إزاى موتور الشاهين انشط من اللوجان الزيرو ؟؟

[Mahmoud Nagieb]

سلام عليكم يا جماعة

بصراحة انا اول مرة اكتب فى قسم فيات .... وإن شاء الله متبقاش اخر مرة ...... انا معايا شاهين وبصراحة العربية ده عربية شغل ودايما متهانة لحد لما من حوالى شهر شدتها شدة حلوة عمرة وعفشة وفرامل وكله ... بصراحة من ساعتها بقت عروسة بتزغرط .... ومن ساعتها ما شاء الله حاسس ان موتور العربية بقى مهيبر مرة واحدة ... يعنى لما بكبس بنزين بحس ان فيه وحش فى الكبوت وكمان صوت الموتور العالى مدينى احساس انه فعلا وحش ... الى جانب ان تجميع الغيارات الاول والتانى والتالت بحس انه طلقة وان الموتور نشيط جدا .... بعكس مثلا اللوجان (الزيرو) اللى معايا بحس ان موتورها كسلان كده ومش بيجمع حلو زى الشاهين مع ان ده 1600 انجيكشن والشاهين 1300 كاربراتير ده بجانب فرق الاحصنة ووقت التصنيع

فعلشان كده بسأل هو ليه موتور الشاهين نشيط ودمه حامى مع انه قديم وكمان العربية كرونة ؟؟

[amr.elsayed]

ربنا يباركلك فى الاتنين و دايما يكونوا خير سند ليك .. قول امين
عاملة كام كيلو اللوجان ؟
بتجيب بيها من 0 الى 100 فى كام ثانية ؟
وبتجيب بالشاهين فى كام ثانية ؟
احسب بالارقام علشان تعرف اذا كان فى مشكلة فى اللوجان
ولا هو فعلا ماتور الشاهين اقوى
ومبروك العمرة يا باشا

[Mahmoud Nagieb]

ربنا يباركلك فى الاتنين و دايما يكونوا خير سند ليك .. قول امين
عاملة كام كيلو اللوجان ؟
بتجيب بيها من 0 الى 100 فى كام ثانية ؟
وبتجيب بالشاهين فى كام ثانية ؟
احسب بالارقام علشان تعرف اذا كان فى مشكلة فى اللوجان
ولا هو فعلا ماتور الشاهين اقوى
ومبروك العمرة يا باشا

ربنا يخليك يا باشا ..... اللوجان عاملة بالظبط 21 الف بس انا بصراحة محسبتش بتجيب من 0 ل 10 فى كام ثانية ... بس هيا العملية محسوسة اوى ... لو مثلا جيت كابس بنزين وانا على التانى فى اللوجان تلاقى ال rpm بيعلى ببطئ لحد لما يبدأ يوصل ل 4 تقريبا وساعتها بحس بأن العربية بدأت تشد ... الشاهين ما شاء الله اكبس بنزين بلاقى الموتور جاب 4.50 rpm فى وقت قصير جدا

هو اكيد موتور الشاهين مش اقوى بالعكس ده اقل فى السعة واقل فى القوة وشايل عربية اتقل وكمان دفع خلفى كرونة
انما اللوجان موتور انجيكشن وسعة اكبر و90 حصان وعربية خفيفة على كبالن ومش عارف مخنوق ليه كده ؟؟

[waelfarid]

هي العربيات الانجكشن كدة تدوس بنزين تحس انها بتفكر الاول وبعدين تنفذ بينما الكربراتير منك للمكنة علي طول

[yuyu0000yuyu]

نفس الاحساس عندى عربيتى ال 128 1.3 اول ما اكبس بنزين الاقى الفرك العجل والعربيه طارت من تحتى واديه تانى بنتشه القى فرك والعربيه تجمع بسرعه جدا اما الانسر ال 1.3 كرباتير برده اكبس مفيش وفرك بسيط مش زى ال 128 وتطلع ببطئ كدا واديه التانى تنتش وتفرك بس ومتجريش اوى زى ال 128 رغم ان موتور ها حالته فوق الممتازه زيرو تقريبا ومتحافظ اوى اوى عليه وبتعرق ماء من الشكمان وكده بس مش عارف مخنوقه كده ازااااااااى

[yoko]

سلام عليكم يا جماعة

بصراحة انا اول مرة اكتب فى قسم فيات .... وإن شاء الله متبقاش اخر مرة ...... انا معايا شاهين وبصراحة العربية ده عربية شغل ودايما متهانة لحد لما من حوالى شهر شدتها شدة حلوة عمرة وعفشة وفرامل وكله ... بصراحة من ساعتها بقت عروسة بتزغرط .... ومن ساعتها ما شاء الله حاسس ان موتور العربية بقى مهيبر مرة واحدة ... يعنى لما بكبس بنزين بحس ان فيه وحش فى الكبوت وكمان صوت الموتور العالى مدينى احساس انه فعلا وحش ... الى جانب ان تجميع الغيارات الاول والتانى والتالت بحس انه طلقة وان الموتور نشيط جدا .... بعكس مثلا اللوجان (الزيرو) اللى معايا بحس ان موتورها كسلان كده ومش بيجمع حلو زى الشاهين مع ان ده 1600 انجيكشن والشاهين 1300 كاربراتير ده بجانب فرق الاحصنة ووقت التصنيع

