شباب ساعدوني اللة يخليكم

[hashim919]

ازيكوا احلى شباب
انا واقع في مشكلة اختيار عربية
طبعا اللوجان والساجا مكتسحين
بس اتصدمت اما عرفت ان علبة دركسيون اللوجان ب 7000 الاف جنية
والساجا شفت بعيني تقفيلها تحس انها لعبة المسوجر بتاع الباب شكلة قفلني من العربية كلها

مش هكدب عليكوا اللوجان تحفة وتقفيل كويس

بس انا عديت علي اوماترا في طنطا عجبتني اوي البيا تقفيل ممتاز واسعة وشنطة واسعة وعالية زي اللوجان

عيبها الوحيد ان توكيل اوماترا سمعتة مش حلوة بس اللي في دماغي ان ال البيا مش ايفو يعني فمش شرط اعمل كل حاجتي في التوكيل .تفكيري كدا صح ولا رايكوا اية

[yoko]

هو التوكيل هيتصلح قريب جدا إن شاء الله على خلفيه مشاكل كبيرة معاهم حاليا
لكن كل الفيات التكونولجيا الي فيه عاليه وموتور الألبيا هو موتور الإيفو بنفس الكونترول وكل حاجة

[hashim919]

ربن يسهل ويتصلح حال التوكيل قبل ما اشتري ان شاء اللة هشتري في خلال الشهرين الجايين دول وربنا يوفق الجميع ومتشكر علي ردك ياكبير الفيات

[hazememam14]

معرفش حاجة فوي عن الالبيا بصراحة هي مش موجودة كتير بس ايام ما كنت بشتري شوفتها هي تقفيل تركي بس ممتاز و افتكر كان في لينيا تركي برضه فده مش عيب فيها يعني بالعكس انا بشوف ناس كتير بتشتكي من اللوجان بس يمكن عشان منتشرة فالعيوب بتظهر مع الانتشار , عامة لو بتفكر في الالبيا هي تقريبا كان في عليها عرض فاسأل كده شوف لسة موجود ولا لأ

[yoko]

ربن يسهل ويتصلح حال التوكيل قبل ما اشتري ان شاء الله هشتري في خلال الشهرين الجايين دول وربنا يوفق الجميع ومتشكر علي ردك ياكبير الفيات

التوكيل هيتصلح حالة إن شاء الله في أسابيع مش شهور إن شاء الله

معرفش حاجة فوي عن الالبيا بصراحة هي مش موجودة كتير بس ايام ما كنت بشتري شوفتها هي تقفيل تركي بس ممتاز و افتكر كان في لينيا تركي برضه فده مش عيب فيها يعني بالعكس انا بشوف ناس كتير بتشتكي من اللوجان بس يمكن عشان منتشرة فالعيوب بتظهر مع الانتشار , عامة لو بتفكر في الالبيا هي تقريبا كان في عليها عرض فاسأل كده شوف لسة موجود ولا لأ

اللينيا كله تركي مفيش لينيا إيطالي في العالم كله
والألبيا كانت بتنزل زمان بإسم بترا فهتلاقي كل حاجتها بره وإيطالي وتركي وبرازيلي وصربي وصيني وكلهم أصلي غير التقليد كمان

[hazememam14]

التوكيل هيتصلح حالة إن شاء الله في أسابيع مش شهور إن شاء الله

يااه بسرعة كده , يارب ان شاء الله يكون اتصلح قبل ما أبدأ أتعامل معاه أنا قدامي 4 أو 5 شهور كده ان شاء الله , بس أفهم من كده ان عندك معلومات سرية مثلا ولا حاجة ؟؟:b4_033:

[hashim919]

فعلا عليها عرض 68500 بدل 72000 والمندوب قالي لو هتشتري الشهر دة هعمل معاك واجب كمان في 500 جنية

[yoyome]

لو الألبيا تركي
شييييييييييل

العربية دية معمولة تاكسي في تركيا وركبتها كذا مرة هناك وشغالة زي الفل .. بس الصراحة هي كانت عفشتها ناشفة شوية زي فيات التسعينات كدة، مش عارف هل لأنها تاكسي و بالتالي مفحوتة ولا هي اصلا كدة

عربية كويسة وواسعة وسحبها لطيف و بما ان الناس بتقول موتور ايفو حيبقي كويس علي حجمها مش وحش .... المهم أخبار تكييفها علشان مش ناقصة تكييف اي كلام

[yoko]

يااه بسرعة كده , يارب ان شاء الله يكون اتصلح قبل ما أبدأ أتعامل معاه أنا قدامي 4 أو 5 شهور كده ان شاء الله , بس أفهم من كده ان عندك معلومات سرية مثلا ولا حاجة ؟؟:b4_033:

زي ما تقول كده بس يوصلي الرد النهائي وهتعرف كل حاجة إن شاء الله