العربية كانت هتولع بيا

[juju]

أنا حاسة انى قريت المشكلة دى قبل كده بس مش عارفة الاقيها تانى المهم... امبارح الحمد لله ربنا ستر بس العربية كانت هتولع بيا الحقيقة... كنت ماشية على كوبرى أكتوبر و مشغلة التكيف وفجأة ببص على الحرارة لاقيت المؤشر معدى ال 3/4 طفيت التكيف ووقفت شوية راح نزل لحد النص وهى عادة من غير التكيف بتبقى على النص بس امارح والنهاردة عملت الحركة دى حد يعرف ده من ايه؟؟

[karimalaa]

على أوماترا عدل و يكشفوا على دورة التبريد لو هي في الضمان و اطلبي تقرير مفصل بالحاجة المعيبة و اتغيرت ولا اتصلحت...عشان لو لا قدر الله اتكررت تاني تعرفي تاخدي حقك...ممكن تكون مروحة...ثرموستات...الريدياتور بيسرب...الله أعلم يعني

[hazememam14]

هي فعلا عندي الطبيعي بتاعها بعد ما أمشي ب ربع ساعة كده انها توصل للنص و تثبت علي كده , بس انها توصل ل 3/4 ده مش طبيعي فعلا , بس هو المفروض لما تشغلي التكييف الحرارة ما تزيدش يعني أفتكر مفيش علاقة لو مثلا المياه بتنقص هتنقص بالتكييف و من غيره ولا ايه

[yoko]

روحلهم وانا توقعي السرعة التانيه للمروحة مش شغاله مع فتح التكيف بس روحلهم يكشفوا عليها هما أضمن

[elpasha1]

غالبا دا حساس المروحة (السرعة التانية مبتشتغلش)

[khalid_adel]

هو المفروض لما التكيف يشتغل الحراره بتقل لانه بيشغل المروحه على طول فالحراره بتثبت
لكن كده محتاجه تشوفي المروحه (السرعه التانيه) بتشتغل ولا لأ
وبرضه كبس الميه (الضغط) والطلمبه شغالين كويس ولا لا
يعني فحص شامل لدوره التبريد وياريت لو تنضفيها بالمره (تنظيف دوره التبريد)

[juju]

متشكرة جدا ياجماعة بس هى الحقيقة مش فى الضمان هى موديل 2001 وانا فعلا فى حد قالى على موضوع المروحة ده وقالولى وديها لكهربائى . فى حد يعرف كهربائى كويس فى الهرم أو فيصل؟؟؟

[khalid_adel]

انا اعرف كهربائي كويس وبيفهم اوي وبيشتغل في الالفا واللانشيا والفيات كويس اوي
اسمه حسام الكهربائي
عند التعاون فيصل خلي العبد على شمالك وانتي ماشيه حتلاقي على اليمين مطعم اسمه نعمه ادخلي الشارع بتاعه حتلاقيه في اخر الشارع على اليمين وحتلاقي في وشك ورشه بي ام دبليو هو حسام ده اللي قدامه

[khalid_adel]

تعديل بسيط في عنوان الكهربائي
هو تاني يمين بعد جزارة الموسكي
على ناصيه الشارع مطعم (طعمه)
لسه مكلم واحد صاحبي اللي عرفني عليه :)

[juju]

اه طعمه عارفاه. بجد ربنا يكرمك انت كده سهلت على اوى الموضوع ده حتى انا ساكنة قريب من المكان ده . كتر ألف خيرك و بجد متشكرة اوى