فعلشان كده بسأل هو ليه موتور الشاهين نشيط ودمه حامى مع انه قديم وكمان العربية كرونة ؟؟

اللوجان أقوي أكيد لكن الإحساس ده طبيعي لغن مواتير فيات تتميز بالعصبيه والعزم الي بيطلع بدري (بدون الدخول في تفاصيل هندسيه معقدة) فالعزم البدري ده بيحسسك بقوة السحب عند الrpm القليل لكن لو العزم متأخر متحسش بسحب العربيه غير لما الrpm يعلى

نفس الاحساس عندى عربيتى ال 128 1.3 اول ما اكبس بنزين الاقى الفرك العجل والعربيه طارت من تحتى واديه تانى بنتشه القى فرك والعربيه تجمع بسرعه جدا اما الانسر ال 1.3 كرباتير برده اكبس مفيش وفرك بسيط مش زى ال 128 وتطلع ببطئ كدا واديه التانى تنتش وتفرك بس ومتجريش اوى زى ال 128 رغم ان موتور ها حالته فوق الممتازه زيرو تقريبا ومتحافظ اوى اوى عليه وبتعرق ماء من الشكمان وكده بس مش عارف مخنوقه كده ازااااااااى

إضافة للكلام الي فوق وزن ال١٢٨ أخف بكتييير من اللانسر

[mrastra]

هي العربيات الانجكشن كدة تدوس بنزين تحس انها بتفكر الاول وبعدين تنفذ بينما الكربراتير منك للمكنة علي طول

الله
كلمة جميلة جدا ومصطلح عبقرى

[mohamedmmm2]

انت بس بيتهيالك بس على الطريق العربيه بتبان لو بتشد... وكمان ممكن تكون اللوجان مش متفتحه.. جرب احرق عليها شويه وشوف العربيه هاتبقى عامله ايه معاك.. كمان صوت الشاهين وفتيسها ممكن يحسسك انك بتجرى.. وانت فى الحقيقه لا بتجرى ولا حاجه

[mohamedgamall]

انت بس بيتهيالك بس على الطريق العربيه بتبان لو بتشد... وكمان ممكن تكون اللوجان مش متفتحه.. جرب احرق عليها شويه وشوف العربيه هاتبقى عامله ايه معاك.. كمان صوت الشاهين وفتيسها ممكن يحسسك انك بتجرى.. وانت فى الحقيقه لا بتجرى ولا حاجه

فعلا زائد ان الطريق و العفشة لو مش تمام يخلوك ماشى على 60 و انت حاسس انك ماشى على 160

[تامر.محمد]

رأيي ان الموضوع احساس السرعة (العربية الاقدم بتحسسك اكتر) + زي ما قال يوكو نسب الفتيس في الشاهين

[diko2006]

فتح المكنة لازم شويه كبس حلووووووووووووووووووووووووين

[MOUSTAFA_SAAD]

انت بس بيتهيالك بس على الطريق العربيه بتبان لو بتشد... وكمان ممكن تكون اللوجان مش متفتحه.. جرب احرق عليها شويه وشوف العربيه هاتبقى عامله ايه معاك.. كمان صوت الشاهين وفتيسها ممكن يحسسك انك بتجرى.. وانت فى الحقيقه لا بتجرى ولا حاجه

+11111111111

[Eng.Geo]

هاتهالي يوم واحد .. هخليهالك تشد مع الفيرنا :)
هو في حاجة بس مهمة لاوم تاخد بالك منها
العربيات الأنجكشن لو كبست بنزين وانت رافع رجلك من علي الدبرياج بيخصل lag شوية والموتور صوته بيعلي لغاية ما ياخد عزمه
حلها ... أفرك :)
الكربراتير .. لو الكربراتير مظبوط ونضيف .. الدوسة بفركة .. حتي لو رافع رجلك من علي الدبرياج
تعالي أوريك الأكسيل معايا بتفرك أو وتاني كاملين :)

[Mahmoud Nagieb]

يا جماعة المكنة انا شديت بيها بتاع 10 مرات من ساعة لما كملت ال 5 الاف ... وانا لما بروح السويس تقريبا بقفل العداد

هيا الفكرة ان مبحسش ان العربية بتسحب الا لما الار بى ام يعدى ال 4 غير كده بتبقى بطيئة فى التسارع

بالنسبة لموضوع ان العزم بيطلع بدرى .... فانا شوفت جراف للوجان ولاقيت انه بيطلع اعلى عزم عند 3750 ار بى ام .... وتقريبا الشاهين برضه نفس الحكاية (الشاهين عزمها اقل على فكرة)

هو ممكن تكون فعلا احساس سرعة مش اكتر ... بس عموما انا هاخد بالى وهبص على عداد السرعة وهجرب تانى

Eng.Geo: اااااه فين ايام الاكسيل ... على فكرة انا بعشق حاجة اسمها اكسيل وفعلا عربية اصيلة واحلى ايام شقاوتى كانت معاها .... والله كنت بزعل سيفكات وباسات بيها ( غرز طبعا ) .... انا لو بإيدى هديك اللوجان واخد الاكسيل والله

[KHALED AYMAN]

عزم اللوجان بيطلع على ار بى ام عالى ..عشان كده بتحس بالسحب بعد 4
الشاهين بعد 4 او 4.5 هتلاقيها بدأت تنام و تشد اللحاف
:)