبت المناقشة لما لقيت الموضوع ماشى فى السكة دى لان زى ما قولت مش حنوصل لحاجة مفيدة طالما فيه طرف مش عايز يتقبل راى الاخرين... النقاش بطبيعتة تبادل وجهات نظر و بحث فى المعلومات و الحقائق المطروحة للوصول الى الحل او الاختيار الانسب... لو احد الاطراف متمسك بمبداء "انا صح و خلاص" يبقى كدة احنا بنحرت فى البحر و مش حنوصل لحاجة و دة السبب انى خرجت من المناقشة نتيجة غياب الموضوعية

اذا معنى كدة انى لا كنت فى "معركة" ولا كان فيه "نقاش" من اساسة بالتالى جملة "هزمت نقاشيا" اصبحت جملة مضحكة بالنسبة ليا

و على فكرة انا عمرى ما قولت انى اعرف كل حاجة فى كل حاجة و مفيش حد يعرف كل حاجة فى كل حاجة... بس لو عايز تتناقش مع اى حد لازم اولا تسمع اللى قدامك و تناقشة و انت متقبل انة ممكن يكون هو صح و انت غلط و تحلل الكلام اللى بيقولة و تدرس الادلة اللى بيجيبها و فى الاخر تكون انت و هو راى... قد يكون تاكيد على وجهة نظرك انت (و فى الحالة دى يبقى انت الاصح) او قد يكون تاكيد على وجهة نظرة هو (و فى الحالة دة يبقى هو الاصح) او قد يكون الناتج تاكيد عليكم انتوا الاتنين ( و فى الحالة دى يبقى فيه متغير معين هو اللى سبب الخلاف فى وجهات النظر من الاول) او قد يكون الناتج حاجة غير وجهات نظركم انتوا الاتنين ( و هنا يبقى انتوا الاتنين فاهمين حاجات غلط و معلومات كل واحد افادت التانى)

لاحظ انى استخدمت مصطلح "وجهة النظر الاصح" لاننا بنبحث عن الصح مش بنبحث "مين اللى غلط"... و لو النقاش فقد الشروط اللى ذكرتها فى الاول بين الناس اللى بتتناقش يبقى النقاش ملوش اى لزمة ولا اى داعى ان الواحد يشارك فيه او حتى يتابعة... لان فى الغالب حتلاقى الموضوع عبارة عن كلام مرسل و جدل عقيم لن يفيد اطراف الموضوع ولا متابعية

MMamdouh

بص انا قولت ان لو جاله انذار او وقف بسبب المناقشه دي فده يبقى فعلا بدون وجه حق وده رأيي الشخصي
والله اعلم هل كان فيه تصيد ليه ولا لا انا عمري ما هعرف علشان كده قلت لو
وربنا بقى الي بيراقبنا

اما بقى ان دي مش مناقشه وان دي مجادله وان دي مش معركه وان مش عارف ايه ..... وحبه التفاسير دي

فاي حد يشوف الموضوع يقول انه كان فيه اتنين بيتصارعوا لأثبات وجهه نظرهم وان فيه واحد اثبت وجهه نظره وطلع كلامه صح علشان كده قلت هزمت وده مش عيب انا شايف انه عادي جدا

وانا الي مزعلني مش ان حضرتك وقفته او او او .....
لا انا الي فعلا مزعلني (دا غير زعلي على فورميلاتور) ان حضرتك في نفس الموضوع انك غلط اكتر منه (مش في الكم في الكيف... انا حبيت اوضح علشان حضرتك بتحلل كل كلمه )
يعني انا شايفه ماغلطش في حضرتك مع انك اتريقت عليه كذا مره زي مثلا لما قلتله بتتفرج على كرتون كتير
وهوه حاول يهدي الموضوع


المهم في الاخر

الوقف النهائي شديد
وبعدين المنتدى كده هيخسر
هيخسر ان فيه واحد كويس جدا زي فورميلاتور مش هيعلق فيه
وهيخسر اكتر ان فيه اعضاء تبتدي تحس بالي انا حسيته (واكيد مش انا لوحدي)
وده ممكن يخلي الاعضاء تتخنق من المنتدى بعد فتره خصوصا لما يشوفو ان الكلام ده بيتعمل مع واحد فاهم وجامد زيه

وبعدين الحل مش الوقف احنا المفروض بقى نتغير
يعني نشوف مثلا ليه فورميلاتور بيعمل كده (من وجهه نظر حضرتك)
مش يمكن يكون حاسس بحاجه غلط من ناحيه الاداره؟
لو فعلا هوه بيكرر نفس الغلط وانتوا مش عارفين ليه
يبقى لازم يكون فيه حوار وتتكلموا معاه وتشوفوا وجهة نظره
لانه مش شب سيس رما كلمه وشتم مثلا وخلع
لا دا راجل فاهم وبيفيد الاعضاء بمعلوماته
صح ولا ايه